2014-2015 оқу жылының аға тәлімгердің Есебі

Медеу ауданы

№159 Ы.Алтынсарин атындағы гимназия

2014-2015 оқу жылындағы Аға тәлімгердің атқарған

жұмыстарының ІІ-ші жарты жылдық

Есебі

Аға тәлімгер: Бакирова Ақмарал

Серікқызы

Алматы қаласы

Ы.Алтынсарин атындағы №159 гиназияның 2014-2015 оқу жылының үшінші жартысындағы аға тәлімгер жұмысының есебі

Қазақстан халқы Ассамблеясының ХХ сессиясында еліміздің Н.А. Назарбаев белгілеген «бір халық - бір ел - бір тағдыр» идеясы 2014- 2015 оқу жылындағы Білім Күнінің ұраны болуы,тиіс деп айтқан. Осындай тақырыппен барша оқушылар мен аяулы ұстаздардың асыға күткен 1-қыркүйек білім күні мерекесі «Сыңғырла, Алғашқы қоңырау!» салтанатты жиыны өткізілді. Дәстүрлі мерекенің ең басты қонақтары - 1 сыныпқа келген 159 оқушы мектеп табалдырғын аттады.

1-қыркүйек -Білім күніне арналған салтанатты жиынының жалғасы «Қазақстан - 2050 Стратегиясы : бір ел - бір халық - бір тағдыр» тақырыбында өткізілген сынып сағаттарымен ұласты. 9-11 сыныптарға тарих пәнінің мұғалімі Асанбекова Гүлмира Сағатқызы «Қазақстан -2050 стратегиясы бір - халық, бір -ел, бір-тағдыр» тақырыбында конференция өткізіп, «Қазақстан» телеарнасынан көрсетілді.

«Бақытың да,байлығың да денсаулық» атты іс-шара өтті. Спорттық іс-шараға 5 сыныптың оқушылары мен ата-аналары «Әкем , шешем және мен, күшіміз біздің кімнен кем!» атты тақырыппен отбасылық жарыстар өткізілді.

«Денсаулық күніне» өткен іс-шаралар жоспар бойынша өтіп, мектеп оқушылар мен ұстаздар түгел ат салысты.

Осы денсаулық апталық аясында төмендегідей іс-шаралар ұйымдастырылды«Өкпе ауруларының алдын-алу» диспансерінің дәрігері 9-11 сынып оқушыларына дәріс оқыды. «Салауатты өмір салтын қалыптастыру» орталығының дәрігер-валиологы Ысқақова Рақия Кеңесбекқызымен кездесу өткізілді. Кездесуде «Сыраның энергетикалық сусындардыңзияны» тақырыбында дәріс өткізілді.

Балаларды жол-көлік оқиғаларынан жарақаттанудың алдын - алу мақсатында «Айналайын абайла!» онкүндік іс-шаралары ұйымдастырылды.

Оқушыларды жол ережесімен таныстыру. Жол қауіпсіздігін сақтаудың адамдар өміріндегі маңыздылығын ұғындыру, көше жағдайындағы кеңістікті бағдарлай білу дағдыларын дамыту.Іс-шара барысында оқушыларға жолда жүру ережесін қатаң сақтау, оны бұзбау, бағдаршамға қарау, көлік алдынан жүріп өтпеу сияқты қағидаларды сақтауды ескертіліп қана қоймай, жарық шағылыстыратын

байлауыш таратылды.

Сегізінші сынып оқушыларынан құрылған «Жас қыран» тобы бастауыш сынып оқушыларына жолда жүру ережесіне байланысты сабақтар өткізді. Сонымен қатар кішкентай бүлдіршіндерімізге сурет салдырды.

