Желілік қоғамдастық арқылы тұрақты дамуды қалай қолдаймын?

Садвакасова Жаннат Мылтыкбаевна Мұғалімнің портфолиосы F есебі

№ 1 топ 1 деңгей

Қызылорда қаласы 30.05.2014

Желілік қоғамдастық арқылы тұрақты дамуды қалай қолдаймын?

Білім саласына өзгеріс енгізу, оқу үдерісіне жаңа стратегияларды ендіру, мұғалімдерді кәсіби жетілдіру бар да, оны тұрақты түрде дамытып отыру жұмыстың екінші бір бөлігі. Міне, осы жерде желілік қоғамдастықтың ролі ерекше.

«Білім беру желісіне» берілген анықтама бойынша: «Оқушылар жоғары нәтижелерге жету үшін бір мектептің шегінде, болмаса мектептер арасында оқыту мен оқу үдерістерін жетілдіруге бағытталған көптеген іс-қимылдарды жоспарлау, жүзеге асыру және мониторингін жүргізу мақсатында бірігетін мектептер тобы немесе әріптестер» делінген. (МАН, 51 бет). Мектептегі тәжірибе кезеңіндегі мақсатымыз мектептің стратегиялық даму жоспарына өзгеріс енгізу барысында желілік қоғамдастықты ықпалдастыру болғандықтан, алғашқы күндерден бастап-ақ мектепте желілік қоғамдастық құруды мектеп әкімшілігімен шештік. Сөйтіп, ынталы топ мүшелерімен, пән бірлестік жетекшілерімен басқосып, «Батыржан көшбасшылары» атты желілік қоғамдастық құруды келістік. (Қосымша, 1сурет). Мектепаралық құрылған желілік қоғамдастық жоспары дереу даярланды. (Қосымша1). Жалпы мақсатын: «Оқушыларды ХХ1 ғасыр зияткерлік талаптарына дайындау үшін мұғалімдердің кәсіби білімін жетілдіруді мектептер аралығындағы кәсіби байланыстар арқылы ынтымақтастыққа, өзара қолдауға қалыптастыру» деп алып, смарт мақсатын: «Мектеп мұғалімдері оқу үдерісінде оқытудың жаңа стратегияларын меңгеруді дамытады, ортақ мәселелерді шешуде, оқытудың тиімді инновациялық тәжірибелерін ендіруде идеялармен алмасады» деп тарқатылды. Күтілетін нәтижені: «Мұғалімдердің құзыреті артады оқыту мен оқу сапасын арттыруға бағытталған жаңа әдістерді дамытады; Оқушылардың мүмкіндіктері кеңейеді; Ата-аналар оқыту үдерісіне белсенді тартылады» деп алынды. Сонымен қатар, желіге тартылатындар және желінің ерекшелігі мен ұстанымын белгіледік. Жоспар, негізінен, мұғалімдер мен мектеп әкімшілігі, ата-аналар мен оқушылар арасындағы үйлесімді мақсаттар мен ортақ құндылықтарды сипаттады.

Құндылықтар деп отырғанымыз - ынтымақтастықта, бір-біріне деген сенімділікте бірлесе жұмыс жасау, ортақ идея төңірегінде бірігу және бір-біріне қолдау көрсету болып табылады. Осы орайда, біз облыстағы «Дарынды балалар мектебінде» бірінші деңгей бағдарлама тыңдаушыларымен кездесіп ой бөлістік. Өзімізді толғандырып жүрген сауалдарымызды ортаға салып мектептегі практика кезеңінде өткізілетін коучинг, тәлімгерлікті қалайша өткізуге болатындығы туралы әңгіме қозғадық. Әрқайсымыздың пікірлеріміз ортаға салынып, тыңдалды.

Көптеген білім беру желілері жақын орналасқан мектептерді біріктіретіні сияқты, оқшауланып қалмау үшін, № 264 мектепте құрылған кәсіби желілік қоғамдастыққа ықпалдасу үшін басқа үш мектептің бірінші деңгей бағдарламасын оқып жатқан көшбасшылар тобы бірлесіп жұмыс жасау мақсатында жиналдық. Сонымен қатар, іс-тәжірибе жинақтау кезеңінде, онан басқа қала көлеміндегі әріптестерімізбен де, интернет арқылы желілік байланыста болып, пікір алмасып, ой бөлісіп тұрдық. Келесі желілік қоғамдастық 5 мамыр күні Тасбөгет кентінде орналасқан № 176 орта мектепте жалғасын тапты. К. есімді әріптесіміздің ұйымдастырған коучинг сабағын көруге жиналдық. Мұнда, сабақтың ұтымды жақтарын түртіп алуға тырысып жатқан әр мектептен келген әріптестеріміз жетерлік екен. Жалпы, сабақ жаңаша әдіс-тәсілдерді сабақта қолдануға бағытталған екен. Сабақ соңында, өзіміздің пікірімізді «Екі жұлдыз, бір тілек» арқылы білдірдік. (Қосымша 1, 2 сурет). Осы отырыстан өзіме түйгенім, «желілік қоғамдастық» әр мектептен келген көшбасшыларды ынтымақтастырып, жаңа идеялар мен тәжірибелерді шыңдау үшін серпінді жағдай жасап шығармашылықпен ойландыратын ортаға айналатындығына көзім жетті.

