Уртак тапкырлаучыны җәя тышына чыгару

Тема: Уртак тапкырлаучыны  җәя тышына чыгару.  Максат: 1. Укучыларга уртак тапкырлаучыны җәя тышына чыгару турында мәгълүматлар бирү.               2. Мисаллар эшләү күнекмәләрен үстерү.               3. Чисталык, төгәллек сыйфатлары тәрбияләү.  Материал: Ю.Н.Макарычев һ.б. “Алгебра 7”, 118 бит Җиһазлау: мультимедийный проектор, ноутбук, презентация  Дәреснең тибы: яңа тема аңлату  Укыту алымы: репродуктив  Дәрес барышы: 1.    Оештыру өлеше:  -исәнләшү -укучыларны барлау  2.    Белемнәрне актуальләштерү:  -         өй эшен тикшерү -         телдән исәпләү ( 1 кушымта ) -         тарату законы: (а+в)с = ас + вс  3.    Яңа төшенчәләр бирү:  Исәпләгәндә күпбуынны берничә буынның тапкырчыгышы белән алыштыру файдалы була. Күпбуынны ике яки берничә күпбуын тапкырчыгышы рәвешендә күрсәтү күпбуынны тапкырлаучыларга таркату дип атала. ( 2 кушымта) 6а2в + 15в2 күпбуынын карап китик. Аның һәр буынын тапкырлаучыларның берсе 3в га тигез булган тапкырчыгыш белән алмаштырырга мөмкин: 6а2в + 15в2 = 3в 2а2 + 3в 5в Килеп чыккан аңлатманы тарату үзлеге буенча ике тапкырлаучының тапкырчыгышы рәвешендә күрсәтеп була. 3в 2а2 + 3в 5в = 3в(2а2 + 5в) Шулай итеп, 6а2в + 15в2 = 3в(2а2 + 5в) Күпбуынны тапкырлаучыларга таркатуның без кулланган юлы уртак тапкырлаучыны җәя тышына чыгару дип атала. Уртак тапкырлаучыны җәя тышына чыгарганда: 1.Саннар арасыннан иң зур уртак бүлүче җәя тышына чыга. 2.Үзгәрешлеләрдән иң кечкенә дәрәҗәдә булганы чыга.  3.    Белем һәм күнекмәләрне үзләштерү:  № 703. Уртак тапкырлаучыны җәя тышына чыгарырга: а) 5х + 5у = 5(х+у) (укучылар тактада эшлиләр)  Физкультминутка.  № 705. Тапкырлаучыларга таркатырга: а) 7ах + 7вх = 7х(а+в) (укучылар тактада эшлиләр)   №706. Уртак тапкырлаучыны җәя тышына чыгарырга: а) а2 + а = а(а+1) (укучылар тактада эшлиләр)  4.    Дәресне йомгаклау: -         нәтиҗә ясау -         билге кую  5.    Өй эше: -         укырга 118-120 бит -         №704, №707 тапкырчыгыш рәвешендә күрсәтергә.