- Преподавателю
- Математика
- Көбейту мен бөлуге берілген есептер
Көбейту мен бөлуге берілген есептер
Раздел | Математика |
Класс | - |
Тип | Рабочие программы |
Автор | Берликенова Н.К. |
Дата | 15.04.2014 |
Формат | doc |
Изображения | Есть |
Математика пәнінен 3 сыныпқа арналған сабақ.
Тақырыбы: «Көбейту мен бөлуге берілген есептер»
Сабақтың мақсаты:
-
Есепті әр түрлі тәсілмен шығару. Кестелік көбейту мен бөлуді тиянақтау, амалдардың орындалу ретін анықтауға машықтандыру;
-
Оқушылардың ойлау қабілетін арттыру барысында ауызша, жазбаша есептеу дағдыларын меңгерту, шығармашылық қабілетін дамыту;
-
Оқушыларды ұқыптылыққа, адамгершілікке тәрбиелеу. Ойын арқылы жылдам ойлауға, ұлттық салт-дәстүрлерді тануға тәрбиелеу.
Сабақтың типі: Жалпылау, қорытындылау, пысықтау.
Сабақтың түрі: топпен жұмыс, өткенді қайталау.
Сабақтың әдісі: сұрақ-жауап, тест.
Сабақтағы көрнекі құралдар: үлестірмелі қима қағаздар, сызбалар.
Сабақта пайдаланылатын технологиялар: сатылай кешенді талдау, тірек-схема.
Пәнаралық байланыс: ана тілі, еңбек, дүниетану.
Сабақтың барысы:
-
Ұйымдастыру кезеңі
Үлкенге де сіз,
Кішіге де сіз,
Сәлем беріп сіздерге
Бас иеміз біз.
а) Психологиялық даярлық
Еңбек сабағы хормен:
Біздің келер шамамыз,
Бестен үшті аламыз.
Төртті бөліп екіге,
Жауабын тез табамыз.
Біздің келер шамамыз,
Көбейте де аламыз.
Төрт амалды тең бөліп,
Өте зерек боламыз.
-
Өткенді қайталау.
Үй жұмысын тексеру.
«Ой шақыру» стратегиясы. Өткенді қайталау:
-
9*2-ге көбейтіндісі
-
Уақыт өлшемдерін ата
-
Тік төртбұрыш пеиметрін қалай табамыз?
-
Көбейтудің қасиетін ата
-
4*8 көбейтіндісі
-
16:4
-
1м = ?см
-
Санды 1-ге көбейткенде не шығады?
-
Шаршының периметрін қалай табамыз?
-
Жаңа сабақ. Білімді ұрпақ - ел ертеңі. Сол ұрпақ бойына алғырлықты, тапқырлықты қалыптастыру мектеп қабырғасынан басталады «. Көбейту мен бөлуге берілген есептер» сайыс сабағын бастаймыз.
Сайысқа 2 топ қатысады. 1-топ «Тапқырлар», 2-топ «Алғырлар».
Сайыс бағдарламасы:
-
Таныстыру
-
«Кім жылдам?»
-
«Ойлы өрен»
-
«Ойлы болсаң, озып көр»
-
Тапқыр болсаң тауып көр.
1-кезең: Таныстыру
1-топ. «Тапқырлар» тобы
Бір сыныпта оқимыз, бәрімізде,
Достық сөзі әрқашан дәрі бізге.
Жарысуға сендермен келіп тұрмыз,
Мына жұрттың таңырқасын бәрі бізге,
Құрметтеп алғырларды ой-саналы,
«Тапқырлар» сәлем беріп, ән салады.
Бүгінгі сайыста достарына
Қашанда тапқыр бол деп ой салады.
Біздің ұран: «Білімдіге - дүние жарық, білімсіздің күні - кәріп».
2-топ. «Алғырлар» тобы
Біз дайынбыз жарысуға достарым,
Көрсетеміз бізде қандай күш барын.
Шақырып жарыстарға жар салады,
«Алғырлар» топ жарғалы жар салады.
Біздің ұран: «Оқу - білім бұлағы, білім - өмір шырағы».
-
Қызығушылығын ояту.
2-кезең: Кім жылдам?
1-топ. №1. Әрқайсысынан 6 гүлден 4 түрлі гүлдер болды. Олардан әрқайсысына 3 гүлден гүлшоқтар жасалды. Неше гүл болды? Неше гүлшоқ жасалды?
:
*
Шешуі: (6*4):3=8
5 жәшік - 40 кг.
1 жәшік - ? 40:5=8
2-топ. №2. Бес бірдей жәшікте 40 кг жүзім бар. Бір жәшікте неше килограмм жүзім бар? Осындай үш жәшікте неше килограмм жүзім бар?
: :
Шешуі: (40:5)*3=24
3 жәшік - ? 24 кг.
№4. 2 топтан 2 бала.
1-топ
2-топ
654 + 287 = 941
803 - 76 = 727
30 * 5 + 40 * 5 = 350
200 * 4 + 20 * 4 = 880
800 : 8 + 5 * 4 = 120
60 : 6 * 4 + 60 = 100
516 + (94 - 76) = 534
900 - (38 + 46) = 816
Сергіту сәті.
Аспанға қарап ай көрдім,
Төменге қарап жер көрдім.
Оңға, солға бұрылып,
Егеменді ел көрдім.
3-кезең: «Ойлы өрен»
№3.
Бағасы
Саны
Құны
Апельсин
60 тг
4
? тг
бірдей
Банан
? тг
3
? тг
Есеп
-
Шарты - апельсин -1кг-60тг. - саны - 4
-
Сұрағы - Құны қанша?