Әр сыныпта «Жол көлік ережесі мен тәртібі» тақырыбында тәрбие сағаттары, «Сары, қызыл, жасыл» викториналық ойындар 5-сынып оқушылары арасында ұйымдастырылды. 10-11 сынып

оқушыларынан сауалнама алынды. 1-4 сынып оқушылары арасында «Бағдаршамның сыры мен тілі» тақырыбында іскерлік ойын ұйымдастырылып, оқушылар белсенді қатысты.

Жолда жүру айлығында ата-аналарда назардан тыс қалмады. Ата-аналарға арналған «Баламыз аман болсын десек...» тақырыбында жолда жүру ережелері туралы үлестірмелі парақшалар таратылды

Айналайын абайла

Жан-жағыңа қарайла

Жолда-жүру ережесін

Есте сақта қалайда.- 1сынып оқушыларын «Жас қыран тобы»мектеп айналасындағы жаяу жүргінші жолдарымен таныстырды

5 сыныптар арасында «Біз қарусыз болашақты қолдаймыз» плакаттар,суреттер сайысы өткізілді.Бұл сайысқа 5в,б сыныптарынан басқа 5а,ә,г сыныптары қатысып мектеп әкімшілігі грамотасымен марапатталды.Осы күні мектеп кітапханасында көрме ұйымдастырылды

.

«Өрттен құтқару» спортының Әлем чемпионатының өтілуіне мектепте де спорттық іс-шаралар ұйымдастырылды. Сынып жетекшілері сынып оқушыларымен төтенше жағдайлар кезіндегі болатын құтқару жұмыстары туралы әңгіме өткізіп, оқушыларға

мәлімет берілді.Өрт қауіпсіздігінің қатерлі жағдайына байланысты оқушылардың арасында практикалық шараларды ұйымдастыру мақсатында мектептің спортзалында 9 в сынып оқушыларының қатысуымен жаттығу жұмыстары

жүргізілді. Оған Алматы қаласы Медеу ауданының ТЖБ бас маманы, өртке қарсы қызмет подполковнигі Асхат Темірханұлы Тоқарбаев, өртке қарсы қызмет майоры Азамат Әліқұлы Туркестановтар қатысты. Жаттығу кезінде сынып оқушылары екі топқа бөлініп жарысты. Жарыс соңында топ басшыларына және ойыншыларға футболкалар, ойыншықтар, постерлер таратылып берілді.

Төтенше жағдайлар кезінде көрсетілетін іс-әрекеттер, әсіресе өрттің алдын алу , өрт кезінде алғашқы көмек

көрсетудің түрлері жайлы мектеп кітапханашысы Исперова Балғын кітапхана көрмесімен таныстыру барысында айтып өтті. Көрмеге қойылған материалдардан оқушылар алғашқы көмек түрлері жайлы мағлұмат алды.

«Отбасы апталығы»төмендегі жоспар бойынша өткізілді. Қазақстан Республикасы Президентінің 2013 жылға 1 наурыздағы №511 Жарлығына сәйкес қыркүйек айының екінші

жексенбісі Отбасы күнінің аталып өтілуіне байланысты «Отбасы бақыт мекені» атты апталық іс-шаралар жоспары жасалды.

Қазақстандық отбасының жалпы келбетін насихаттау, жеткіншек ұрпақты рухани адамгершілік тұрғысынан тәрбиелеу мақсатында

Отбасы апталығының аясында 5сыныптар аралығында «Ал,қанекей Әжелер» сайысы аталып өтті.Бұл іс-шара жас ұрпақты ата-баба дәстүрімен тәрбиелеу мақсатында өткізілді.

Әжелеріміз аянбай өз өнерлерін көрсетті.

Осы апталықта «Ұстаз- ұлағаттыұлы есім», «Білікті ұстаздан білімді шәкірт» атты шығармалар сайысы аталып өтті.Ұстаздар күніне байланысты оқушылар өз өнерлерін көрсетті.Ал,5-11-ші сынып оқушылары «Ұстазға мың алғыс». Оқушылар ұйымымен «Өзін-өзі басқару»күні жүйелі ұйымдастырылып , мектептің мәжіліс залында ұстаздарға арналған мерекелік концертпен жалғасын тапты.

