Конспект классного часа «Құқықтық сауаттылық - заман талабы»

«Құқықтық сауаттылық - заман талабы»

Мақсаты:

1. Оқушылардың құқықтық білімдерін тексере отыр жауапкершілікті арттыру, алдына мақсат қоя білуге баулу.

2. Оқушылардың ойлау , тыңдау, сөйлеу мәдениетін дамыту, сөздік қорларын молайту.

3. Конституцияны, құқықтық нормативтік актілерді орындап, құрметтей білуге үйрету және адамгершілікке, елжандылыққа, құқықтық сауаттылыққа тәрбиелеу.

Әдісі: топтық сайыс

Көрнекілігі: слайдтар, интерактивті тақта, нақыл сөздер.

Ұйымдастыру

а) Мемлекеттік әнұранды орындау.

ә) Сайыстың мақсаты мен мазмұнын таныстыру.

Сайыс жоспары.

1. Таныстыру

2. «Блиц турнир»

3. «Заң сөздікшесі»

4. «Жалғасын тап»

5. «Тосын жағдаят»

6. «Ой елегінен өткіз»

7. «Сөз шебері»

Еліміз тәуелсіздігін алып, бары мен жоғын түгендеп жатқан тұста мемлекетіміздің қабылдаған негізгі заңы ел дамуының компасы болды. Мемлекет дегеніміз - белгілі бір территориясы, шекарасы, рәміздері, ұлты мен жалпы халықтық ірі ұйым десек, сол халық ұлтының төл Конституциясының қабылданғанына 17 жыл толып отыр.

Адам құқықтарының жалпыға ортақ декларациясын БҰҰ 1948 жылы 10 желтоқсанда қабылдаған. Осы декларация қабылданғалы жыл сайын 10-желтоқсанда «Адам құқықтарының» күні аталып өтіледі.

Адам және азаматтардың құкықтары, ерік, бостандықтары терең құрастырылған кұжат, бұл өзіміз жиі айта беретін 1787 жылы қабылданған АҚШ Конституциясы . Бұл кезде 200 жылдан астам уақыт өтсе де сол Конституция әлі күнге дейін өз маңызып жойған жоқ. Яғни олардың заңы бойынша Конституция алдында Президентте, қарапайым адам да бірдей құндылыққа, бірдей жауапкершілікке ие.

1993 жылы Жоғарғы кеңес бекіткен егеменді еліміздің алғашқы Конституциясы 1995 жылы референдум арқылы бекіткен екінші Конституциясы қабылданды.

Биылғы жылдың еліміз үшін Қазақстанның алдағы уақытта Еуропадағы қауіпсіздік және ынтымақтастық ұйымына төрағалық етуге сайлануымен жас мемлекетіміз тарихында жарқын бет болып жазылатындығы күмәнсіз. Елбасы Нұрсұлтан Назарбаев «Бұл біздің ғана жеңісіміз емес, Қазақстан ЕҚЫҮ- ға төрағалық ететін бірінші ТМД елі: ол бірінші Түркі елі ол тарихи тұрғыда өркениет ислам кеңістігіне жататын бірінші ел ең соңында, ол бірінші Азиялық ел, сондықтан бұл біздің ортақ жеңісіміз» - деп атап өткендей елімізге мұндай биік сенім көрсетілген бәрімізге зор мақтаныш.

Әлемдік қауымдастықтың құрметіне бөлену әрине оңай іс емес. Осы жылдар
ішінде Қазақстанымыздың қандай жолдан өткендігі көз алдымызда, оны барша жұртта жақсы білмейді. Еліміздің қуаты берік, іргесі бекем бола түсуі - бірлігіміздің
арқасы сол бірлікті ту етіп көтерген Қазақстанымыздың беделі өсе бергей.

Блиц турнир:

1. Конституция сөзінің аудармасы қандай? (Құрылым өкілім)

2. Қ.Р-ның биліктің бірден бір бастауы (халық)

3. Республика заңдары қай кезде күшіне енеді (Президент қол қойғаннан кейін)

4. Егемендік алғаннан кейін Қ.Р-да Конституция қанша рет қабылданды?

(2-рет 1993 жылы 28-қаңтар , 1995 жылы 30-тамыз)

5. Республикадағы жоғарғы заң шығарушы органды ата? (Парламент)

6. Қ.Р өзін қандай мемлекет ретіне орнықтырды. (Демографиялык, зайырлы , құқықтық, әлеуметтік)

7. Құқық дегеніміз не? ( Мемлекет тарапынан заңдастырылған және қорғалатын жалпыға бірдей міндетті нормалар жүйесі.)

