Санды көбейтіндіге көбейту және бөлу сабақ жоспары

07.12

Сабақтың тақырыбы

Санды көбейтіндіге көбейту және бөлу

Жалпы мақсаттар оқыту нәтижесі

Тәрбиелігі: оқушылардың топпен жұмыс істеу дағдысын ұқтыру, ұйымшылдыққа, жолдастық көмек көрсетуге баулу.
Білімділігі: көп таңбалы сандарды көбейту мен бөлуден тұрған білімдерін нақтылау, тиянақтау.
Дамытушылығы: жазбаша көбейту мен бөлу дағдыларын қалыптастыра отырып алғырлыққа, тапқырлыққа, дұрыс есептеуге, өз бетімен жүйелі қорытынды жасауға дағдыландыру, логикалық ойлау белсенділігін дамыту.
Түрі: қайталау сабақ.
Әдіс тәсілдері: түсіндіру, сұрақ - жауап.
Көрнекіліктері: көбейту және бөлуге арналған карточкалар, т. б карточкалар.

Топқа бөлу

Оқушыларға кесілген суреттер үлестіріледі.

Қолдарына алған қиындыларды құрастырып,сол бойынша топқа бөлінеді. Суреттерді тақтаға іледі.

Ынтымақтастық атмосферасы

Балалар, бір - біріңе қарап жымиыңдар, жайланып отырып, көздеріңді жұмыңдар. Менің айтқанымды іштеріңнен қайталаңдар.

Мен бақытты баламын,

Жан дүниемде күн нұрлы

Жылуым мол бойымда.

Оқушылар бір-біріне жақсы тілек тілеп, сыныпта жақсы ахуал қалыптастырады.

Үй тапсырмасын пысықтау

Көбейту кестесін еске түсіру

Оқушылар ауызша орындайды

Жаңа сабақ

а) Санды көбейтіндіге көбейту және бөлу тәсілін түсіндір:

56•70=56•(7•10)=56•7•10=392•10=3920

3920:70=3920:(10•7)=3920:10:7=392:7=56

ә) Жазбаша көбейту және бөлу тәсілін түсіндір:

Оқулықтағы тапсырмаларды топтарда бөліп орындау.

Дәптермен жұмыс.

Қосымша:

1-топ

Математикалық диктант.
- 7 саны 91 - ден неше есе кем? (13)
- 68 шығу үшін 17 - ні неше есе арттыру керек? (4)
- 8 шығу үшін 56 - ны нешеге бөлу керек? (7)
- Азайғыш - 1000, азайтқыш - 450. Айырманың мәнін тап. (550)
- Бөлінгіш - 320. Бөлінді - 4. Бөлгіш нешеге тең? (80)
- Санның төрттен бір бөлігі 60 - қа тең. Сан нешеге тең? (240)
2-топ
I топ --- II топ
46х20= --- 36х40=
10000 - 1= --- 1000 - 1=
490: 7х10= --- 300х3: 10=
45ц=? кг ---- 642т=? кг
2000см=? м ---- 4700см=? м
3сағ 15мин=? мин --- 4тәул=? сағ

Сергіту сәті

Бір үйде біз нешеуміз?

Кел санайық, екеуміз.

Бас бармағым - папам,

Балаң үйрек - апам.

Ортан терек - ағам

Шылдыр шүмек - мен

Титтей бөбек - сен.

Бір үйде біз нешеуміз?

Бір үйде біз бесеуміз.

Ой толғаныс

1. Сүт екі шелекке бөліп құйылған. Бірінші шелектегі сүт екінші шелекке қарағанда екі есе көп. Енді екі шелектен де 10 литрден сүт құйып алғанда, бірінші шелекте екіншіге қарағанда 3 есе көп сүт қалды. Әуелде әр шелекте неше литр сүт болған?
2. Ермек 4 кітап сатып алды. Бірінші кітапты санамағанда қалған үш кітап 420 теңге тұрады, екінші кітапты санамағанда қалған үш кітап 400 теңге тұрады, үшінші кітапты санамасы 380 теңге, төртіншіні санамаса 360 теңге тұрады. Енді әр кітаптың бағасын табыңдар.
3. Құмырсқа көрші илеуге барғанда жаяу барған, қайтарында көбелек құртына мініп келген. Жолдың бірінші жартысын көбелек құртына мініп өте ақырын жүрген. Бұл жаяу жүргенге қарағанда екі есе ақырын еді. Ал екінші жартысын ол шегірткеге мініп келді. Бұл жолы ол жаяу жүргеннен 5 есе жылдам жүрді. Құмырсқа қонаққа бара жатқанда аз уақыт кетті ме, келе жатқанда аз уақыт кетті ме?

Сабақты бекіту

Бүгінгі сабақта біз не істедік?

Саған қайсы тапсырма қиын болды?

Үй тапсырмасы

Оқулықта берілген тапсырмаларды орындау

Оқушылар күнделіктеріне жазады

Бағалау

Бүгінгі сабақ ұнады ма?
Өз көңіл күйлерін стикерге жазу.

Бағалау парақшасын толтырады

Кері байланыс