Ұстаздар туралы «Ұстазым менің ұстазым» әні мен «Ұстазым» әндерін мектеп оқушыларының барлығы айтты.

Гимназиямыздың оқушылары мектебімізге келген жас мұғалімдерге де өз ықыластарын білдірді.

Концерттің соңында Аягүл Төреқызы оқушылар ұйымына өз алғысын білдірді.

Жалпы 2013-2014 оқу жылында Жас қыран» ұйымына 50 оқушы, ал «Жас ұлан» ұйымына 207 оқушы қабылданған болатын ал, 2014-2015 оқу жылы басында Жас қыран» ұйымына 48 оқушы, ал «Жас ұлан» 98 ұйымына оқушы қабылданды. Жалпы гимназия бойынша 402 оқушы қабылданды. «Жас қыран», «Жас ұлан» ұйымына қабылданатын оқушыларға ұйымның ережесімен, бағыттарымен таныстырылды.

«Ұлы жеңіске-70 жыл» тойлауына байланысты Қалалық «Жас ұлан», «Жас қыран» Бірыңғай балалар мен жасөспірімдер ұйымы мүшелігіне қазанның 23-жұлдызында М.Әуезов театрының алаңында қабылдау рәсімі өтіп, мектебіміздің 5 сыныптардың оқуда озат, белсенді оқушылары «Жас ұлан» қатарына қабылданды.

Республикалық бірыңғай «Жас ұлан», «Жас қыран» Бірыңғай балалар мен жасөспірімдер ұйымы мүшелігіне желтоқсанның 11-жұлдызында Ғ.Мүсрепов атындағы «Жасөспірімдер мен балалар» театрының алаңында қабылдау рәсімі өтіп, мектебіміздің 5 сыныптардың оқуда озат, белсенді оқушылары «Жас ұлан» қатарына қабылданды.

2014 жылдың желтоқсан айының 13-жұлдызында Алматы қаласы №159 гимназия қабырғасында Тәуелсіздігіміздің 23 жылдығына арналған онкүндік іс-шараларының бірі, Елбасымыз Н.Ә.Назарбаевтың бастамасы бойынша құрылған Республикалық бірыңғай «Жас Ұлан» балалар мен жасөспірімдер ұйымының қатарына 5 сыныптардағы оқушылардың салтанатты қабылдау рәсімі аталып өтті.

Жасұлан - жігерлі де жайдарлы ұйым,

Төл мерекең жыл сайын тойланды ұйым!

Жаңғырып, жанданатын жылдан-жылға,

Жасұлан - жалынды ұйым, айбарлы ұйым!

Кеше ғана бастауыш білімімен сусындап, орта білімге аяқ бастап, үздік оқумен өзгелерге үлгі болған төмендегі «Жас Қыран» буыннан өтіп, 5-ші сыныптардың 97 оқушысы «Жас Ұлан» қатарына қосылуға ерікті түрде ниет білдіріп, қоғамдық өмірде, қазақ ұлттық болмыста, халықтық келбетпен қалыпты сақтай отырып , ата-анасын шынайы сыйлап, олардың өнегелі қасиеттерін бойға сіңіріп, өз үлесін қосуға және оның мүшесі болуға ант берді.

Қазақстан Республикасының туының түсіндей «Жас Ұлан» галстуктері мен төсбелгілерін тағу рәсімі Ы.Алтынсарин атындағы гимназия директоры, Қазақстанның Еңбек Ері, «Алтын жұлдыз», «Отан» ордендерінің иегері, Алматы қаласының құрметті азаматы Миразова Аягүл Төреқызына және салтанатты жиынның қадірменді қонақтары ОБЭЕ (ОБЭС) тарапынан Халықаралық семинарға қатысушыларға берілді.