Жалпы, мұғалімдердің құрған кәсіби желілік қоғамдастығы, ата-аналар, оқушылар, мектепке мүдделі, адамдардан құрылған қауымдастық жұмысы келешекте жалғасын табады деп ойлаймын. Бірақ, мұнымен жұмыс бітпейді, атқарылатын істер алда. Білім беру саласының оқшаулануы - дамуға кедергі келтіретіні бізге мәлім. Бұл жалғыздан - жалғыз бар күшіңді жұмсағаннан, бірлесіп оңтайлы жұмыс істеудің жолы, сондай-ақ, бүкіл желінің білімін жинақтау - білім алып жатқан балалардың барлығына әсер ете алатыны. Сондықтан, мектептер арасындағы ынтымақтастық, мектептердегі оқушылардың ғана емес, болашағымыздың мүддесі үшін мектептердің «Білім беру желілеріне» бірігуі уақыт өткен сайын маңыз алуда.

Пайдаланылған әдебиеттер:

1. Мұғалімге арналған нұсқаулық, 2012 ж

Қосымша

Мектепаралық құрылған желілік қоғамдастық жоспары

Кәсіби қоғамдастық атауы: «Батыржан көшбасшылары»

Жалпы мақсаты: Оқушыларды ХХ1 ғасыр зияткерлік талаптарына дайындау үшін мұғалімдердің кәсіби білімін жетілдіруді мектептер аралығындағы кәсіби байланыстар арқылы ынтымақтастыққа, өзара қолдауға қалыптастыру

Смарт мақсаты: Мектеп мұғалімдері оқу үдерісінде оқытудың жаңа стратегияларын меңгеруді дамытады, ортақ мәселелерді шешуде, оқытудың тиімді инновациялық тәжірибелерін ендіруде идеялармен алмасады

Күтілетін нәтиже: Мұғалімдердің құзыреті артады оқыту мен оқу сапасын арттыруға бағытталған жаңа әдістерді дамытады; Оқушылардың мүмкіндіктері кеңейеді; Ата-аналар оқыту үдерісіне белсенді тартылады

Желілік қоғамдастыққа тартылатындар: Мектеп басшылары, көшбасшы ұстаздар, 1, 2, 3 деңгейлік курсты бітірген ұстаздар, ынталы топтар

Желілік қоғамдастықтың басты ерекшелігі: сенімділік пен өзара көмекке негізделген стратегия

Ұстанымы: Мәдени және толерантты қарым-қатынас орнату мен білімді тарату

Құрылым

Іс-шара мазмұны

Байланыстар формасы

Күтілетін нәтиже

Уақыты

Жауаптылар

-Мектеп әкімшілігімен кездесу

МДЖ - мен танысу

Үйлестіру жұмыстарын жүргізу

Семинар өткізу

Сауалнама қорытындысымен таныстыру

Жиналыс жасау

Кездесу

МДЖ-ны талдайды

Осал тұстарын анықтайды, үйлестіреді

МДЖ-ны жоспарлайды

Күнделікті

Әкімшілік мүшелері

-Пән бірлестіктері

Семинар өткізу

Сауалнама жазу

Бірлескен өзгеріс жиналысына қатысу

Дөңгелек үстел

Семинарды ұйымдастырады

Әлеуметтік ахуал тудырады

Аптасына 2 рет

Бірлестік мұғалімдері

-Ынталы топ мүшелері

Кәсіптік деңгейлерін көтеру

МДЖ - ны жоспарлау

Сауалнаманы дайындау

Сауалнаманы тарату

Қорытындысын талдау

Коучинг сабақтары

Сауалнамаларды дайындайды алады қорытындысын шығарады

Аптасына 1 рет

Команда мүшелері

-Тәлімгерлік

Кәсіби деңгейлікті жетілдіру

Сабаққа өзгеріс енгізу

Сабақты әзірлеу

Сабақ беру

Тәлім алушыны бақылау

Сабақты талдау

Тәлімгерлік отырыстар

Сабақ жоспарына өзгеріс енгізеді кәсіби деңгейі жетіледі

Үдерісті дамытады

Мерзімінде

Тәлім алушылар

-Оқушылар

Сабақ үстінде қадағалау

Оқушыларды зерттеу

Сабақ кезінде

Оқу үдерісіндегі өзгеріске қалыптасады оқуға қызығушылығы артады

Екі аптада бір рет

9 «A» сынып оқушылары

-Ата - аналар

Сауалнама жауап алу

Бірлескен жиналысқа қатысу

Жиналыста

Сауалнамаға қатысады оқу үдерісіне белсенді тартылады

Айына бір рет

Сынып ата - аналары

№ 217 Б.Шалғынбаев атындағы орта мектебі

№ 176 орта мектебі

№ 264 мектеп - лицей

№ 4 Дарынды балаларға арналған орта мектеп

Мағлұмат алмасу

Жоспар дайындау

Коучинг арқылы тәжірибе алмасу

Қоғамдастық құру

Өзгеріс енгізуде кеңес сұрау

Өзара көмек алу

Іс - әрекет барысында ойласу

Кездесу

Желілік байланыс

Мектеп мұғалімдері тәжірибе алмасады қоғамдастыққа қамтылады

Мерзімінде

І деңгей курс тыңдаушылары

-Курстастар

Өзара көмек алу

Әсерлермен бөлісу

Желілік байланыс

Мұғалімдер өз-ара пікір алысады

Мерзімді

І деңгей курс тыңдаушылары

-ПШО

Ұсыныс, кеңес алу

Бағыт - бағдар алу

Кездесу

Желілік байланыс

Ұсыныс, кеңес бағыт бағдар береді

Мерзімді

Тренер

-cpm.kz

Желілік қауымдастықпен байланысу

Желілік байланыс

Интернет, портал байланысын орнатады

Мерзімді

Портал

Қосымша 1

5