«Бәрі де, ана, бір өзіңнен басталады!»

Тақырыбы: «Бәрі де, ана, бір өзіңнен басталады!»

Мақсаты: Тіршілікті жалғастырушы аналардың өмірі, олардың қасиет, құдіреттілігі неде екенін оқушыларға түсіндіру. Ананы сыйлай, құрметтей білуге, аналардың өлшеусіз еңбегін бағалай білуге, сол арқылы еліне, жеріне деген сүйіспеншілігін арттыру. Дүниедегі жақсылық атаулының бәрі күннің нұрынан, ананың мейірімімен тарайтынын ұғындыру.

Көрнекілігі: Мерекелік шарлар, гүлдер, ана туралы жазулар, қанатты сөздер, ана туралы үнтаспалар.

Барысы:

Мұғалімнің кіріспе сөзі: Қымбатты ұстаздар, аяулы аналар, қадірлі қонақтар! Бүгін біз жыл мезгіліндегі ең тамаша, шуақты мерекелердің бірі 8-наурызды, Халықаралық әйелдер күнін тойлап, атап өтуге жиналып отырмыз. Осынау үш әріптен құралған қасиетті сөздің түп төркінінде қаншама ұлы сезім жатыр десеңізші! Сезім мен қасиетті, бар махаббат пен шапағатты сидырып тұрған ұлы ана сезімін қадірлемейтін жан бар ма екен өмірде?! Жақсылық атаулының барлығы да ананың сүтінен жаралған. Олай болса бүгінгі тәрбие сағатымыздың тақырыбы да осы қасиетті Ана есімі болмақ! Мерекелеріңіз құтты болсын, сүйікті аналар!

1-жүргізуші: Наурыз айының басында біздің еліміздің көшелерінде, кең-байтақ даламызда, әлі де қар жатады. Қастағыдай ызғарлы, бірақ көңілімізді көктемнің алғашқы мерекесі жылындырады. Бүгін -наурыз, Халықаралық әйелдер күні. Көктем секілді аналар адамзатқа өмір, жылылық пен әсемдік сыйлады емес пе?

Мама...Бұл сөз әрбір халықтың тілінде бар. Барлық тілде де бұл қасиетті сөз нәзік, мейірімді, жылы естіледі. Орысша - мама, қазақша - ана, украинша - ненька, осетинше - нана. Р.Гамзатовтың мынадай сөзі бар: Ана дегеніміз - әлемнің жан дүниесі, оның таусылмайтын бастауы. Ол - тіршілік, үлкен тағдыр, махаббат пен шабыттың нәрі. «Ана» сөзі бізді елең еткізбей, жылылық пен шуақты сездірмей қоймайды.

2- жүргізуші: Адамзат ең алдымен ана алдында қарыздар. Ана парызы ал тынға бөлеуді, ақ орда салуды қаламайды. Ана баласының ер жетіп, адам болуын қалайды. Анаға осыдан артық тарту-таралының керегі жоқ. Ана - адамзат мекен еткен жер шарының әр түкпірінде, әр үйде мейірім мен мерейдің, достық пен туысқандықтың туын тіккен Адам.

1-оқушы: Бәрі де ана, бір өзіңнен басталады,

Сен деп жаздым алғаш өлең, дастанды

Қуандым ба?

Өзің бар деп қуандым.

Жыладым ба?

Өзің жоқ деп жас тамды.

Бәрі де ана, бір өзіңнен басталады,

Жанарыңнан көрдім алғаш аспанды.

Еркелесем бір өзіңе еркелеп,

Жасқандым ба?

Тек өзіңнен жасқандым.(Қ.Мырзалиев)

2- оқушы: Ана баласының ғана қамқоршысы емес, ол адамзат атаулының амандығын тілеп, сол үшін қажырлы күреске шығады.

Ән: «Анашым»

3- оқушы: Жапырағымда жас емендей күнге тоссам,

Қанатыңмен қарлығаш боп су себесің жана ана.

Көкірегіңе жақсы өлеңдей күй толтырсам

Таң алдында сандуғаш боп жыр төгемін, жан ана!

Жасай берсін, теңіздей күш сарқылмасын.

Асыл, асыл жыр жаздырған бір өзіңсің, жан ана!

Жердің жүзін нұрландырған күн өзіңсің, жан ана!

4- оқушы: Ана! Ана! Ана!

Не деген мейірлі, не деген шапағатты сөз еді!

Осынау үш әріптен құралған қасиетті сөздің түп-төркінінде

Қаншама ұлы сезім жатыр десеңізші

Сезім мен қасиетті, бар махаббат пен шапағатты сидырып тұрған ұлы ана сезімін қадірлеейтін жан бар ма екен, өмірде! Жақсылық атаулының барлығы да ана сүтінен жаралған!

5- оқушы: Ана дейміз бәріміз де аңқылдаған,

Ана дейді жас сәби де жарқылдаған.

Ана деген - бәйтерегі өмірдің,

Ана деген - алтын қазық, алтын бақ

Ана деген - асыл жандар болаттай

Ана деген - мөлдір жандар бұлақтай.

6- оқушы: О, адамдар, қадірлей біл ананы,

Жат қылыққа ақыл-ойды тонатпай.

Ана десем сезім билер тым ыстық,

Жарасымды адамдарға туыстық.

Бар адамға берсе ананыі мейірімін,

Орнан еді бар әлемге тыныштық!

Ана десем шешек атып жанары,

Өміріңнің бастау алар жаңа әні.

Ана деген тіршілікке пана боп,

Әрбір үйде жұлдыз болып жанады.

7- оқушы: Әлемде өзгермейтін үш-ақ зат бар: ол - ананың ақ сүті, күннің нұры, сәбидің күлкісі. Ана көрегендігінің теңдесі жоқ. Нәзіктік атаулының жиынтығы ананың алақаны, сондықан ол сәби үшін де жылы ұя.

Ән: «Апатайым анашым»

8- оқушы: Ана - өмірдің қуанышы тірегі

Бала - оның жұбанышы, жүрегі.

Ана алдында ел жауы да бас иген

Олар дәйім тыныштықты тілейді.

9- оқушы: Ана десем алғыс алам халқымнан

Ана десем теңіз болып шалқыған.

Ана десем ашылады қабағым

Ана десем әділдікті ұғамын!

10- оқушы: Мен мұғалім апайдан

Өнегесін аламын.

Ертең мен де маманмын

Оқытушы боламын!

11- оқушы: Достықты біз ойлаймыз

Бірге күліп-ойнаймыз,

Қыздарда да құттықтап

Мерекесін тойлаймыз!

12- оқушы: Толған арман, мақсат тұр алдымызда,

Бақыттымыз, анамыз жүр жанымызда.

Өсірген он баланы алқа таққан

Менің анам отыр бүгін арамызда.

13- оқушы: Бестен, алтыдан бала өсірген, тәрбиелеген

Білместерін ақыл айтып кешіріп,

Еркелетіп, әлпештеген біздерді

Аналармен таныстырсақ сіздерді!

14- оқушы: Құрметті аналар, ұстаздар! Сіздерді мерекелеріңізбен құттықтай келе, зор денсаулық, отбасыларыңызға амандық, мол бақыт, еңбектеріңізге жеміс, әрқашан көктемнің гүліндей құлпырып, жайнап, күндей күліп жүре беріңіздер!

Ән: «Аналардың тілегі»

Аналарға сөз беріледі.

Ән: «Әрқашан күн сөнбесін!»