Ата-анаға арналған жаднама

Шығыс Қазақстан облысы

Тарбағатай ауданы

«Жетыарал орта мектебі»КММ

Мусаева Меиркул Байгашевна

Тақырыбы:Жасөпірім және ата-ана

Мақсаты:Баланың дамуына теріс ықпал ететін жолдардың алдын алу, бала тәрбиелеу сапасының жоғарлауына ықпал ету, ата-аналарды тәрбиелік шараларға тарту.Қоғамдастық және ата-ана арасындағы байланысты нығайту.

Қайырлы күн, құрметті қонақтар,ата-аналар,ұстаздар,оқушылар. Бүгінгі күні өздеріңізбен жүздесіп отырғанымызға қуаныштымыз.

Баланы жастан бақпасаң,

Жамандықтан қақпасаң

Қадірден жұрдай қасқа боп

Кешкенің өмір босқа тек,-демекші, баланың ыстық-суығына күймейтін, жақсылығына сүйсініп қуанбайтыната-ана жоқ шығар. Отбасы-адамзаттың алтын ұясы.Адам баласы дүние есігін ашқаннан бастап сол ортаға бейімделіп, ықпалына көніп ер жетеді. Бала отбасында әкеден ақыл,анадан мейірім алады

М.Әлімбаев : «Ата-ана үміті»

Қипақтайды қит етсе ата-анаң,әкең

Қайтсем ғана осыны адам етем

Басқалардың осындай балалары

Тап осындай жаңғалақ, шала ма екен?

Ойым емес, оллахи, біздікінің

Енжарлығы елде жоқ ала бөтен

Туа сала тұлпардың жалын тартқан

Қырғиларға қызығып қарап өтем

Жарық силап, маңына жылу силап

Бұ да бір күн алаудай жанар ма екен

Ел қатарлы елеулі еңбек етсе-ау

Болмаса да топжарған дара бөтен

Мүше тістеп мықтылар той жасаса

Жерге қарап мен сорлы қалар ма екем?

Үміт пен күдіктің ортасында

Ата-ананың үміті талады екен.

Міне, осылайша өз баласының болашағына алаңдап, «Қайтсемде баламды адам етем» деген ата-ананың үміті, арманы баласымен бірге оянады.

Бүгінбіз сіздермен бала тәрбиесіндегі ата-ананың, қоғамның орны жайында ой бөлісеміз.

• «Әке- тірек,ана-жүрек, бала-тілек дегендей тәрбиенің үш тағаны іспеттес.ата-аналар тобы,оқушы тобы, қоғам өкілдері болып топқа бөлініп отырады

• Шаттық шеңбері.Оқушылар тілегі. Барлығы: «Жақсы азамат болайық»

• Тренинг: Төрт сөз жазылған бір бет қағаз таратылады. Осы төрт сөздің ішінен өзіне қажет деген бір сөзді сызып тастайды.

• «Ашық» сөзі сызылса - «Менің білгенімді басқалар да білсін дейді».

• «Жабық» сөзі сызылса - «Өзім де, өзге де білмей-ақ қойсын дейтін адам».

• «Арена» - «Өзім ғана білем, өзгелер білмей-ақ қойсын деген адам».

• «Соқыр» - «мені ешкім байқамаса екен».

• Сыр сандық .Топ бойынша әңгімені оқып, талдап пікірлерін қорғау.

• Байлыққа басы айналған бала/оқушылар тобы/

• Ертеде ата-анасының арқасында өсіп-өніп, байыған бала төрт құбыласы түгел болған соң,әке-шешесін қажетсінбей, қарттарүйіне апарып тастайды.Уақыт шіркін өте береді.Бірде жігіттің жолдастары өз ата-аналарының амандығын құдайдан сұрап, ас береді. Ал жігітті әке-шешесіне істеген опаздығы үшін күлкі етеді.Бетіне басады.Басы айналған жігіт,жолдастарының әрекетіне шыдамай,жылай береді. Ақыр соңында өзінің қателескенін білген жігіт,ата-анасын іздеп қарттар үйіне келеді.Келгенмен... бұл үйде жігітті тек қана анасы қарсы алады. Ал әкесі өткен жылы көзін жұмған екен. Жігіт жылап-еңіреп анасының аяғына жығылып, кешірім сұрап, анасын үйіне алып келеді.

