Статья: на тему бабамның тілі-ұрпағына аманат!

Раздел Воспитательная работа
Класс -
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

Бабамның тілі-ұрпағына аманат

Қазақстан халықтарының тілдері мерекесі қарсаңында

«Өз ана тіліңді қадір тұтпай тұрып,

ел-жұртыңды сүйе алмайсың»

К.Г. Паустовский

Қазақ тілі -рухани байлығымыздың қайнар көзі.

Сәбидің гуілін, ананың әлдиін,ағаштың сыбдырын, бұлақтың сылдырын, алыста жүрсең-туған елге деген сағынышыңды, жақында болсаң-сүйінішіңді жеткізген «толғауы тоқсан қызыл тіл!».

Ел тарихымен, ел тағдырымен тығыз байланысты ана тіліміз -халқымыздың ұлы жетістігі, қасиет болмысының айқын көрінісі,сарқылмас асыл қазынасы. Тіл -қай елде болмасын қастерлі де,құдіретті құрал. Ол достықтың кілті, ынтымақтастықтың бастауы, ырыс-берекенің алды, әр ұлттың жаны, әрі ар-намысы. Ол қоғамның жемісі. Тіл қоғам бар жерде өмір сүріп, мәртебесі кеңи түседі. Әлем таныған ел болу үшін тіліміздің мәртебесін биікте ұстау жүрегінде патриоттық сезімі бар, әрбір азаматтың парызы.

Ана тіліміз бойымызға ана сүтімен бірге еніп, қалыптасып,атадан -балаға мирас болып келген баға жетпес асыл мұрамыз.

Қазақ тілі-әуезді бай тіл.Неше ғасырлық тарихы бар,ауызша да, жазбаша да мол мұрасымен танылған тілімізді бабаларымыз қасиетті деп қастерлеп,ұрпақтарына аманаттаған. Қазақ халқының жомарттығы, ақкөңіл жайдарлылығы, сөз тапқырлығы, ділмарлығы, әзілқойлығы, серілігі, ашық жүзділігі тегіннен тегін емес. Біздің ұлттық келбетіміз бен ұлттық болмысымыз,салт- санамыз бен дініміз де осы ұлттық мәдениетіміз бен тілімізде жатқанын білеміз. Тілімізді шұбарлап, бұрмалап, қадір-қасиетін кетірмей, абыройын асқақтата білейік.

Тәуелсіз еліміздің жас ұрпағын парасатты да білімді, іскер де қабілетті, отансүйгіш те ұлтжанды тұлға етіп қалыптастыруда мемлекеттік тілдің ролі ерекше.Ана тілін жетік білу үшін халық ауыз әдебиетін,ертегі, , мақал-мәтел, жаңылтпаш,жұмбақ, жыр дастандарды естіп,тыңдап өскен адам ғана өз ана тілінде мәдениетті сөйлеп,сауатты жаза алтыны сөзсіз. Ананың әлдиін, бесік жырын, әжелердің парасатты әңгімесін ана тілінде тыңдап, бойына сіңіріп өспеген ұрпақ не болмақ?!

Заман түзеліп, ел еңсесін көтеріп, тілге деген қамқорлық арта түскен мына заманда ұрпағымыздың болашағына мән беріп, ана тіліміздің тағдырын көкпарға салмай, өз елінде ,өз жерінде додаға түсірмей, мәртебесін көтеріп, қолданыс аясын өрістете түссек ата-бабамыздың аманатын келешек ұрпағымызға жеткізер едік. Кемшіліктің бәрін жастардан іздемей, отбасында ошақ қасында бала тәрбиелеп отырған әрбір әке мен шеше, ата мен әже ана тіліне ерекше мән беріп, шұбарламай таза сөйлесе, рухани байлығымыздың еселене түскені еді. Тіліміз өз халқымыздың мәдени дәрежесін көтеруші пәрменді құралымыз, рухы биік отаншыл патриот тәрбиелеуші қуатты қаруымыз.Ана тілін қадірлеу-өз халқыңды, ұлтыңды, ата-баба аманатын, мемлекетіңді қадірлеу болса керек. Тілі жоғалған халықтың рухы жоғалатынын білеміз. Тіл тағдыры -ел тағдыры. Ендеше ,өз тағдырымыз- өз қолымызда. Құдіретті бай,дана тіліміздің мәртебесін асқақтата білейік!

Подгорное орта мектебінің

қазақ тілі мен әдебиеті

пәні мұғалімі

Абай Алтынгүл Абайқызы

© 2010-2022