Саяхат сабағы: Кітап - білім бұлағы

«Кітап-білім бұлағы»

Саяхат сабақ

Мақсаты: Оқушыларға кітаптың адам өміріндегі маңызын түсіндіру кітапханамен таныстыру,

кітап оқуға шақыру.

Көрнекілігі: Кітап көрмесі, кітап туралы ұлағатты сөздер.

Нақыл сөз: «Пайда ойлама, ар ойла,

Талап қыл артық білуге.

Артық білім кітапта,

Ерінбей оқып көруге» Абай Құнанбаев

Барысы: Сәлеметсіңдер ме, балалар! Сіздер келген жер қалай аталады, білесіңдер ме?

Иә, бұл - кітапхана. Мұнда кітаптар тұрады. Кітаптар оқулықтар, ғылыми, әдеби кітаптар, анықтамалар мен энциклопедиялар болып бөлінеді. Себебі оқымандарға керек кітаптарын тез тауып беру, өзігінен оқырмандар кітаптарды тауып алу үшін кітаптарды ғылым салалары бойынша бөліп, сөрелерге де солай орналастырады. Міне мынау - әдеби кітаптар, оған ертегілер де кіреді. Мына кітаптармен танысыңыздар, мұнда әлемдегі көптеген елдердің ертегілері бар. Енді сендер әріп танисыңдар, өздерің оқып алуларыңа болады. Кітапханадан кітап алу үшін кітапхананың және оқырманның құқықтар мен міндеттері болады. Сендерді негізгі қағидалармен таныстырайын. Көбісін сендер апайларыңның айтуымен білесіңдер. Ең алдымен кітапты қалай ұстау керек білесіңдер ме? Ия, таза, ұқыпты, кітап беттерін жыртпай, жазбай. Кітапхана ішінде шулауға, кітаптардың орындарын қалай болса солай ауыстыруға болмайды. Әдеби кітап қолға 15 күнге беріледі, оқып үлгермеген жағдайда, кітапханашыға айтып, уақытын создыру керек. Жоғалтқан, жыртқан кітаптың орнына, бағасы, мағанасы ұқсас кітап немесе кітаптың 10 еселенген құны төленеді. Ол оңай ақша емес, сондықтан кітапты ұқыпты, таза ұстаңыздар. Мектеп кітапханасында әдеби кітаптан басқа, оқулықтар да қосымша сабаққа дайындалуға беріледі.

Кітапханадан кітап алатын оқырмандарға кітапша ашылып, ол туралы мәліметтер жазылады. Алған кітап жазылып, оқырман алғаны туралы қол қояды. Оқып болған оқырман кітапты өткізіп, кітапханашы жазбаны өшіріп, қол қояды. Енді, балалар, кітапханға келіп өздерің кітап алып оқуларыңа болады.

Қане, балалар, кім кітап жайлы мақал біледі? Ия, «Кітап-білім бұлағы, білім-өмір шырағы», «Кітап-алтын қазына», «Ой маржаны кітапта», балалар, рахмет. Енді жұмбақ шешіп көрейік:

Сөзі дана, үні жоқ,

Сөйлемейді, тілі жоқ,

Қолыңа алсаң - шешен,

Ақылы асқан көсем. (Кітап)

Қабат-қабат қаптама,

Ақылың болса аттама. (Кітап)

Көп әңгіме, өлеңім,

Күнде ақыл беремін.

Жаксы көрсе кім мені,

Соған тиер көмегім. (Кітап)

Рахмет, балалар, көп біледі екенсіңдер!

Сіздердің назарларыңызға «Балаларға базарлық» атты кітап көрмесін ұсынғым келіп отыр.

«Әр адамның ең жақын досы, өмір досы, кітап болуы тиіс»,- деп М.Әуезов атамыз айтқандай жабыққанда жұбатар, зеріккенде көңіл көтерер, білмегенде ақыл сұрап баруға жарайтын дос болар кітаптар көп екеніне оқыған сайын көздеріңіз жетер. Қызықты кітаптар әлеміне сендерді мына кітаптар бастар деп ойлаймын.

1. Сиқырлы думан.-Шымкент: Шикула, 2007.- 232 бет.

Қазақстандағы халықтардың салт-дәстүрлері, ертегі, мақал- мәтелдері, дастархан мәзірі туралы екі тілде қызықты жазылған кітап.

2. Қазақстан елімен сиқырлы саяхат.- Шымкент: Шикула, 2003.- 192 бет.

Қазақстанның жері, қазба байлықтары, табиғаты туралы балаларға үйретері көп кітап, екі тілде.

3. Ә.Әбдінұров. Мен мектепке барамын: Балаларға арналған әндер жинағы.- Алматы: Сансам, 2008.- 64 бет.

4. В.Питерцев: Әнші болу-бақытың: Балаларға арналған әндер жинағы.- Алматы: Сансам, 2010.-48 бет.

5. «Атамекен» ғажайып елінің аңыздары.-Шымкент, 2004.-160 бет.

Еліміздің жер-су аттарына байланысты шыққан қызықты аңыз, ертегілер сіздерді сөзсіз баурап алады.

6. Ормандар: Балаларға арналған танымдық энциклопедия.- Алматы: Аруана.- 32 бет.

7. Әлем кереметтері: Балаларға арналған танымдық энциклопедия.- Алматы: Аруана.- 32 бет.

8. Бұлт сырты әлеміндегі сиқырлы бастан кешулер.- Шымкент: «Шикула», 2010.- 216 бет.

Үш дос баланың ғажайып әлемге саяхаттары, бастарынан өткен қызықты оқиғалары туралы айтылады. Қазақ және орыс тілдерінде.

9. Құс тұмсық патша.-Алматы: Аруна, 2012.- 32 бет, ойындарымен.

10. Ақшақар мен жеті гном.- Алматы: Аруна, 2012.- 32 бет, ойындарымен.

11. Күл-қыз.- Алматы: Аруна, 2012.- 32 бет, ойындарымен.

12. Шынашақ.- Алматы: Аруна, 2012.- 32 бет, ойындарымен.

13. Оттық.- Алматы: Аруна, 2012.- 32 бет, ойындарымен.

14. Дүниеде не күшті? Ертегі.-Алматы: Атамұра, 2005.-12 бет.

15. Тазша бала.-Алматы: Алматыкітап, 2007.- 40 бет.

«Кітап - ақылына ақы сұрамайтын асыл қазына» Ә.Науаи айтқандай кітапты өздеріңе дос, ақылшы етіп алсаңыздар, болашақта ел тұтқасын мықты ұстар азамат болады деп сенемін.