Внеклассное мероприятие на темуКөңілді старт

Көңілді старт

Мақсаты : Спорттың денсаулыққа пайдасы зор екенін түсіндіру, дене бітімінің дұрыс қалыптасуына көңіл бөлу. Ойын кезінде әділдікке, жолдастық сезімге, өзін- өзі бақылауу арқылы белсенділікке , сенімділікке , қайсарлыққа, батылдыққа, ұйымшылдыққа тәрбиелеу.

Қажетті құралдар: доп, кедергілер, секіртпе

Жүргізуші: Құрметті жиналған қауым, ұстаздар және оқушылар! Бүгінгі «Көңілді старт» атты спорттық жарысымызға қош келдіңіздер! Сайыстың негізгі мақсаты- жас ұрпақты жаман әдеттерден аулақ, денінің сау болып, келешекте өз елінің, қоғамның салауатты, білімді азаматы етіп қалыптастыру.

Ал, құрметті халайық,

Жарысты енді көріңдер.

Әділқазы алқасы,

Әділ баға беріңдер!

Ойынға әділ бағасын беретін әділқазылар алқасымен таныстырып өту.

Жүргізуші: Шынықсаң шымыр боласың,

Сауығып айдай толасың.

Спортты серік ете біл

Жақсы азамат боласың.

Жеңімпаз болу оңай ма,

Арман болған талайға.

Болмасаң да ұқсап бақ

Жарысқа түсіп қалайда.

Жарысқа «Қырандар» және «Сұңқарлар» топтары өнер көрсетпекші.Ал ендеше, сайысымыздың шарттарымен таныстырып өтейік.

Сайыс шарттары:1. Допты ойын 4.Тастамақ

2. Ептілік 5.Шегірткелер

3.Тасымақ 6.Секірмек

Ал, балалар сайыс шарттарымен таныс болдық, енді әрі қарай ойынымызды бастаймыз.

Жүргізуші: Денсаулық- шексіз бақыт,

Уа, халқым назар аудар денсаулыққа.

Өмірде бақыттысың денің сауда,

«Денсаулық- терең бақыт » деген сөзді,

Құр айтпаған ұлы Абай данамыз да,- деп ойынымызға көшейік.

1.»Допты ойын»

Ойын шарты: Бір оқушы допты теуіп отырып кедергілердің арасынан өткізеді, қайтар жолда дәл осылай ойын қайталанады.

Жүргізуші. Денің сауда күштісің бұл әлемде,

Денің сауда сұлусың жер бетінде.

Сол мықты денсаулықтың арқасында,

Жетерсің әлі талай бақыттарға.

2. Сайысымыздың келесі бөлімі «Ептілік» ойыны деп аталады.

Ойын шарты: Екі оқушы допты аяқтарының арасынан түсірмей бір- біріне беру керек.Қайтар жолда допты бастарының арасынан ұстап ,кедергілер арасымен келіп, келесі ойыншыларға тапсырады. Олай болса балалар сіздерге сәттілік!

Құрметтті сайыскерлер деніміз сау болсын десек спортпен шұғылданайық. Сонымен сайысымыздың келесі бөліміне көшейік.

3. Келесі ойынымыз »Тасымақ» деп аталады.

Ойын шарты: Бір оқушы қолына доп алып кедергілер арқылы бір қолымен кезек- кезек жерге соғып келесі ойыншыға апарып береді. Келесі ойыншы жалғастырады.

Жүргізуші: Жатып ішер боп жалқау

Бойкүйез болма еріншек,

Айналысып спортпен,

Талаптан , жаттық еңбекпен.

4. Сайысымыздың келесі бөлімі «Тастамақ» ойыны деп аталады.

Ойын шарты: Екі ойыншы арқаларына допты қысып кедергілер арасынан өтіп қайтар жолда жүгіріп қайтуы қажет.

5.»Шегірткелер»

Ойын шарты:Бір оқушы қос аяқпен кедергілер арасынан секіріп өтіп, математикалық есепті шығару қажет. Қайтар жолда жүгіріп қайтады. Келесі ойыншы ойынды жалғастырады.

6. «Секірмек»

Ойын шарты:Бір оқушы секіртпемен кедергілер арасынан жүгіріп өту қажет.

Жүргізуші: Жарыс заңы ежелден жеңімпазды анықтау

Жеңімпаз болу шарты сол,

Еңбектену жалықпау.

Біреу озса сайыста,

Біреу артта қалады.

Жеңілгендер ренжімей

Тараса бізге жарады. Көңілді старт»

Жүргізуші: Өнерге биік сеніңіз,

Думанға қызық келіңіз.

Әділқазы ел сенген,

Өнерге баға беріңіз. Құрметті әділ қазылар сөз кезегі өздеріңізде.

Жүргізуші: Құрметті оқушылар,жүлделеріңіз құтты болсын!Бүгінгі «Көңілді старт»атты спорттық жарысымыз аяқталды. Көріп тамашалағандарыңызға рақмет.