Салтанатты жиынға «Жас Ұлан» туы зор мақтанышпен желбіреп еңгізілді, асқақ та пәрменді «Жас Ұлан» ұйымының Гимні шырқалды.

Келесі іс - шара «Алтын күз» мерекесі

Биылғы «Алтын күз» мерекесі жылдағыдан ерекше тартымды өтті. Бастауыштың 2в,2б , 4а,4в сыныптарында және 6ә сыныбында ашық тәрбие сағаттары ата-аналардың қатысуымен қызықты өткізілді.

Сынып жетекшілер Жиенбаева Жанат, Мамырбекова Нұргүл, Халелова Гүлжан,Жақашбаева Назгүл және Тұңғышбаева Гүлназ осы сынып жетекшілер асқан шеберлікпен ата-ана мен оқушыларды ұйымдастырып ,барша сыныпты қатыстыртып, әрқайсысы күз ханы мен ханшайымы болып өз өнерлерін ортаға салды .Барлық балаға номинация бойынша мақтау қағаздары берілді

Жоғарғы 8-10 сыныптарда күз мерекесі сайыс түрінде өткізілді.8 сыныптар арасында: 8б сыныбы «Бас жүлде» сынып жетекшісі Айжан Аймұқанқызы,8в сыныбы І орын-сынып жетекшісі Бидайбекова Г.,8ә сыныбы ІІ орын-сынып жетекшісі Шелекбаева Қ, ІІІ орын 8а сыныбы-сынып жетекшісі Рахманқұлова Г

9 сыныптар арасында : 9в сыныбы Бас жүлде- сынып жетекшісі Сабыр Ж, 9а сыныбы І орын - сынып жетекшісі Шабданова Ш , ІІ орын 9ә сыныбы - сынып жетекшісі Сәйдекеева С, ІІІ - орын 9в сыныбы -сынып жетекшісі Оспанбек

10 сыныптар арасында өткізілген күзгі бал сайысының қортындысы бойынша Бас жүлдені 10ә сыныбы,сынып жетекшісі Айнабекова С, І орынды 10б сыныбы сынып жетекшісі Аухадиева Р, ІІ орынды 10а сыныбы сынып жетекшісі Дайырбекова Р.

Тоғызыншы Қараша Әлемдік қайрымдылық қорына байланысты «Dostyk Plaza» ойын сауық орталығында Медеу ауданы бойынша «Флэшмоб,Флизмоб» өткізілді біздің гимназиядан 6,7-ші сынып оқушылары қатысып мақтау қағаздарымен марапатталды.

Тәуелсіздік күніне орай Ғабит Мүсірепов атындағы Жасөспірімдер және балалар театрында,бірыңғай «Жас ұлан» балаларының

салтанатты ант беру рәсімі «16 желтоқсан-Қазақстан Республикасының тәуелсіздік күніне» байланысты желтоқсанның 11 жұлдызында аталып өтті. Ант беру салтанатына төмендегі он оқушы мүшелікке қабылданды: Нұрмолда Нариман,Тастемір

Шамил,Қалижан Арайлым,Бексултанов Айдос,Нурахан Жаhангир,Кемебаев Асет,Амиралина Инкар,Қасымова Мерей,Болат Санжар.

Келесі іс-шара жыл сайын балалардың әлде бір ғажайып болжаммен,тәтті үмітпен асығып күтетін қуанышы-Жаңа жыл мерекесі:

Желтоқсан айында «Жаңа жыл» мерекесі жоғары деңгейде аталып өтті. Мектептің үздік оқушылар сарайында өткен Медеу ауданы әкімінің шыршасына қатысты. Ал, жағдайы төмен отбасы балалары циркте өткен Алматы қаласы әкімінің шыршасында болып, Аяз атаның қолынан сыйлық алып қайтты.

