- Преподавателю
- Математика
- «Қызықты математика» атты интеллектуалдық ойын
«Қызықты математика» атты интеллектуалдық ойын
Раздел | Математика |
Класс | - |
Тип | Другие методич. материалы |
Автор | Калыкова А.М. |
Дата | 11.01.2015 |
Формат | doc |
Изображения | Есть |
«Қызықты математика» атты интеллектуалдық ойын
Мақсаты: Оқушыларды ауызша есептеуге, шапшандылыққа дағдыландыру. Алған білімдерін пайдалануға және логикалық ойлау қабілеттерін дамыту. Математика пәніне қызығушылығын арттыру.
Көрнекілігі: Ойында интерактивті тақта, үлестірме қағаздар қолданылады.
Барысы: І.Ұйымдастыру кезеңі.
1-Жүргізуші: Бүгінгі күн сайыста
Ешкінен сен қалыспа,
Білімі кімнің көп болса,
Сол озады сайыста- деп
«Қызықты математика» атты сайысымызды бастаймыз.
2-Жүргізуші: Сайыстағы оқушылардың жұмысын бағалау үшін әділ қазылар алқасын сайлап алу.
Шын жүйрік шабысынан танылады
Нақты білім, терең ой сыналады.
Баға берер әділқазы ортамызда
Сіздерге құрметпенен қол соғылады.
ІІ.Негізгі бөлімі.
-
Математика жайлы әңгімелер
-
Логикалық есептер
-
Мақал-мәтелдер сайысы
-
Есепке кім жүйрік?
-
Кім көп біледі?
-
Қорытынды
1- сайыс: Математика жайлы ұлы ғалымдар айтылады оқушылар қай ғалымның сөзі екенін айту керек.
1.Арифметика математиканың, ал математика ғылымдардың патшасы.
(К.Гаусс)
2.Ақыл-ойды тәртіпке келтіретін математика, сондықтан да оны оқу керек.
(М.В.Ломоносов)
3.Математика - барлық ғылымдардың тұңғышы және оларға пайдалы да, қажет те.
(Р.Бэкон)
Оқушылар математика жайлы дайындаған рефераттарын оқиды.
2- сайыс: Логикалық есептер шешу.
Қиындықтан ешқашан біз қашпаймыз.
Алғырлықпен тапқырлықты ұштаймыз
Қиялдарға самғап ұшқан құстаймыз,
Шегінбейміз жеңістерге бастаймыз- деп, логикалық есептер шығару
Интерактивті тақтадағы есептерді шығару. Әр есепке 1 ұпай беріледі.
-
7 жұмыртқаның бағасы 7 теңге болса, 100 жұмыртқаның бағасы неше теңге? (100)
-
1т темір ауыр ма, әлде 1000 кг мақта ауыр ма? (Бірдей )
-
4 827 105 санындағы үш цифрды ең кіші сан шығатындай етіп
сыз. Сонда қандай сан шықты? (2 105 )
-
Сандар қатарындағы келесі санды тап?20,21, 23, 24,26, 27, … (29)
-
Квадрат үстелді айнала төрт адам отыра алады (әр жағына бір- бірден).
Мектепте дәл осындай 7 үстелді жалғап бір қатарға қойып, ұзын үстел
құрды. Осы үстелді айнала қанша адам отыра алады?(16)
-
Түйе, бота маң басқан
Төрт аяғын тең басқан.
Шұнақ құлақ бес ешкі
Қос лақпен қос ешкі.
Төрт қозылы екі қой
Бәрін бірге санап қой.(17)
-
Көл тоғанды қырға бар
Келіп қонды тырналар.
Жұптан қонып сол жерде
Отыр екен он жерде
Санап берші тырналар
Қанша болды ол жерде?(20)
3-сайыс. Мақал-мәтелдер сайысы.
Ал, балалар, балалар
Мақал -мәтел айтайық.
