Мектепте сертификатталған мұғалімдер жүмысына талдау

IX. Сертификатталған мұғалімдер жұмысына талдау.

Мектеп әкімшілігі Қазақстанда педагогикалық шеберлік орталығы мен Кембридж университетінің бағдарламасымен оқу мұғалімдердің сабақ беру тәжірибесіне, оқушылардың оқуына, жалпы алғанда мектептің жұмысына оң әсерін тигізетінін ескере отырып, педагогикалық ұжымдағы сертификатталған мұғалімдердің жұмыстарын жыл көлемінде назарда ұстады. Мектепте 1 (ілгері) деңгейде 2 мұғалім, 2-деңгейде 1 мұғалім, 3-деңгейде 8 мұғалім жұмыс жасады. Деңгейлі бағдарлама модульдері педагогикалық ұжым мүшелері арасына коучингтар мен LESSON STUDY арқылы кеңінен таныстырылып, іс-тәжірибеге нәтижелі енгізілу жалғастырылды. 7 модульді сабақтарға ықпалдастырылған ашық сабақтар циклдары өткізіліп, талқыланды. Мектеп әкімшілігі ақпан айында «Сертификатталған мұғалімдердің педагогикалық қуатты құралдарды сабақтарға тиімді ықпалдастыру нәтижелігі.» тақырыбында әдістемелік кеңес ұйымдастырып, мұғалімдердің сабақтарына қатысылып, талдау жасалынды. Талқылау барысында мұғалімдер сыни тұрғыдан ойлау, диологтік оықту, оқу және оқыту үшін бағалау, дарынды оқушылармен жұмыс және АКТ модульдерін тиімді ықпалдастыратындары байқалды. Мұғалімдер Турсиянова Н.А., Азылханова А.Б., Шәңгішбаева А.С., Саньязова Б.Қ., Илюбаева А.А., Отарбаева Р.Ч., Жұмағұлова А.М. сабақтарынан оқушылар факті мен пікір арасындағы айырмашылықты анықтауға, орынды сұрақ қоюға, толық қадағалау жасап, болжамдарды табуға және олардың терминдерін айқындауға және салмақты логикалық дәлелдер негізінде пайымдаулар жасауға дағдыланғандары байқалды. Мұғалімдер сабақтарда оқушыларға бірқатар сапалы сұрақтарды қоя білуге үйрету, басқаларға арналған талаптарды жазу, нақты ойластыру жұмыстарына баулуда, бірнеше құрылымды пайдаланып, салыстыру және қарама-қарсы қою, себеп пен салдар, дәлелдер, ұстанымдар жасауға жетелей біледі. Сабақ барысында сыныпқа барлық ақпаратты факт ретінде ұсынбай, екіұдайы ақпаратты көбірек беруге тырысады, сөйтіп баланың ойлау қабілетін дамытуға бағыттайды. Дегенмен, пән мұғалімдері Бисатова Ғ.Ш., Жампеисова К.И. деңгейлі бағдарлама модульдерін сабақтарға тиімді қолдануға айрықша көңіл бөлу керектігі байқалды.

