Әдістемелік жұмысты ұйымдастыру (мақала)

Жалпы білім беретін Бұлан орта мектеп - балабақша кешені

«Әдістемелік жұмысты ұйымдастыру»

Мектеп директоры: Байниязова Майра Жарылғағанқызы

Мектеп - келешек ел басқарар, жер- суына иелік етер, ел -халқын гүлдендетер, мерейін өсіріп, мәртебесін биіктетер жасампаз жандарды шыңдар киелі ұя.

Ғылым мен техниканың жедел дамыған кезеңінде оқушының жеке мүмкіншілігін неғұрлым көп ашу, қабілетін, талантын дамыту мектептін басты міндеті болып саналады.

Мектеп - әдістемелік жұмыс орталығы. Өйткені мұғалімдердің кәсіби өсуі күнделікті жұмыс барысында жүзеге асырылады.

Осы себепті Бұлан орта мектебі әдістемелік жұмыстарды жаңарту мақсатында «оқытудың жаңа педагогикалық инновациялық технологиясын қолданып, мұғалімнің кәсіби құзіретін жетілдіре отырып, жан - жақты дамыған жеке тұлға қалыптастыру» тақырыбында көптеген іс - шаралар жүргізілуде.

Әдістемелік кеңес жұмысының негізгі мақсаты: ұстаздардың кәсіптік шеберлігін арттыру бағытында үздіксіз жұмыс жүргізе отырып, оқушыларға терең де тиянақты білім беру. Оқу үрдісіндегі жаңа технологияларды зерттеп, қолдану, шығармашылықпен жұмыс жасайтын ұстаздар еңбегін тарату, қабілетті оқушылармен жұмыс ұйымдастыру, жас мамандарға көмек көрсету.

Әдістемелік кеңес жұмысының бағыты 3 ке бөлінеді.

1. Ұйымдастыру - педагогикалық

2. Нұсқаулық - әдістемелік

3. Ізденушілік - зерттеушілік

Жоғарыдағы бағытта жұмыстану кезінде ұжымдық әдіс, жеке ідіс, топтық әдіс түрлерін жеке қолдана отырып, төмендегідей нәтижелерді күтеді.

1. Бәсекеге қабілетті , жан - жақты білімді жеке тұлға;

2. Кәсіптік шеберлігі шыңдалған ұстаз;

3. Жаңа технологияны меңгерген жаңашыл ұстаз;

4. Оқушы бойындағы дарындылық пен қабілеттілік

Сонымен қатар мектеп ұжымы білім сапасын әлемдік деңгейде меңгерту барысында:

1. Бағдарлы дайындықты ұйымдастыру

2. Жаңа буын оқулығымен жұмыс;

3. Жаңадан жабдықталған кабинет жұмысын жабдықтау;

4. Мұғалімнің ақпараттық мәдениетін қалыптастыру;

5. Мұғалімнің бағдарлы оқуға дайындығы;

6. 12 жылдық білім беруге көшу;

7. ҰБТ, МАД- ға дайындықты ұйымдастыру сынды стратегиялық бағытта жұмыс түрлерін үнемі жүргізіп отырады.

Мектептегі барлық ұстаздар 3 әдістемелік бірлестікке бөлініп, жұмыстар жүргізуде. Атап өтетін болсақ: «Ұлағат», «Парасат», «Шапағат». Бұл әдіс - бірлестіктің өз алдарына қойған мақсат - міндеттері мен күтілетін нәтижелері толық айқындалған.

Оушылардың ғылыми зерттеуге қызығушылығын қалыптастыру, қабілетін дамыту, ғылыми көрегендікке баулу мақсатында «Дарынды жас» ғылыми қоғамы жұмыс жасап келеді.

Бұл қоғамда олимпиадалық резервтер, ғылыми жобалар, интелектуалды сайыстар жоспарға сай жүргізіледі.

Соның нәтижесіндегі республикалық, облыстық сайыстарда жүлделі орындарға ие болуда. Қазіргі қоғам талабы - оқыту мен үйретудің әдістемелерін жақсарту және жаңарту болып табылады. Осыған орай «Ізденіс орталығы» құрылып, «Жаңашыл ұстаз» озат тәжірибе қоғамы, «Болашақ» шығармашылық топ, сынып жетекшілер және «Жалынды жас» жас ұстаздар топтары жұмыс жасап келеді.

Мектеп - білім ошағы, тәрбие ордасы, тағылым табалдырығы. Әр жеткіншек зерттелмеген құпия. Жан жемісі алдымен оқу - білім тәрбие десек, сол жемісті берер мәуелі ағашымыз - мектеп, ал мектептің жүрегі -мұғалімдер. Ал мектепті бақылау үрдісі мектеп әкімшілігі- мұғалім -оқушы - ата - аналармен бірлескен түрде жүргізіледі. Осы бағыттағы ұйымдастыру жолдары 4 бағытта қарастырылған.

1. Тәрбиелік - дамытушылық

2. Қалыпсатырушылық

3. Бақылушылық

Ал мектеп - ата - ана байланыс жұмыс формасы мен әдістері төмендегідей жоспарланады.

Олар дәстүрлі жұмыс түрлері: ата - аналар жиналысы, ата - аналар комитеті жұмысы, «Ашық есік күні», ата - аналар конференциясы дәстүрлі емес жұмыс түрлері : тақырыптық ақыл - кеңес, әңгіме, тренингтер, ата - аналар кеші т.б. Бұл әдістемелік жұмыстар өте қызықты да қиын. Белгілі педагог К.Ушинский «Мұғалім - өзінің білімін үздіксіз көтеріп отырғанда ғана мұғалім. Оқуды, әзденіс тоқтатылысымен оның мұғалімділігі де тоқтатылады » - деген екен. Еліміздің болашақ ұрпағын тәрбиелеуде білім нәрімен сусындалатын мұғалім мойынында ауыр жүк тұрғанын ұмытпағанымыз абзал.