- Преподавателю
- ИЗО, МХК
- Өнерлі отбасы атты отбасылық шығармашылық сайыс
Өнерлі отбасы атты отбасылық шығармашылық сайыс
Раздел | Изобразительное искусство и Мировая художественная культура (ИЗО и МХК) |
Класс | - |
Тип | Другие методич. материалы |
Автор | Жолмаганбет Р.Б. |
Дата | 16.08.2015 |
Формат | doc |
Изображения | Есть |
«Өнерлі отбасы» атты отбасылық сайыс
Сәлеметсіздерме, құрметті ата-аналар, бүлдіршіндер!
Бүгінгі «Отбасы күні» мерекесімен «Шұғыла» балабақшасы шын жүректен құттықтайды. Отбасылырыңызға денсаулық, бақыт тілейміз.
Бейнелеу өнері бойынша ұйымдастырылған шығармашылық сайысқа қош келдіңіздер!
Шығармашылық сайысқа алты топтың ата-аналары және бүлдіршіндері келіп отыр.
-
Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік қазыларды таныстырап.
Жүзден жүйрік, мыңнан тұлпарды анықтайтын әділқазы алқасымен танысайық:
Балабақшамыздың медбикесі Алмагүл Ережепқызы және Рима Жұмағалиқызы.
Бақылаушы: директордың оқу ісі жөніндегі орынбасары Айнұр Серікбайқызы.
-
Аналар бар өнерін салары анық,
Өнегелі тәлімді алған қанып.
Ал ендеше таныстырып өтейін мен,
Бөлімдерін сайыстың бөліп жарып.
Сайыстың кезеңдері мен шарттарымен таныс болыңыздар.
-
Таныстыру. Әр топтың ата-аналары өздерін таныстырады.
-
Суретті сканворд. Бір минут ішінде бірнеше сөз тауып жазу.
-
Үй тапсырмасы (Отбасы суреті).
-
Портрет «Сүйкімді бөбегім».
-
Қызықты суреттер.
-
Алақан ғажайыптары. Алақан арқылы ойдан бір сурет құрастыру.
-
Суретті керемет салатын,
Суретші мен боламын.
Абілхан атам сияқты
Сурет жолын қуамын.
Суретші болған ұнайды,
Таң қалдырсам талайды,
Суретшілік өнерді
Жүрегім менің қалайды - дей келе, сайыстың алғашқы кезеңдеріне кезек берсек.
-
Отбасымыз келіп жетті танысуға,
Сыпырды томағасын осы дұға.
Қызып келген қырандай керілтеді,
Әдеппенен ізетпен танысуға.
Әрбір отбасы өздерін таныстырып өтеді.
-
Суретті сканворд- ата-аналар тақтада ілінген суретті сканвордты бир минут ішінде шешу қажет. Кай отбасы көп сөз жазып шыққан болса, сол отбасы бес ұпай алатын болады.
-
Үй тапсырмасы -
Кедеймін деп қысылма,
Өнерің болса қолыңда.
Өнерлінің ырысы,
Жарқырап жатыр жолыңда - демекші ата-ана мен баланың дайындаған үй тапсырмасын тамашалайық. Үйге берілген тапсырма «отбасы суретін» бейнелеу. Әдемі бейнеленген сурет ең жоғары ұпайды иеленеді.
-
«Сүйкімді бөбегім» - әр ата-ана өз бүлдіршінінің суретін бейнелейді. Қай отбасы бірінші болып аяқтаса, сурет салу кезеңі аяқталады.
-
Қызықты суреттер - пуантелизм тәсілімен суретті жылдам бейнелеу. Дайын боямақ таратылады, мақта таяқшасы мен бояуды пайдалану арқылы бөбегімен бірге бейнелеу.
-
Алақан ғажайыптары - алақанмен орындалған үлгілерге қарап, ойдан сурет құрастыру.
-
Әр кезең бес ұпаймен бағаланады. Әр кезеңнің барлық ұпай санын әділ қазы алқалары есептеп, марапаттайды.
«Өнерлі отбасы» шығармашылық сайысқа уақыт бөліп қатысқандарыңыз үшін алғыс білдіремін.
Сау болыңыздар!