Өгей шешенің қылығы/қоғам өкілдері тобы/

Бірде анасынан жастайынан жетім қалған 2 баланың әкесі, балаларын анасыз қалдырмайын деген оймен 2-ші әйелмен бас қосады. Екі баланың қуанышында шек болмай,өгей шешенің жылы алақанынан үміт күтеді. Күндер жылжып өте береді. Өгей шеше жылы үйге басын сұғып алғаннан кейін, балалардан құтылудың амалын таппай оларға ұрсып жекумен болады. Байғұс балалар шешенің қасы мен қабағына қараумен өмір сүріп жатады. Бірде өгей шешені суық ой қаптап алады. Сөйтіп, әкесінің жоқтығын пайдаланып, балалардың құлағына құрт салады. Бұл істі өгей шеше әдетке айналдырады.Балаларының өңдерінің қурап, үнемі жылаумен болған,мазасыз күндерін көріп,әке қатты толғанады. Ақыр соңында жұмысына кетпей ,бақылауды ұйғарады. Сөйтсе, әйелінің балаларын шыңғыртып құлақтарына құрт жіберіп жатқан жерінен ұстап алады. Өгей шешенің бұндай жауыздық «әрекетіне шыдай алмаған әке, сол жерде қатты ызамен әйелінің басын шауып өлтіреді.

Ана туралы аңыз/ ата-аналар тобы/

Ертеде сұлу қызға болған ғашық

Ананың әлпештеген жалғыз ұлы

Қыз атын айтса, ауыздан зор шығыпты

Құс жастық аққан жасқа малшыныпты

Дертіне сағыныштың шыдай алмай

Жас жігіт құр сүлде боп таусылыпты

Қинады қыздың шарты, бөлек екен

О,сұлу неткен қатал керемет ең?

Ананің жүрегінап келген күні

«Мен саған жар боламын»- деген екен

Сол қызға есі ауған жігіт мүлде

Бүк түсіп жата алмады құрып күнде

Ұйқыда бейқам жатқан сорлы ананың

Жүрегін жұлып алды тұрып түнде

Сүюдің серті ме еді соның бәрі

Ол, міне қыздың шартын орындады.

Сүрініп кетсе жігіткеле жатып

Жүрегі түсіп кеткен қолындағы

Ананың кезі бар ма кекті болған

Оқыста жүрек түсіп кетті қолдан

Ұмтылса, топырақта жатқан жүрек:

«Құлыным, байқасаңшы»-депті оған.

Музыка әлемінде: Күй тыңдау. Тыңдағанда көздеріңізге не елестеді? Қандай әсер алдыңыз? Суретпен жеткізіңіз.

Ой қозғау

Ата-аналар тобына:

1. Балаңыздың тәрбиесі үшін мектептің жауапкершілігі басым ба,әлде ата-ананың жауапкершілігі басым ба?

2. Балаңыздың қандай жағымсыз жат қылықтан аулақ болғанын қалар едіңіз?

Оқушылар тобына:

1. Ата-анаңыздың қандай жақсы істерін мақтан тұтасыздар?

2. Ата-аналарың сендердің қызықтарыңа қуанып, бақытты өмір сүруі үшін қандай болуларың керек?

Өкілдер тобына:

1. Баламның қарны тоқ, көйлегі көк болса болды, тәртібіне,оқуына қарайтын уақытым жоқ дейтін ата-аналарға көзқарастарыңыз қандай?

2. Қазіргі бала мен сіздердің уақыттарыңыздағы баланың арасындағы айырмашылық бар ма, қандай?

3.Бала тәрбиесіндегі сізге кездескен қиыншылықтар, оны шешудің жолы қандай?

Тосын жайт.

Құрметті ХХI ғасырдың жас буын өкілдері. Сіздерге өтініш беріп отырған «Болашақ» планетасы.Біз қазіргі уақытта ХХII ғасыр адамының моделін жасау үстіндеміз. Біз жіберген ХХI ғасыр адамының бойында көптеген кемшіліктер бар, солай ма? Сіздер содан көп зардап шегіп жатырсыздар.ХIХ ғасырда Абай айтып кеткен кемшіліктер қазақтың бойында әлі бар.Біз сіздердің алдарыңызда кінәліміз. Бүкіл адамзат алдында қателігімізді мойындай отырып, ХХI ғасырдың буын өкілдері,сіздерден өтініп сұрайтыным:»«ХХII ғасырдағы адамның бойынан нені көргілерің келеді: жүрегі,ақыл-ойы, санасы,тәлім-тәрбиесі қандай болу керек?». Жазып жіберсеңіздер

Көп істің шала білгірі емес,

Бір істің дана білгірі

Қонақтарға сөз кезегі

Қатысып отырған мамандарға құқық бұзушылықтың алдын-алу шаралары туралы өз ойларын бөлісу.

Ата-аналарға ,оқушыларға арналған жадынама таратылады.

Қортынды түйін: Сурет бөліктерін құрастыру, мазмұнына сай мақал-мәтелді айту.

«Әке- асқар тау, ана-бұлақ, бала- жағасындағы құрақ»

Тренинг: «Асық» сөзіне қатысты сөздер құрастыру

Ән: Аналардың тілегі