Планирование на тему Ертегі еліне саяхат (садик)

Білім беру саласы: Таным,Қатынас, Шығармашылық.

Бөлімдері: Көркем әдебиет, Тілдамыту, Сурет салу, Құрастыру.

Тақырыбы: «Ертегі еліне саяхат»

Мақсаты: Ертегілерді сахналау барысында кейіпкерлердің мінез-құлқын жеткізе білуге үйрету.Суретке көңіл қойып мазмұнын түсіне білуге үйрету.Ертегідегі кейіпкерлердің сөз мәнерін, қимыл-қозғалысын келтіріп ойнауға үйрету. Сөздерді анық айтуға, есте сақтау қабілетін дамыту. Таныс ертегінің соңын басқаша құрастыру, көркем-тілдік және орындау қабілеттерін қалыптастыру,халық шығармашылығына қызығушылықтарын таныту.Саусақпен сурет салуға үйрету, конструктордан өз еріктерімен жұмыс істеуге пысықтау.

Сөздік жұмыс: «саяхат»

Билингвальды компонент: Саяхат-путешествие, ертегі-сказка.

Заттық-дамыту орта: ертегілердің суреттері, Бауырсақ , конструктор, сары түсті гуашь,ақ қағаз, Аю мен шұбар тауықтың костюмы, шырша мен ағаштар.

Шаттық шеңбері: Арайлап таңатты,

Алтын сәуле таратты.

Жарқырайды күніміз.

Жарқырайды даламыз.

Қайырлы таң балалар!

Қайырлы таң қонақтар!

Балалар үш тілде амандасады.

Тәрбиеші: Бүгін бізде өзгеше сабақ болады, біз сиқырлы пойызға отырып барлығымыз ертегілер еліне саяхатқа барамыз.Қане , бәріміз пойызға отырып, кетейік.

Балалар бір-бірінің иығынан ұстап «пойыз» өлеңін айтып жүреді.

Чух-чух-чух

-Вагондар, вагондар

-Рельспен жүреді

-Балаларды тиеп алып,

-Ертегілер еліне әкеледі.

I-аялдамаға келдік. «Ертегілер елі» (Қатынас)

Бұнда қызықты суреттер көрсетілген.

-Бұл қандай ертегілер?

«Жеті лақ пен қасқыр», «Бауырсақ»,»Шұбар тауық», «Үйшік»

-Балалар осы ертегілер ішінен қандай ертегінің қойылымын көрсетесіндер?

-Балалар Бауырсақ ертегісін айтып маскаларын киіп өздері ойнап берді.

Бауырсақ түлкіден қашып кетеді.

Балалар тағы да пойыз құрап келесі аялдамаға барады.

II-аялдамаға келдік "Орман» ( Таным)

Сол орманда Аю жылап тұр. Аю сен неге жылап тұрсын, саған не болды?

-Қалай мен жыламаймын, мына жерде үйшік тұрды мен оған сыймай сындырдым, содан бәрі қашып кетті кім маған көмектеседі?-деп балалардан сурайды.

-Жылама Аю, біздің балаларымыз сондай әдемі, үлкен үйшікті жасай алады.

-Ен алдымен балалар аюдын көңілін көтерейік.

Сергіту сәтін өткізу.

-Балалар үйшікті қандай пішіндерден құрастырамыз?

-Балалардан геометриялық пішіндерді сұрау, түстерін айтқызу.

-Ал енді балалар Аюға үйшік құрастырып берейік.Текшелердің түстерін сұрау.

Балалар тағы да пойыз құрап келеси аялдамаға барады.

III- аялдамаға келдік. " Шұбар тауық» (Шығармашылық)

Сол аялдамада оларды Шұбар тауық күтеді. Олармен сәлемдеседі.

-Балалар сендер ертегі аитып бере аласындар ма?

-Бір-екі бала ертегіні айтып береді. «Шұбар тауық» рақмет айтады.

-Сендер менің балапандарыма тары жасай аласыңдар ма?-деп сұрайды.

Балалар: Ия, біз оны жасай аламыз дейді. Саусақ арқылы балапандарға тары салады.

Шұбар тауық балаларға рақымет айтады.

Ал балалар сиқырлы пойызға отырып, өз тобына кетеді.

IV-аялдамаға келдік. Сюрприз.Бауырсақ секіріп топқа кіреді.

Балалардан сұрайды.

-Мен кіммін?

-Мен кімнен қаштым?

Балалар: Сен бауырсақсын, атадан, әжеден, қояннан, қасқырдан, аюдан қаштын.

Ал сені түлкі жеп қоймады ма?

Бауырсақ: Мен оны алдадым, түлкінің тұмсығына отырмадым деп айтып береді.Сіздің балаларыңыз өте ақылды екен, олар маған қайда барғандарын айтып бере алады ма? Сендер не көрдіңдер, не істедіңдер? Егер сендер маған толық жауап берсендер, мен сендерге сыйлық беремін.

Балалардың жауабы:

-Біз сиқырлы пойызға отырдық.

-Ертегілер еліне саяхатқа бардық.

-«Шұбар тауық», «Жеті лақ», «Үйшік» ертегісін еске түсірдік.

-Шұбар тауыққа тары жасадық, Аюға үйшік жасадық, сергіту сәтін орындадық, қайтадан топқа келдік.

Жарайсындар балалар, Ал мен енді өз ертегіме барайын,ал мына сыйлық сендерге.

Күтілетін нәтеже:

Білу: Суретке қарап мазмұнын түсіне білу.Таныс ертегінің соңын басқаша құрастырды.

Меңгеру: Ертегідегі кейіпкерлердің сөз мәнерін, қимыл-қозғалысын ойнап келтірді. Саусақпен сурет салды, конструктордан өз еріктерімен жұмыс дағдыларын көрсетті.

Істей алу: Сөздерді анық айтып, есте сақтау қабілеттерін дамытты.