Нағыз мереке бірінен соң бірі ғайыптан тайып ертегілер кейіпкерінің "пайда болуымен" басталды.
Ақпанның 18-шы жұлдызында Гүлзина Әбенқызы Бірыңғай «Жас қыран» оқушыларымен математикалық логиканы дамыту мақсатында семинар өткізді.Оқушылардың нешетүрлі мозайкалармен,асбұршақтарымен түрлі геометриялық фигуралар жасағанына сырттан келген қонақтар дән риза болды.

Ал келесі іс шара «Медеу аруы-2015»

«Қыз-елдің көркі» бағдарламасы бойынша «Медеудің ең әдемі аруы-2015» байқауы қазіргі қоғамдағы әйел ананың ролін айқындай

түсу бағытында қызбалаларға рухани тәрбие беру мақсатында ақпанның 20-шы жұлдызында №19 мектепте өткізілді.Біздің гимназиядан 9а сынып оқушысы Рахымжан Сандуғаш қатысып І-орынға ие болып Республикалық «Қыз аруы-2015» байқауына наурыздың 5-ші жұлдызында болатын «Ең әдемі ару» байқауына жолдама алды.

Келесі іс-шара Қазақстан халқы ассамблеясы Қазақстан Республикасы президентінің 1995 жылғы 1-наурыздағы жарлығымен мемлекет басшысы жанындағы консультативтік-кеңесші орган ретінде құрылды.Елбасы 2015 жылды халықтар Ассамлеясының жылы деп жариялады және де 2015 жыл айтулы тарихи мерекеге толы:

Қазақ хандығының 550 жылдығы,Кониститутциямыздың 20 жылдығы,дүниені дүр сілкіндірген Ұлы Отан Соғысының аяқталғанына 70 жыл! Сонымен қатар біздің гимназиямызда ақпанның 24-жұлдызында «Қазақстан-татулық пен бірліктің мекені» атты іс-шара өткізілді.Сонымен қатар іс-шарада,мектебіміздің оқуда озат,5-ші сыныптың он оқушысы ЖАС ҰЛАНҒА қабылданды,

сондай-ақ 5-ші сыныптармен бірге Медеу ауданындағы №4 орта

мектептен оқуда озат сегізінші сыныптың он оқушысы қабылданды.Төсбелгі мен галстуктарды тағу Ассамблея қонақтары:Абдалиева Маргарита Абубакирқызына,мектебіміздің директоры Еңбек ері Аягүл Төреқызы Миразоваға,Мамсуров Қазыбек Владимирұлына,Восток Ахмадулла мырзаға,Ахметов Расул мырзаға,Қайыров Рустам Абдусаламұлына,Молдабаева Қатипа Қасқырқызына,Осман Асылы ханымға,Байсымакова Айгүл Болатбекқызына табысталды.

Ұлы жеңістің 70 жылдық қарсаңында

Ақпанның 28-жұлдызында Ұлы жеңіске байланысты іс-шара өткізілді. Биыл 1941-1945 жылдардағы Ұлы Отан соғысындағы Жеңіске 70 жыл толу мерекесі қарсаңында барлық мектептердегі

сияқты біздің гимназияда да іс-шаралар өткізілді.Соның бірі 2-4 сыныптардың «Жас қыран» оқушылары дайындаған

ардагерлермен болған кездесу.Кездесуде №159 гимназияның шағынауданында тұратын және осы мектептің қамқор

көрсетілуі бекітіліп берілген соғыс ардагерлері,сондай-ақ Медеу аудандық ардагерлер кеңесінің төреғасы К.Серікбаев қатысты.

Бірыңғай «Жас қыран» оқушыларының Ант қабылдау рәсімі өтті.98-оқушыға «Жас қыран» төсбелгілері

тағылды. Төсбелгіні тағу Медеу ауданының ардагерлер ұйымының төреағасы Серикбаев Ким Серикбайұлына, Қазақстанның Еңбек

ері гимназия директоры Аягүл Төреқызы Миразоваға,Ұлы отан соғысының ардагері Некшина Анатонина Васильевнаға табысталды.