Әкімшілік сертификатталған мұғалімдерге арналған бақылауды ұйымдастырып, сабақтарды талдаудың сызба үлгісін жасап, деңгейлі бағдарлама модульдеріне сәйкес етіп қайта құрды. Бұл мұғалімдердің 7 модульді енгізе отырып, білім берудің сапасын арттырудағы тәсілдерін кеңінен қарастыруға мүмкіндік туғызды. Мектеп әкімшілігі жанындағы әдістемелік кеңесте " Сертификатталған мұғалімдердің педагогикалық қуатты құралдарды сабақтарға тиімді ықпалдастыру нәтижелігі " тақырыбы бойынша сабақтарға қатасылып, талқылау жасалынды, білім сапасының мониторингтік көрсеткіші шығарылды. 3-деңгейлі мұғалім Жампеисов Е.Т. сабақ беретін география пәнінен 6А, 7А, Б., 9А,10А сыныптарында білім сапасы 1-тоқсанмен салыстырғанда жылдық қорытынды бойынша артқанмен, 5А,Б, 8А сыныптарында жыл соңында регресс байқатты. Мұғалімге диалогтік оқыту мен топтық жұмыстар арқылы оқушылардың өзіндік оқыту ортасын құрып, өзін-өзі реттеуді дамытуына ықпал етуді кеңінен қарастыру қажеттілігі байқалды. 2-деңгейлі мұғалім Азылханова А.Б. 11, 10сыныптағы қоғам пәнінен білім сапасы артып, керісінше 10с.тарих пәндерінен кеміген, мұғалім бұл сыныпта оқушылардың белсенді оқыту арқылы сөйлесу, талдау, дәлелдеу басымдылығын қамтамасыз етуді әлсіз жүргізген. Бисатова Ғ.Ш. сабақ беретін биология және химия пәндері бойынша 7А, 8Б, 9А, Б, сыныптарында білім сапасы көтерілгенмен, 6А, 7Б, 8А сыныптарда биологиядан, 9Б, 8А химия пәнінен керісінше білім сапасы төмендегені байқалды. Мұғалім оқыту үрдісінде сабақты түсіндіруге мейлінше аз қатыса отырып, оқушылардың бірлескен жұмысына жағдай туғызу арқылы білімді өзіндік игеруге жетелеуді сабақ үрдісіне терең енгізбеген. Илюбаева А.А. сабақ беретін 8А, сыныптағы қазақ тілі мен әдебиеттен прогресс көрсетсе, 5Б сыныбынан регресс байқалды. Мұғалім деңгейлі бағдарлама модульдерін ықпалдастыруда оқушылардың жас ерекешлігін ескере отырып жүргізуді ескермегені байқалды. Шангишбаева А.С. сабақ беретін қазақ тілі мен әдебиет пәндерінен 8Б сыныбында 1-тоқсан қорытындысымен салыстырғанда прогресс, қалған сыныптарда регресс байқалды. Қатысылған сабақтарда мұғалім модульдерді шебер ықпалдастыратыны байқалғанмен, сумативті бағалау жасауда кемшіліктер жіберу салдарынан, жыл басындағы қорытынды баға барлық сыныптарда жоғары қойылғаны анықталды. Бұл кемшілік мұғалімге ескертілді, сондықтан жыл соңындағы білім сапасының төмендеуіне әкелді. 2-деңгейлі мұғалім Турсиянова Н.А. сабақ жүргізетін математика пәнінен 9А, 10А, 11 сыныптарда білім сапасы көтерілген, жалпы мұғалім сабақтарда оқушылардың белсенді оқыту арқылы сөйлесу, талдау, дәлелдеу басымдылығын қамтамасыз ете біледі. 1-деңгейлі мұғалім Саньязова Б.Қ. сабақ беретін 7Б, 10,11-сыныптарда білім сапасы жоғарлаған, мұғалім диалогтік оқыту әдістерін түрлі тәсілдермен сабақ мақсаттарына сай қиналыссыз кіргізіп, оқушылардың білімді өзіндік игеруіне, тапсырмаларды топтарда талқылап пікір айта білуге бағыттай алған. 3-деңгейлі бастауыш сынып мұғалімдері мұғалім Матаева А.Б., Отарбаева Р.Ч., Жұмағұлова Ә.М. сынып бойынша білім сапасы жылдық қорытынды бойынша жоғарлағанмен, Жампеисова К.И. 1% төмендеген. Бастауыш сынып мұғалімдеріне сыни тұрғыдан ойлау модулін қолдану арқылы оқушылардың логикалық ойлауын, функционалдық сауаттылықтарын, яғни ой қорыта білу, өз ойларын жазбаша түрде дәлелдеп жеткізе білу дағдыларын дамыту жолдарын әлсіз қарастырған.

Сертификатталған мұғалімдердің жұмыс барысы мектеп әкімшілігі тарапынан мониторингтік тестілеу және сауалнамалар арқылы жыл көлемінде тексеріліп, аудандық, облыстық іс-шараларға қатысымшылдығы ескеріліп отырылды. Аудандық сертификатталған мұғалімдер арасында деңгейлі бағдарлама негізінде өткізілген «Тізбектелген сабақтар топтамасының ең үздік орта мерзім жоспарлары» сайысына 9 мұғалім өз жоспарларын ұсынып, Саньязова Б.Қ., Жұмағұлова А.М 2-орын, Азылханова А.Б., Жампеисова К.И. 3-орындарды иеленді. Жыл басынан бері 1-деңгей мұғалімі Азылханова А.Б. Зырян аудандық желілік қоғамдастыққа «Технология, оның талаптары және сабақ» тақырыбында, Саньязова Б.Қ. осы тақырыпта және «Оқушыларды ғылыми зерттеу, іздену жұмыстарын ұйымдастыру - білім беру үрдісін жүзеге асырудың тиімді жолы» сондай-ақ, «Әдеби жанрларды оқыту» тақырыптарында «Шеберлік сыныптары» мен семинар-практикумдар ұйымдастырса, 2-деңгейлі мұғалім Турсиянова Н.А. «Oқу үрдiсiндe диaлoгтiк oқытудың тиiмдiлiгi» тақырыбында кәсіби қоғамдастықтық ретінде мектеп мұғалімдерімен коучинг сессиясын өткізді.