«Елбасы мұраты-ел бақыты, гүлденген Қазақстан» тәрбие сағаты

«Елбасы мұраты-ел бақыты, гүлденген Қазақстан»

Мақсаты: 1. Оқушыларға егеменді Қазақстанның азаматы екендігін түсіндіру, ата-бабаларының қалдырған даналық өсиеттерін оқып үйренуге бағыттау;

- Қ.Р. тұратын әрбір ұлт өкілі, азамат біздің ортақ үйіміз-Қазақстан Республикасындағы Достықты, Сенімді,Келісімді, Тұрақтылықты сақтауға тиіс екнін ұғындыру.

- Елбасы Нұрсұлтан Әбішұлы Назарбаевтың әлемдік деңгейдегі көрнекі саясаткер ретіндегі жоғары халықаралық беделін ұғындыру.

2. Оқушылардың тілін дамыту, қазақ тілінде емін-еркін сөйлеулерін жетілдіру.

3. Оқушыларды әдептілікке,адамгершілікке,мейірімділікке,сонымен қатар тілдің жатық болуына ықпал етуге тәрбиелеу.

Тәрбие сағатының әдіс-тәсілдері: әңгімелесу,сұрақ-ауап,түсіндіру,баяндау әдістері.

Көрнекіліктер: Ата-заңымызға арналған плакаттар, тілге байланысты нақыл сөздер, буклеттер, кітаптар.

Сабақтың барысы:

1.Ұйымдастыру кезеңі.

Оқушыларды партаға дұрыс отырғызып,жаңа оқу жылының басталуымен құттықтау,тәрбие сағатына назарларын аудару.

2.Кіріспе бөлім.

Сәлем, достар, балалар!

Жаңа білім күніңмен!

Сағынғаннан сендерді,

Ұйықтағам жоқ түнімен!

Білім күні-мереке,

Ән салсам да әдемі.

Туған тілім - береке,

Сөз аранасам кәделі!..

Құрметті оқушылар,ата-аналар сіздерді жаңа оқу жылының басталуымен шын жүректен құттықтауға рұқсат етіңіздер!

Биыл ата заңымыздың қабылданғанына 18 жыл толып отырған бүгінгі бүкіл Қазақстандықтар игілігіне таратып келе жатқан жаңа конституциямыз 1995 жылы 30 тамыз күні дүниеге осылай халықтың еркімен демалыстық жағдайда келді.Себебі,аталып отырған ата-заңымыздың негізгі тұғыры-адам,адам өмірі,оның баға жетпес құндылықтары,құқықтарымен бостандығы.

Қабылданғанына 18 жыл болған ҚР Ата-Заңы бүгінгі күні өзінің өміршендігін дәлелдеді.Барлық Қазақстан халықтарының күнделікті өмір дағдылары және дүниетанымдық көзқарастары ретінде негізгі идеялары-өзара түсіністік,сыйластық,ымырашылдықты іздеу,бейбітшілік келісім.

Бүгінгі таңда біздің мемлекетіміз үшін ең тиімді болып отырған-Қазақстандық патриотизмнің үлгісі.Ол-көп ұлтты Қазақстан халқының өзін-өзі тануының күрделі жолы.Әрқайсыларыңның бойларыңда Отанға деген сүйіспеншілік,Отан тағдырына деген жауапкершілік сезімін арттыру,Отанды қорғау,қазақ тілін мемлекеттік тіл ретінде үйрену,елімізде тұратын ұлт өкілдерінің құқықтарына құрметпен қарау,ана тілін білу,Қазақстан халықтарының келісімі мен ұлтаралық бірлігін сақтау,басқа ұлт өкілдерінің ұлттық салт-дәстүрлеріне және әдеп-ғұрпына құрметпен қарай білу болу керек.

Бұл біздің Мемлекеттің жалпы мойындалған халықаралық нормаларға деген жоғары жауапкершілігі, құрмет көрсетуі ғана емес,оларды мүлтіксіз сақтауы.

Жаңа Конституция 9 бөлім,98 баптан тұрады.Мемлект басшысы-Президент болып табылады.Ол мемлекттің ішкі және сыртқы саясатының негізгі бағыттарын айқындайтын,ел ішінде және халықаралық қатынастарда Қазақстанның атынан өкілдік ететін ең жоғарғы лауазымды тұлға болып табылады.

Ұлы тұлға болып қалыптасу үшін тарихи факторлар мен жағдайлардың болуы аздық етеді.Ел мен дүниежүзі алдында тұрған күрделі де жауапты міндеттерді орындауға қажетті ерекше қасиеттерге ие бір туар тұлға болу керек.Ондай адам батыл да жігерлі,қайтпас қайсар және принципті,әділ де өжет болуға тиіс.

Әлем тарихында ірі тұлғалардың бірі-Нұрсұлтан Назарбаев осындай адам.Біздің еліміздің ең қиың кездерінде оған Елбасы болу тағдыры бұйырды.ол барша қазақстандықтардың тағдыры үшін,қазіргі қазақ мемлекеті-Қазақстан Республикасының негізін қалау үшін жауапкершілік жүгін көтеруде жігерлік,батылдық пен қайсарлық танытты.

Қазақстан Республикасы Конституциясы Қазақстандықтардың құқық дәрежелерін құрайтын құқықтары мен міндеттерінің көлемі мен сипатын анықтайды.

Қазақстан мемлекеті өз азаматтарынан Конституцияда бекітілген олардың құқықтары мен міндеттерінің орындалуын талап етуге құқығы бар.

3.Пікірталас өткізу.

1.Қ.Р. мемлекеттік тілі қай тіл? (7-бап)

2.Қ.Р. мемлекеттік рәміздерін ата (9-бап)

3.Қазақстанның әр азаматының ең басты құқығын ата (15-бап)

4.Неке, отбасы,ана мен әке кімнің қорғауында болады? (27-бап,1-тармақ)

5.Балаларына қамқорлық жасау және оларды тәрбиелеу ата-ананың құқығы ма әлде міндеті ме? (27-бап,2-тармақ)

6.Кәмелетке толған, еңбекке қабілетті балалар еңбекке жарамсыз ата-аналарына қамқорлық жасауға міндетті ме? (27-бап,3-тармақ)

7.Қ.Р. азаматтарына міндетті орта білім алуына кепілдік беріле ме? (30-бап,1-тармақ)

8.Қ.Р. қандай білім міндетті:бастауыш,орта және жоғары? (30-бап,1-тармақ)

9.Қ.Р.азаматының қасиетті борышы және парызы не? (36-бап,1-тармақ)

4. Қорытынды.

Құрметті оқушылар,міне егеменді ел болдық,көк туымыз желбіреді. Жер де, ел де өздеріңдікі.Мемілекеттік тілді-қазақ тілі деп жарияладық,баршамыз қазақ тілінде сөйлейік!

Отанды,елімізді,жерімізді мемлекетіміздің тұтастығын сақтауды басты міндетке айналдырып отырған Ата Заңымыздың әр сөзін қадірлеп,қастер тұту талабы баршаға,ортақ,асыл парыз!