МИФ ойыны Бақытты сәт (8 сынып)

Ахметова Диляра Уалихановна

математика мұғалімі

«Қозыкеткен ЖОББМ»

Павлодар облысы, Успен ауданы, Қозыкеткен ауылы.

МИФ ойын «Бақытты сәт».

Сабақтың мақсаты:

Білімділік: Оқушылардың ойлау қабілетін, ой ұшқырлығын, оқуға ынтасын арттыру.

Дамытушылық: Ұйымдастырушылық қабілетін дамыту.

Тәрбиелік: Оқушыларды шапшаңдыққа, ізденімпаздыққа, ұйымшылдыққа тәрбиелеу

Көрнекілігі: нақыл сөздер, карточкалық тапсырмалар, логикалық есептер, әр топқа даярланған үстел.

Түрі: Топтық сайыс сағаты.

Типі: Ойын түрінде

Жоспары: 1. Таныстыру. (Әр команда өздерін таныстырады)

2. Тапқырлық сайысы (сұрақтар +логикалық есептер)

3. Біліктілік сайысы (есептер шығару)

4. «Сен білесің бе?» сайысы. (ғалымды суреті арқылы табу)

5. «Кім жылдам?»

Қолданылған нақыл сөздер:

1. Арифметика математиканың, ал математика ғылымдардың патшасы. (К.Гаусс)

2. Ақыл-ойды тәртіпке келтіретін математика. (М.В.Ломоносов)

3. Математика - барлық ғылымдардың тұңғышы және оларға пайдалы да, қажет те. (Р.Бэкон)

Кеш барысы.

1-жүр.: Қайырлы күн қадірменді көрермендер!

Бәріне жар салайық

Бүгінгі ойын төрінде

Есеп шешіп жарысып

Жұмбақ шешіп аңдысып

Шабыт тасып шалқысып

Көңілді ойын жасайық

Ғылымдардың ғылымы,

Математика, Информатика, Физика жайында

Сайысты біз бастайқ,

Ойынға бірге қатысуға,

Шақырамыз сіздерді.

Ортаға 8 «а» сынып оқушыларын: Абилов Ринат, Баймульдинова Аружан, Каирбекова Роза және Нургалиева Жанна шақырамыз.

Оқушыларды екі топқа бөлеміз, яғни 1- топ Баймульдинова Аружан және Нургалиева Жанна.

2-топ Абилов Ринат пен Каирбекова Роза.

І тур. Таныстыру. (Әр команда өздерін таныстырады)

ІІ тур Тапқырлық сайысы (логикалық есептер)

(Әр топ 1 минут ішінде 13сұраққа жауап беру керек. Егер жауабын білмесеңіздер «келесі» деп жауап бересіздер)

І топқа:

1. Үш сызықтан пайда болған фигура? (үшбұрыш)

2. Қысымды немен өлшейді? (барометр)

3. Ағаш үстінде 100 торғай отырады. Аңшы 10 торғайды атып алады. Торғайдың қаншасы қалады? (10 торғай)

4. Бөлменің төрт бұрышында бір-бір мысықтан отыр.әр мысықтың алдында үш мысықтан отыр. Барлығы бөлмеде неше мысық бар? (4мысық)

5. 225 нешенің квадраты (15)

6. Жарты түзу. (сәуле)

7. Дисплейдің басқаша аталуы (монитор)

8. Көкке қараған, жұлдыз санаған (телескоп)

9. Қай ыдыстан тамақ ішуге болмайды. (бос ыдыстан)

10. Ток күшінің немен өлшеді? (Ампер.)

11. Әр түрлі объектілер орналасқан Windows экраны? (жұмыс үстелі)

12. Ақиқаттығы дәлелдеусіз қабылданатын сөйлем (аксиома)

13. 1 т мақта ауыр ма, 10ц темір ауыр ма?(тең)

ІІ топқа:

1. Көпмүшенің барлық қабырғаларының қосындысы (периметр)

2. Терператураны немен өлшейді? (Термометр)

3. Үстелде 3 стақан сүт бар.Алмаз бір стақан сүтті ішіп қойды. Үстелде неше стақан бар? (3)

4. Ас адамның арқауы, ал компьютердің асы не? (тоқ)

5. 35 -тің квадраты (1225)

6. Ең үлкен хорда. (диаметр)

7. Ақпаратты қағазға шығарады, бұл құрылым қалай деп аталады? (принтер)

8. 1 т мақта ауыр ма, 10ц темір ауыр ма?(тең)

9. Шеңбер сызуға арналған құрал (циркуль)

10. Кернеуі күшінің немен өлшеді? (Вольт.)