Келесі іс-шара Президент сайлауы наурыздың 9-ші жұлдызында Гимназияның Президент сайлауына дауыс беріп,9в сынып оқушысы Тілеухан Азамат 61 дауыс жинады,9а сынып оқушысы 125 дауыс жинап,наурыздың 12 жұлдызында Президент сайлауы өткізілді. Гимназиямызда «Азамат» парламент-ұйымының алатын орны ерекше. Оқушылардың әрі шығармашылық, әрі

білім жағынан шыңдалуына жағдай жасайтын бұл ұйым балаларды еңбекқорлыққа, қоғамдық жұмыспен қатар, білімді қатар алып жүріп, оқығанымызды практика жүзінде көріп, оны бойымызға тоқып, өзін-өзі басқаруына жол ашады, мүмкіндік береді.

«Нұр Отан» Халықтық-демократиялық партиясының ХІІІ съезінде Елбасы Нұрсұлтан Назарбаев балаларды қоғамдық жұмысқа, ұлы білімге баулу туралы мәселе қозғаған болатын. Съезде Елбасының бастамасымен «Жас Ұлан» Республикалық бірыңғай балалар мен жасөспірімдер ұйымын құру туралы шешім қабылданып, ол өз жұмысын бастады.

«Азамат» парламент-ұйымына жаңа сайланған мүшелері:

1.Шамжанды Дәурен,гимназия президенті

2.Нүрсейіт Ақмарал,гимназия премьер-министрі

3.Спанова Еркежан,оқу-білім министірі

4.Ордахан Арайлым,Рахимжан Сандуғаш мәдениет министрлері

5.Бердеш Диас,ұйымдастыру министрі

6.Байдаулет Елдана,ақпарат министірі

7.Әбішова Жания,ұйымдастыру министірі

8.Омаров Мұрад,Амангелді Ахмет КТК(көңілді тапқырлар клубы)министрлері

9.Бажанов Даулет,туризм және спорт министірі

10.Қыдырбек Фарангис,тәртіп министірі

11.Абдуалиқызы Айгерім,тазалық минмистірі

12.Абдраимова Айғаным,Асқарова Алуа ұйым хатшылары

Гимназия Ұланбасшысы Бижанова Алтынай

Ұланбасшысы 1-орынбасары Какенова Мадина

Ұланбасшы орынбасары Орынбасар Абылай

Ұланбасшы орынбасары Бейсембай Руслан

Ұйым хатшысы Көпжасарова Улзия

Мектеп Президенті 9а сынып оқушысы Шамжанды Дәурен Ант берді.Бұл оқушылардың гимназия директоры,ұстаздары және оқушылары алдында ұлықтау рәсімі салтанатты жиын түрінде наурыздың 12-сі күні өткізілді.Салтанатты жиында сонымен қатар гимназия директоры «Азамат» парламент ұйымы мен Жас ұланның гимназия бойынша атқарылған бұрынғы мүшелеріне алғыс хаттар тапсырды.Алғыс хаттарға төмендегі оқушылар ие болды:

Лесбаева Бағдат,гимназияның бұрынғы президенті;

Сенгырбай Жанел,премьер-министр;Мұхамедшәріпов Елдар, мәдениет

министірі;Айтуған Құдайберген,тәртіп министірі;Бекенов Бауыржан,

ұйымдастыру жұмысының бұрынғы министірі;Сеитқали Бекжан,мәдениет министірі;Ибраим Әлібек,оқу білім министірі;Асқар Диас,ақпарат

министірі;Қажымхан Азамат,спорт министірі;Жақашбаева Ақдана,ұйымның хатшысы;Кенжебеков Рүстем Жас ұланның ұлан басшысы.

Гимназия директоры: А.Т.Миразова

Аға тәлімгер: А.С.Бакирова