8. Қ.Р. Конституциясы неше бөліктен және қанша баптан тұрады? (9-бөлім 98-бап)

9. Қ.Р-дағы «Бала құқықтары» туралы заң қанша тараудан тұрады ?

(10-тарау 53-бап)

10. Бала құқықтары туралы конвенция қашан қабылданды?

(1989 жылы 20- қараша БҰҰ-ның бас ассамблеясы қабылданды)

Заң сөздікшесі:

Декларация- тараптар мақұлдаған жалпы принцитер мен мақсаттарды қалыптастыратын салтанатты акт

Міндет - адамдар бұлжытпай орындауға тиісті тәртіп пен қарым-қатынасқа қойылатын талап

Құқық- қоғамдағы адамдардың өзара қарым- қатынасын реттеп отыратын мемлекет белгілеп, қорғайтын нормалар мен ережелер жиынтығы, осы нормаларды зерттейтін ғылым

Мораль- адамның іс-әрекетін қайырымдылық пен зұлымдық, әділдік пен әділетсіздік және т.б. тұрғысынан реттеп отыратын нормалар мен принциптер жүйесі

Конституция - конституциялық құрылысты бекітетін, адам мен азаматтың құқығы мен еркіндігін бекітетін, мемлектеттік биліктің федеральдық органдарын тағайындайтын негізгі құрылтайшы саяси- құқықтық акт.

«Жалғасын тап» ойыны

1. Заңның құрығы ... (бәрінен ұзын)

2. Өш алғаннан ғөрі ... (кешірген жөн)

3. Ақырын жүріп .... (анық бас)

4. Асыл тастан ... (өнер жастан)

5. Тура биде... (туған жоқ)

6. Ұрлық түбі ... (қорлық)

7. Жазасын тартпайтын ... (жамандық жоқ)

8. Әдепті бала ... (арлы бала)

9. Тәрбие ... (отбасынан басталады)

10. Әділ істің...(арты игі)

Тосын жағдай (жағдаят шешу)

1. Асқар мен Роза қала сыртына демалуға шықты. Демалыс жақсы өтіп жатқан еді, оларға қолтықтарында арақтары бар үш арақ ішкен жігіт жас отбасына тиісе бастады. Әр түрлі балағат сөздер, артық әзілдер айтты. Дайындап қойған түскі астарын жеп қойды. Жолдасы үндемей тұрды. Өйткені ол түсінді, бұл жігіттер ешкімнің алдында тоқтамайтындығын, сөйтіп оларға бізді үйімізге апарып таста деп бұйрық берді. Осы кезде Асқар алыстан бір машинаны көрді. Жақындағанда «Көмектесіңдер» деп айқайлады. Шофер естіген жоқ. Кенет машинадан біреуі шығып, Асқарды ұруға келе жатады. Сонда, Асқар багажниктен балтаны алып, келе жатқан жігіттің басынан ұрып құлатады.

Сұрақ

1. Асқар құқықтық жауапкершілікке тартыла ма?

Жауабы:

Жоқ. Қ.Р-ның құқық бұзушылық кодекісінің №32 статиясы бойынша Асқар құқықтық жауапкершілікке тартылмайды. Себебі, ол өз басын арашалау мақсатында істеді.

2. Аудандық ІІБ- не 8- сынып оқушысының ата- анасынан арыз түседі. Онда 11- сынып оқушысы С. Өзінен төменгі сыныптағы балаларды қорқытып, ақша, бғалы заттарын алып қоятының мәлімдеген. Осындай тінту, күш көрсетудің нәтижесінде баласының соққыға жығылғанын жазады.

Сұрақ

1. С-ның әрекетін заң тұрғысынан қалай бағалауға болады?

2. Жауапкершілікке кімді тартуға болады?

3. Зиян қалай өтеледі?

«Ой елегінен өткіз»

1) Оқушы неге құқылы?

Білім алуға, емделуге, демалуға, қоршаған ортаны қорғауға, өз ойын еркін айтуға.

2) Оқушы неге міндетті?

Білім алуға, ата-анасын тыңдауға, басылымдарға жазылуға, оқулықтарын таза ұстауға, мектеп тәртібін сақтауға, үй тұрғызуға.

3) «Өз құқығыңды біл?»

Қ.Р-ның 2002 жылы 8-тамыздағы №345 Баланың құқықтары туралы заңындағы кейбір баптарға тоқталу

Сөз шебері

• Ішімдік ішу- ұлт болашағына зиян.

• Жаза және тәрбие.

• Болашақ - біздің қолымызда!

Қорытындылау.