Игра - викторина Таза улат-чыла лиеш (модыш-викторине)

Таза улат- чыла лиеш (модыш-викторине)

Цель:

Чын таза илаш туныкташ, спортым йöраташ кумыландаш

Занятийын эртымыже:

Кажныже пала : илышыште эн шерге - тазалык.

Но тудын нерген шоналтена тунам , кунам ме черланена.

Таче ме тазалыкым кузе аралаш кÿлмö нерген кутыраш огына тÿнал, а модаш тÿналына.

Кажныже шканже баллым пога. Кöн эн шуко, тудо- сеныше лиеш.

1.Викторине « Чоя йодыш- ушан ой»( слайдыште)

1) Айдемын организмыжлан сай пашам ышташ могай кок килограммат пеле вещества кÿлеш?( вÿд)

2)Могай вÿдым « илыше вÿд» маныт. Тушто чыла тÿрлö шинчал да микроэлемент улыт.( минеральный вÿд)

3) Телым пöлемышке йÿштö южым молан пурташ кÿлеш? ( 1-2 градусышто микроб-влак колат)

могай витамин айдемын организмыштыже кече полшымо дене лиеш?)(витамин Д)

4)Могай состоянийыште айдеме илышыжын кумшо ужашыжым ила? ( малымаште)

5) Молан шошым олман кÿлешлыкше шагал? ( витамин шагалемеш)

6) Кросс деч вара вигак Канаш шинчаш лиеш мо?( ок лий , вур шогал кертеш)

2.Айста шоналтена : тазалык кушеч тÿналеш?( шкем арун кучымаш , спорт,вÿд, юж, сай кочкыш гыч)

Йодыш-влаклан вашмут( кажныжын парт ÿмбалне))

1. Арняште мыняр Гана ÿпым мушкаш кÿлеш? (1 гана)

2. Пÿйым эрыктыме пастыште могай элемент пÿйым чер деч аралаш полша?( фтор)

3. Пÿйым эрыкташ щётко деч посна могай предмет-влакым кучылташ лиеш? ( зубочистка,пÿ шÿртö)

4. Пÿйым эрыкташ да кариес деч аралаш мо эше полшен кертеш?Но тудым шуко кучылтмаш пагар черы тарватен керте( жевательный резинке).

Жюри баллым шотла.

3.Мо тыгай физкультура? ( тиде тÿрлö модыш. тренировка)

Кидым кÿшкö да ÿлыкö

тиде- физ

Руль семын шÿм пÿтырена

тиде- куль,

Кÿшкö тöршталтен колтена,

тиде- ту,

Эрден эрак тый куржтал,

тиде- ра!

Зарядкым тый эре ыштет,

Виян ,тале тый лият.

Да эше сай фигура,

Вот мо тиде физкультура!

Тÿрлö упражненийым ыштымаш. (Тунемше класс ончык лектын, упражненийым ончыкта, а молышт ыштат))

Кунам те черланен колтеда. авада але ковада тыланда эмым йÿктат але иктаж- могай шудо вÿдым пуат.

4.Тыланда экраныште шудо але пеледыш пуалтыт . А те палышаш улыда, могай чер деч нуно эмлаш полшат.(слайдыште)

Писте пеледыш(липа)- кылмен черланыме годым.

Лопшудо ( лопух) - чот коржтен тÿкымö годым

Эныж(малина)- кÿкшö температур годым

Вис- вис (ромашка)- логар корштымо деч

Календула- ангина годым

Тÿрлемшудо( подорожник)- сусырым эмлаш

Эше те могай эмлыше шудым паледа?

(нуж,ошвуйшудо(тысячелистник),полан(калина),пÿчмышудо(алой),облепиха,

папашудо(мать-и- мачеха, во(зверовой) да т. м.)

5.Блиц-турнир

1)Кокырымо , грипп деч эмлаш полша ,тыгак мÿкшат пеш йöрата.Могай пеледыш?( писте пеледыш)

2)Тиде шудо когарта гын, шинчавÿдетак толеш,а шошым тудым шолтен кочкат, витаминлан поян лият( нуж)

3)Тый походышко кает,

Трук кидетым сусыртет,

Тиде шудым тый пыштал

Да умбаке ошкылал.(папашудо)

4)Погымо годым шуркала,но саскаже витамин ден пойдара.(шуанвондо)

6. «Тазалык» мутышто кажне буква дене мутым шонаш кÿлеш . Кö эн шуко муэш.

Т-( тале, температур,турнир

А- ( ару, аяр)

З -( зарядка)

А- (аралаш, ангина)

Л- (лопшудо, ломбыгичке, лавыра)

Ы- (ыраш)

К- (кросс, кочкыш, кап-кыл)

7. Иктешлымаш

Айдемын илышыштыже эн кугу поянлык тиде окса огыл,а тазалык,садлан тудым перегаш кÿлеш.

Таза лийнеда гын , эрдене зарядкым ыштыза, спортым йöратыза, южышто шуко лийза. Тыге нимогай черат огеш пиж.

Мый тендам кажне кечын тазам, илышлан куанышым, сайын тунемшым ужнем.