- Преподавателю
- Воспитательная работа
- Біз бақытты баламыз (концерттік бағдарлама)
Біз бақытты баламыз (концерттік бағдарлама)
Раздел | Воспитательная работа |
Класс | - |
Тип | Другие методич. материалы |
Автор | Байтурбай О... |
Дата | 02.01.2016 |
Формат | docx |
Изображения | Нет |
Тақырыбы: Біз бақытты баламыз
Мақсаты: балалардың жеке қасиеттерін дамыту, тақпақ, өлең, әндерді нақышына келтіріп айтуға үйрету. Бір-бірін сыйлауға, адамгершілік қасиеттерін жоғалтпай ұстауға жетелеу.
Түрі: концерттік бағдарлама
1-жүргізуші:
Өздеріңмен өлшеусіз нарқым менің,
Асқар тау, арқа тұтар алтын белім.
Абай орта мектебіне ақ ниетпен,
Қош келдің, айналайын, халқым менің.
2-жүргізуші:
Өлшеулі ар-намыс пен нарқымыздың,
Қорғаны адамдық пен салтымыздың.
Армысыздар аяулы ұстаздарым,
Сенері сіздерсіздер халқымыздың.
1-жүргізуші:
Армысыздар, еліміздің асылдары,
Жайнасын көңілімнің жасыл бағы.
Сіздер үшін ән мен жыр, өлең мен күй,
Сіздер үшін өнердің шашулары.
2-жүргізуші:
Тасқындаған табысымды айтамын,
Өнердің біз өшірмейміз май шамын.
Әнші де бар жез таңдай, биш де бар,
Әнші Айгерім бұлбұлдайын сайрасын-деп, мектебіміздің жезтаңдай әншісі, Абидолда Айгерімнің орындауында «Саржайлау» әні.
1-жүргізуші:
Мен қазақпын мың өліп, мың тірілген,
Жөргегінде таныстым, мұң тіліммен.
Жылағанда жүрегім, күн тұтылып,
Қуанғанда күлкімнен түн түрілген.
«Алға, қазақ жігіттері» әнімен 6-сыныптың «Жігіттер» тобын
ортаға шақырамыз.
2-жүргізуші
Бақыт келер әрқашанда күреспен,
Бақыт үшін қарт бабалар күрескен.
Бақыт үшін арпалысты әкелер,
Тек бақытқа қол созумен ұл өскен-дегендей,
7-сынып оқушыларының«Атаның сөзі-ақылдың көзі» атты көрінісін тамашалайық.
1-жүргізуші:
Өнерді жанымменен түйсінемін,
Қашанда өнерлі жас сүйсінерім.
«Қазақ биін» билесін мың бұралып,
Биіменен шашу шашып, бишілерім-деп,
Ортаға 5-сыныптың оқушыларының
орындауында «Қара жорға» биін қабыл алыңыздар.
2-жүргізуші:
Жүрек біткен желпінсін жүйрік аттай,
Сезім біткен серпілсін дамыл таппай.
Дәл бүгін өлең айтпай, ән шырқамай,
Қандай жүрек қалады қанат қақпай-дей отырып,
7-сынып оқушысы Төлеғазы Гүлдананың орындауында «Шалқыма» әні.
1-жүргізуші:
Мектеміздің КТК «Жас қыран КЗ» тобын қарсы алыңыздар.
2-жүргізуші:
6-сынып оқушысы Сайн Жәмиланың орындауында халық әні «Ақбақай».
1-жүргізуші:
Ән мен күйің бұзылмас мақамынан,
Артық пейіл табылмас Отанымнан.
Олжалап орын алу мақсатым бар,
Алдыңғы елу елдің қатарынан- дей келе
10-сынып оқушысы
Сейтқали Мейірімнің орындауында «Туған жер» әнін қабыл алыңыздар.
2-жүргізуші:
Көп ұлттың құт дарыған мекеніміз,
Достық күйін мақтаныш етеміз біз.
Бейбітшілік бүгінгі ұранымыз,
Аңсаған мұраттарға жетеміз біз.
6-сынып оқушылары Дәулеткелді Нұртас пен Тұрлығожа Шұғыла «Өзбек биін» қабыл алыңыздар.
1-жүргізуші:
5-6-7-сынып оқушыларының орындауында «Асыл айым» бишілер тобын қарсы алыңыздар.
2-жүргізуші:
Келеді жыр сыйлағым, гүл сыйлағым,
Жанымның жайып салып, тылсымдарын.
Махаббат боп маздаған мына ғалам,
Бақытты мектебімнің білсін бәрін-дей келе, 6-сынып оқушысы Төлеғазы Алуаның «Ертегілер» әнін қабыл алыңыздар.
1-жүргізуші:
Ұстазға керек үлкен жүректілік,
Ала алмас беделді ешкім тілеп тұрып.
Шын бедел, ел таңдауы, халық сыйы,
Оны ешкім бере алмайды үлестіріп- демекші, «Ұстазым» әнімен Сағынай Саян.
2-жүргізуші:
Хор: Оқушылардың орындауында
«Қазақ елі»
(Мектеп директоры Исаев Даулен Нұрғалиұлына сөз кезегі беріледі.)
1-жүргізуші:
Қазекем қонақ десе көсіледі,
Мұндайда жан түйіні шешіледі.
Ақ тілеулі, ырыс қой қонақ деген,
Өзімен ала келер несібені. (Қонақтарға сөз)
2-жүргізуші:
Осымен «Біз бақытты баламыз» атты концерттік бағдарламамыз аяқталды.