Қиындыққа қайыспай
Асулардан өтейік -деп, берілген мақалдағы нүктенің орнына сан қойып, мақалды оқу.
-
Ер .........рет өледі,
Қорқақ .......... рет өледі.
-
..... рет өлшеп,
......рет кес.
-
........ құзғын таласса,
........ қарғаға жем болар.
-
........ кісі қазған құдықтан,
..........кісі су ішеді.
-
Жақсыны ......... жыл жетелесең адам болар,
Жаманды .......... жыл жетелесең надан болар.
-
........ тістен шыққан сөз,
........ рулы елге тарайды.
7. Білгенің бір ..... , білмегенің .........
4-сайыс. Есепке кім жүйрік? сайысы
Өмірде ойлап тұрсаң, бәрі де - есеп.
Ауырсаң, ішетұғын дәрі де - есеп.
Есепсіз сүрген өмір мазмұнсыз ау,
Дүниенің бар тұлғасы есеп десек-деп, берілген есептерді топпен
шығарады.
-
Берілген есептегі жұлдызшалардың орнвна цифрларды қоя отырып, көбейтуді орында:
* 2 *
2 7
3 6 * 8
* * * *
* * * * * (524 · 27 = 14 148 )
2.0, 1, 2, 3 цифрларынан бірдей цифр қайталанбайтын барлық мүмкін төрт таңбалы сандарды жазыңдар. Мысалы 3 201 санын және т. б. құрастыруға болады. Алынған ең үлкен және ең кіші сандардың айырмасын неге тең?
(3 210 - 1023= 2 187 )
3.Қалалық бай тұрғын үш ұлына мұраға екі үй қалдырды. Ұлдары мұраны тең бөлуді шешті. Үлкен екі ұлдың әрқайсысының еншісіне үй тиді, ал кенжесіне ақша бөлінді: оған ағаларының әрқайсысы 500 динар берді. Сонда бір үйдің құны қанша динар тұрады? (1500 )
5-сайыс: "Кім көп біледі?"
Білімнің ұшқырлығын танытып сен,
Асып- тасып, асықпа,қалыспа сен.
Уақыт деген зымырап, зулап жатыр,
Шапшаңдық бұл сайыста керек екен -деп әр топқа 10 сұрақтан қойылады. Оған кім тез және қанша уақытта жауап беретіні ескріледі. Әр жауап 1 ұпай.
І топ 5-сынып оқушылары:
1. Санауда қолданылатын сандар? (натурал)
2. Санның ең үлкен бөлгіші неге тең? (санның өзіне)
3. 2-ге бөлінбейтін сандар не деп аталады? (Тақ сандар)
4. Қандай сандар 5-ке бөлінеді? ( 0 мен 5- ке аяқталатын сандар)
5. Жай сандардың кестесін жасаған грек ғалымы кім? (Эратосфен)
6. 1/2- ге кері сан? (2)
7. Ғасырдың жартысы неше жыл? ( 50жыл)
8. Ең кіші натурал сан, (1)
9. Санды қандай санға бөлуге болмайды? (0-ге)
10. 3 ке кері сан? ( 1/3)
ІІ топ 6-сынып оқушылары:
1. Шеңбердің екі нүктесін центр арқылы қосатын кесінді?
(диаметр)
2. Өзара кері сандардың көбейтіндісі неге тең? (1)
3. Оң санға да теріс санға да жатпайтын сан (нөл)
4. 9-ға қарама қарсы сан (-9)
5. -99,9 бен 1 қайсысы үлкен? ( 1)
6. 0-ден үлкен сандар ( оң сандар )
7. Таңбалары әр түрлі сандардың көбейтіндісі (теріс сан)
8. Екі санның қатынасы не деп аталады (пропорция)
9. 0- ден кіші сандар (теріс сандар)
10. Ең үлкен уақыт өлшемі? (ғасыр)
6.Қорытынды.
Әділ қазылар қорытындысын шығарады.
7.Марапаттау.