11. Бір жанұяның бес ер баласы және олардың әрқайсысының қарындастары бар. Жанұяның қанша баласы бар? (6 бала)

12. Дәлелдеуді қажет ететін математикалық сөйлем (теорема)

13. 1 жұмыртқа 3 минутта піссе, 4 жұмыртқа қанша минутта піседі? (3 минут)

ІІІ тур. Біліктілік сайысы (есептер шығару)

Алгебра

30

40

50

Геометрия

30

40

50

Физика

30

40

50

Информатика

30

40

50

Алгебра

«30» Теңдеуді шешіңдер 64 + у = 12 ∙ 8 (32)

«40» Есептеңдер 81∙ (2423 -1879) : 36 (1224)

«50» Ықшамдаңдар(5в-4х)(5в+4х) (25в²-16х²)

Геометрия

«30» Квадратың қабырғасы 15 см-ге тең. Квадраттың периметрді табыңдар. (60 см)

«40» Тік төртбұрыштың ұзындығы 8м, ені одан 2есе кем. Тік төртбұрыштың ауданын табыңдар. (32м²)

«50» Егер ∠А = 42⁰ болса, онда АВСД параллелограмының бұрыштарын табыңдар. (42⁰; 138⁰)

Физика

«30» Дененің массасы 127 тонна килограмм арқылы өрнектеңдер. (127 000 кг)

«40» Ұшақ 750 км/сағ жылдамдықпен ұшып барады. 6 сағ ішінде ол қандай аралықты өтеді?(4500км)

«50» Жүктің массасы 10 кг. Оған қандай ауырлық күші әрекет етеді? (98 Н)

Информатика

«30» 8 гигобайтта қанша мегабайт бар? (8192)

«40» 29₁₀ - екілік санау жүйесіне ауыстырыңыз. (11101₂)

«50» (әзіл есеп) " Түлкі мен қасқыр".

Екеуі тегін балыққа тап болады. Қасқыр айтады "Мен математикаға нашармын, балықты сен бөл" дейді түлкіге. Сонда түлкі саған біреу, маған екеу, саған үшеу, маған төртеу т.с.с. Ең соңында жиырма балықты өзіне салады. Кім көп алды және қаншаға артық алды?

Ж: Ең көп балықты түлкі алды -110, 10 балыққа артық. Қасқыр-100

ІV тур. «Сен білесің бе?» сайысы.(Ғалымды суреті арқылы табу).
Ашқан жаңалығы туралы мәлімет. Әр жауапқа 20 ұпай.

1-топқа.

Ұлы ғалым Пифагор б.з.д. 570 жылы Самос аралында туған. Пифагор теогремасы Пифагорға дейін де белгілі болған, бірақ оны жалпы түрде дәлелдеген Пифагор.

Атақты француз ғалымы Андре Мари Ампер 1775 ж. Лион қаласында дүниеге келген. 1814 ж. өз бетiнше Авогадро заңын ашқан. Ток күшiнiң анықтамасын ұсынды.

2-топқа.

Декарт Рене (1596-1650), француз ғалымы, философ, математик, физик және физиолог. Координаттық жүйесін енгізген.

Исаак Ньютон - классикалық физиканы құрған әйгiлi ағылшын ғалымы, 1643 ж. Вулсторпада дүниеге келген. Бүкiләлемдiк тартылу заңын, жарық дисперсиясын ашқан.

V тур. «Кім жылдам?»

Сөздердің әріптерін орындарымен ауыстыру арқылы бүгінгі сабаққа байланысты сөздерді анықтаңыз.

1. апрцетяи -трапеция

2. терчесвин - винчестер

3. иуфзфидя - диффузия

4. яцооррппи - пропорция

5. иямонотрса - астрономия

6. теринпр - принтер

7. трұбышрөт-төртбұрыш

8. еедңту - теңдеу.

Осымен біздің сайыс аяқталды.Сөз кезегін әділқазылар алқасына беріп, бүгінгі сайыстың жеңімпаздарын анықтаймыз.

Жеңіске ие болған топ : « »

Қадірлі ұстаздар, оқушылар, уақыттарыңызды бөліп, келгендеріңіз үшін рахмет!

1. топ «Үшбұрыш» тобы.

Ұраны: Білікті бірді жығар.

Білімді мыңды жығар.

Сәлемдесуі: Біз дайынбыз бұл сайысқа достарым,

Көрсетеміз бізде қандай күш барын.

Алға қойған мақсатымыз бір екен.

Сәтті болсын сапарымыз әрдайым.

ІІ топ. «Квадрат» тобы.

Ұраны: Қандай сынақ болса дағы беріспе.

Әрқашанда үміткерміз жеңіске.

Сәлемдесуі: Армандарға қол созумен келеміз,

Өмір теңіз жүзіп келеді кемеміз.

Білімменен қаруланған тобымыз,

Қарсыласты қалай да біз жеңеміз.

1. топ «Үшбұрыш» тобы.

Ұраны: Білікті бірді жығар.

Білімді мыңды жығар.

Сәлемдесуі: Біз дайынбыз бұл сайысқа достарым,

Көрсетеміз бізде қандай күш барын.

Алға қойған мақсатымыз бір екен.

Сәтті болсын сапарымыз әрдайым.

ІІ топ. «Квадрат» тобы.

Ұраны: Қандай сынақ болса дағы беріспе.

Әрқашанда үміткерміз жеңіске.

Сәлемдесуі: Армандарға қол созумен келеміз,

Өмір теңіз жүзіп келеді кемеміз.

Білімменен қаруланған тобымыз,

Қарсыласты қалай да біз жеңеміз.