Сөйлеммен танысайық (Мектепалды даярлық тобы)

Ұйымдастырылған оқу іс-әрекетінің технологиялық картасы

Тобы:

Күні:

Тәрбиеші:

Білім беру саласы: Қатынас

Ұйымдастырылған оқу іс-әрекеті: Сауат ашу және жазу.

Оқу іс-әрекетінің тақырыбы: Сөйлеммен танысайық.

Оқу іс-әрекетінің мақсаты: балаларға сөйлем туралы түсінік беру. Сурет бойынша сөйлем құруға, байланыстырып сөйлеуге үйрету.

Сөйлемдер құрату арқылы балалардың ой-өрісін, сөздік қорын, тілін дамыту.

Балаларды ұғымталдыққа, әдептілікке тәрбиелеу. Жазуға қолдарын жаттықтыру.

Оқу іс-әрекетінің көрнекіліктері: суреттер, жұмбақтар, буындар, үлестірмелі текшелер.

Әдіс-тәсілдер: түсіндіру, сұрақ-жауап.

Билингвалды компонент: Сөйлем-Предложение

Қолданылған әдебиеттер: Сауат ашу және жазу (әдістемелік құрал) 37 бет

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

I. Ұйымдастыру кезеңі.

1. Шаттық шеңбер

- Санжар, мен саған жақсылық тілеймін!

- Жансая, мейірімді бол!

- Бақтияр, мен саған денсаулық тілеймін!

Балалар шаттық шеңберіне тұрып, бір-бірлеріне жылы лебіздерін білдірді.

Ұйымдастыру-іздену

II. Негізгі бөлім.

2. Жұмбақ

Өзі сондай нәзік,

Су құйсақ кетеді.

Алақанын жазып. (гүл)

Гүлдің суретін көрсетіп , гүлге байланысты бірнеше сөз құрастырту.Мысалы:

- Гүл. Өсті, Әдемі. Бақ.

- Дұрыс. Енді осы сөздерді бір-бірімен байланыстырып айтып көрейік.

- Бақта әдемі гүл өсті.

Осы сөздерді қатыстырып, сөйлем құрастырғандарын, сөйлемді қалай құрастыру керектігін, яғни жасалу жолын үйренетіндіктерін айтады. Сұрақтар:

Сөйлем бірнеше сөзден құралады. Сөйлемдегі сөздер бір-бірімен байланысып тұрады. Сөйлем аяқталған ойды білдіреді.

1. Дәптерде берілген суреттер бойынша сөйлем құрастыру. (Асқар ұшақпен ұшты. Айгүл автобуста отыр. Ұшақ ұшты. Балалар трамвайға отырды).

Суретте бейнеленген көліктердің ішінен артық затты тауып қоршау.

2. Сергіту сәтін өткізу.

Орнымыздан тұрайық,

Қолды белге қояйық.

Бір отырып, бір тұрып,

Бір тынығып алайық.

3. Жұмбақтар шешу.

Жұмбақтардың шешуі болған сөздерді қатыстырып, бірнеше сөйлем құрастыру.

1. Темір тұлпар гүрілдеп,

Соқасын жүр сүйреп.

(Трактор)

2. Темір арба жолы - темір жол,

Тек қала ішінде жүрер ол.

(Трамвай)

Дәптердегі автобустың дөңгелегі мен терезесін штрихтау. 11-беттегі сызықтарды сызу. «Машинаны гаражға кіргізу» тапсырмасын орындату.

Дәптердің 12-бетіндегі сурет бойыншаәңгіме құрату және сол беттегі жазбаша тапсырмаларды орындау.

Жұмбақтар шешуін жарыса тапты.

Дәптермен жұмысты ұқыпты орындады.

Артық зат: парта. Өйткені бірнеше көліктің суреті берілген. Парта көлікке жатпайды.

Сергіту сәтін қимылмен көрсетті

Жұмбақтар шешуін жарыса тапты.

Дәптермен жұмысты ұқыпты орындады

Рефлексифті түзету

III. Қорытындылау.

1. «Кім шапшаң сөйлем құрайды?» дидактикалық ойыны. Шарты: педагог балаларға заттардың атын айтады, балалар аталған сөзді қатыстырып, сөйлем құрастырады. Ойын соңында шапшаң әрі көп сөйлем құрастырған бала жеңімпаз атанады.

дидактикалық ойынды қызыға ойнады.

Сұрақ-жауап арқылы қорытындылап, пысықтады.

Күтілетін нәтиже:

Білу: сөйлем туралы түсінік алды.

Игеру: Сурет бойынша сөйлем құруды, байланыстырып сөйлеуді игерді.

Меңгеру: Жазуға қолдарын жаттықтырып ,көркем жазуды меңгерту