-
Мазмұны - жай есеп - бір амалды есеп
-
Кескіндеу
бағасы
саны
құны
Апельсин
60 тг
4
? 240 тг
-
Өрнектеу: 60 тг * 4
-
Шешуі: 60 тг * 4 = 240 тг
-
Жауабы: Апельсинге төленген ақша құны 240 тг.
-
бағасы
саны
құны
Банан
? 80 тг
3
240 тг
Бір банканың сыйымдылығы
Банкалар саны
Жалпы сыйымдылық
3 л
60
? л
бірдей
2 л
?
? л
Есеп
-
Шарты - 1 банканың сыйымдылығы 3л - саны 60
-
Сұрағы - Жалпы сыйымдылығы қанша?
-
Мазмұны - жай есеп
-
Кескіндеу
Бір банканың сыйымдылығы
Банкалар саны
Жалпы сыйымдылық
3 л
60
? 180 л
-
Өрнектеу: 60 * 3
-
Шешуі: 60 * 3 = 180 тг
-
Жауабы: 180 л сыяды
-
Бір банканың сыйымдылығы
Банкалар саны
Жалпы сыйымдылық
2 л
? 90
180 л
Сергіту сәті.
Күлкінің нұрын алақанға саламын,
Жүрегіме қысып ұстап аламын.
Адал, мейірімді,
Болып кетер сонда жан-жағым.
-
Шығармашылық тапсырма.
4-кезең: «Ойлы болсаң, озып көр»
Математикадан сұрақтар. Ұяшықтар №10
№10
-
20. Егер хатшы-референт 7 сағ ішінде 21 бет басса, онда ол 3 сағатта (9) бет басады.
-
20. Егер 3 қорап сіріңке үшін 9 тг төленсе, онда осындай 5 қорап сіріңке үшін (15) тг төлеу қажет.
-
20. 2 мин ішінде сұңқар 3 км ұшса, онда 6 мин ішінде ол (9) км ұшады.
-
30. 2 ц картоптан 16 кг крахмал алынады. 3 ц картоптан (24) кг крахмал алынды.
-
30. Егер 6 рейс жасау үшін автобус 3 сағ жұмсаса, 8 рейс жасау үшін ол (4) сағ жұмсайды.
-
30. 1 дм 5 см ˂ 2 дм
-
40. 24 дм ˂ 3 м
-
40. 450 т ˂ 5 ц
-
40. 80 мин = 1 сағ. 20 мин.
5-кезең: «Тапқыр болсаң, тауып көр»
1-топ. №7. Үй салар алдында Қонжық көбірек тік төртбұрышы бар терезе таңдамақшы болды. Қонжық қай терезені таңдады?
2-топ. №9. Анасытпісірген тоқаштардың жартысын әжесіне апаруға Қызыл телпектің себетіне салды. Жолда Қызыл телпек 1 тоқашты жеді, қалғанының төрттен бір бөлігін қасқырға берді. Қалған 6 тоқашты әжесіне әкелді. Қызыл телпектің анасы неше тоқаш пісірді?
(6+(8:4)+1)*2=18 тоқаш
№5. с*5 өрнегінің мәнін тап, мұндағы с = 2; 1; 3; 6; 8; 0; 10; 100.
1-топ
2-топ
2*5=10
1*5=5
3*5=15
6*5=30
8*5=40
0*5=0
10*5=50
100*5=500
Логикалық есептер
1-топ
2-топ
Біз үлкен жанұя
Ең кішіміз Әлия
Қалғанымыз мыналар
Еркежан, Айжан, Аружан,
Жансая, Дамир, Алина.
Алмажанымыз тағы бар
Әке - шешем тағы бар.
Қане, есептеп табыңдар? (10 адам)
Ертеңгісін атам
Екі серкені қорадан қуып еді
Егіз бөрте лақ ере шықты
Бөрте лақтардың енесі
Олармен ере шықты
Сонда барлығы неше ешкі далаға шықты? (5)
-
Ой тұжырымы.
«Білімдінің беті жарық,
Қайда барсаң да жолы ашық» - дегендей
Не артық? - білім
Ендеше, тек білім ғана біздерді дамыған елдер қатарына жеткізеді.
-
Сабақты бекіту.
Жарыс заңы ежелден,
Жеңімпазды анықтау.
Жеңімпаз болу шарты сол
Еңбектену, жалықпау.
Тест:
-
Бөліндінің мәні қайсысы? 10:2
А. 3 Ә. 5 Б. 6
-
Көбейту мен бөлу қандай амалдар?
А. Қарсы амалдар Ә. Өзара кері амалдар Б. Өзара кері емес амалдар
-
Заттың құны 20 теңге, саны 5 болса, 1 заттың бағасы
А. 4 теңге Ә. 15 теңге Б. 25 теңге
-
Жақшалы өрнекте алдымен не орындалады?
А. Көбейту амалы Ә. Қосу амалы Б. Жақшаның іші
-
Жақшасыз өрнекте алдымен не орындалады?
А. Көбейту мен бөлу Ә. Қосу мен азайту Б. Қосу мен көбейту
Жинаған гүлдерін санау, ұпай белгілеу. Жеңімпазды анықтау.
-
Бағалау.
«Көп ұпай жинаған адам - математик».
-
Үйге: 111 бет, №8.
Бастауыш сынып мұғалімі: Берликенова Нұрбала Кәрібайқызы
Алматы облысы, Ақсу ауданы, Матай станциясы
«Матай орта мектебі» коммуналдық мекемесі.