- Преподавателю
- ИЗО, МХК
- Тұйық және жолақ өрнектер
Тұйық және жолақ өрнектер
Раздел | Изобразительное искусство и Мировая художественная культура (ИЗО и МХК) |
Класс | - |
Тип | Рабочие программы |
Автор | Жалелова К.К. |
Дата | 14.02.2014 |
Формат | docx |
Изображения | Есть |
Сабақтың тақырыбы: Тұйық және жолақ өрнектер
Сабақтың мақсаты: Оқушыларды ою-өрнектің түрлерімен және ою-өрнектегі реңдерімен таныстыру. Түстердің мағынасы туралы түсінік беру.
Сабақтың барысы:
І.Ұйымдастыру бөлімі: Психологиялық дайындық.
ІІ. Үй тапсырмасын тексеру.
-
Сәндік - әдемілік, әседік
-
Қолданбалы өнер - күнделікті өмірде қолданатын керекті бұйымдар. Қазақ халқы әрбір қолданған затын өте ыңғайлы және сәнді етіп жасайтын болған.
Сәндік қолданбалы өнерге: киіз үй бөліктері; қару-жарақ; киіз басу; керамика; тігін; тоқыма; зергерлік бұйымдар; үй жиһаздары; ыдыс аяқ.
Қандай материалдар қолданған: темір, алтын, күміс, жүн, тері, тас, сүйек, ағаш, керамика.
Қолөнермен кімдер айналысқан: Ұсталар (темірмен жұмыс жасайтын адам) Шеберлер (ағашпен жұмыс жасайтын адамдар) Зергерлер (сәнді әшекей бұйымдар жасайтын) Ісмерлер (тоқыма киім тігетін, киіз басатын)
ІІІ. Жаңа тақырып: Қазақстанның алғашқы да атақты суретшісі Әбілхан Қастеев «Өнерді қайдан үйрендің?» - деген сауалға:
Таудың бұлағынан,
Қойдың құлағынан,
Апамның киізінен,
Ешкінің мүйізінен, - деп жауап берген болатын.
Қазақтың ою-өрнегінің бірнеше ондаған ғасырлық тарихы бар. Атадан балаға, ұрпақтан ұрпаққа мұра болып, үнемі қолданыста болып, дамып келе жатқан өнер түрі.
Көне заманнан қазіргі кезге дейін халықтың тұрмыс-дәстүрімен біте қайнасып, өмір сүріп келе жатқан өнердің бір түрі - ол қолданбалы өрнек өнері. Қазірде ою-өрнектерді композициялық құрылымына қарай бір жүйеге келтіру үшін ғалымдар ою-өрнекті 4 топқа бөледі: 1. Зооморфты 2. Өсімдік пішіндес. 3. Геометриялық.
4. Космогониялық.
Әр ою-өрнектің астарында мағына болады. Мысалы: «қошқан мүйіз» оюы молшылықты меңзейді, «ағаш» оюы ынтымақ бірлікті, «ирек» оюы адамның өмір жолы, судың белгісі, «шеңбер» оюы өмір жолы дегенді білдіреді. «Құс», «түйе табан», «итқұйрық» ою-өрнектері кебеже, жүкаяқ, әбдіре, асадал сынды бұйымдарда, ал өсімдік пішіндес оюлар «гүл», «жапырақ», «қырмызы гүл» т.б. Геометриялық өрнектер кілемде, шым шиде, ағаш пен тастан өңделген бұйымдарда, сондай-ақ барлық дерлік бұйымдарда композиция құру барысында пайдаланылады. Космогониялық тұйық өрнектер дегеніміз - шеңбер ішінде, түрлі бұрыштар ішінде орналасқан өрнектер.
Сонымен қазақтың ою және өрнек деген қос сөзі біріге келіп, латынша орнамент деген ұғымды білдіреді. Мағынасы әсемдеу, сәндеу. Ою дегеніміз - бұйымға түсірілген өрнекті пышақпен кесу арқылы өңдеу, бұйымды шабу кезіндегі ойып өңдеу жұмыстары. өрнек дегеніміз - кез келген бұйымның сыртына түсірілетін біртұтас байланысты әшекей. Жалпы алғанда ою-өрнек дегеніміз - әдемі ырғаққа арнаулы жүйемен құрылған өрнек бөлшектері.
ІІІ. Дәптермен жұмыс. Жаңа сөздерді дәптерге жазу. өрнектерді орналастыру үшін симметрия сақталу керек.
Симметрия дегеніміз - ою өрнектің екі жағының тең болуы.
Ритм дегеніміз ою-өрнекте бір элементтің қайталануы.
Колорит - бұйымға салынатын ою-өрнектің бояу түрлерінің бір-бірімен үйлесуі.
IV. Практикалық жұмыс.
1-ші қатарға кілемшенің бетіне өрнек салады
2-ші қатарға сандық бетіне өрнек салуға беріледі
3-ші қатарға табақ бетіне өрнек салуға беріледі.
Өз шығармашылықтарыңмен берілген заттың бетіне өрнек құрастырасыңдар.
V. Жаңа тақырыпты бекіту. Ою-өрнекті көрсете отырып қай топқа жататынын және қандай бұйымдарға салынатынын сұрау.
VI.Үйге тапсырма.
VІI Бағалау.