Атлас таспадан гүл жасау технологиясы

Сабақтың тақырыбы: Атлас таспадан гүл жасау технологиясы

Пән мұғалімі: БҚО, Орал қаласы, №20 ОЖББМ-нің технология пәнінің мұғалімі

Атауова Амина Беркиновна

Сынып: 7 «Д»

Сабақтың мақсаты: таспадан гүл жасап үйретіп, панно дайындау

Мiндеттерi:

А)Бiлiмдiлiк: Оқушыларға таспа туралы мәлімет беру

Б) Тәрбиелiк: Оқушылардың әрбір бастаған жұмысын жоспарлауға, алдын ала болжауға , қиындықты жеңуге ұқыптылыққа, үнемділікке тәрбиелеу

В) Дамытушылық: Оқушылардың еңбекке деген қабілетін,ынтасын, талабын,іскерлігін дамыту. Өз бетерімен жұмыстануға дағдыландыру

Көрнекілiгi: қажетті материалдар мен құралдар, тақырып бойынша слайд, дайын бұйым

Материалдар: мата, таспалар, жіп, т.б.

Сабақтың түрi: Жаңа материалды түсіндіру

Сабақтың әдiсi: Практикалық , көрнекілік , түсіндірмелі - иллюстративті

Пәнаралық байланыс : тарих, өсімдіктану

Сабақ жоспары:

1. Ұйымдастыру бөлiмi

2. Жаңа тақырып түсiндiру

3. Машықтық жұмыс

4. Бекіту сұрақтары

5. Оқушылардың жұмысын бағалау, сабақты қорытындылау.

6. Жұмыс орнын жинау.

Сабақ барысы:

1. Ұйымдастыру бөлiмi

• Саламатсыздар ма, отырыңыздар! (түгенлеу, үй жұмысын тексеру)

• Қыздар бүгінгі біздің жаңа сабағымыздың тақырыбы «Атлас таспадан гүл жасау технологиясы»

• Еске түсірейік , қандай гүлдерді білеміз? (гүл түрлеріне тоқталу)

• Бүгінгі сабақта біз таспадан роза гүлін жасап үйренеміз.

ІІ. Жаңа тақырып түсiндiру

Жұмысымызды бастамас бұрын таспаның шығу тарихына тоқталайық. Закарина Инабат баяндама дайындап келген .

Таспа туралы қысқаша мәлімет

Ерте кезден-ақ жіңішке мата жолақтары адамдардың күнделікті және шаруашылық қызметінде кеңінен қолданылған. Сол кездің өзінде Ежелгі Грецияда әйелдер әдемілік үшін шаштарын мата жолақтарымен жинаған. Ежелгі Римде алтынмен, қымбат тастармен әшекейленген жолақтарды әйелдер шаштарына қосып өрген. Сонымен қатар, түрлі-түсті ленталармен киімдерді безендірді, әрбір әлеуметтік сатыға сәйкес өз түсі және материалы болды.

Орта ғасырда Италияда отырғыштардың арқалықтарын әсемдеп, қыстың күндері суықтан қорғайтын қалың маталы терезе жапқыштарды байлаған.

Тек XIV ғасырдан бастап тұрмыста жібек ленталарды кеңінен пайдалана бастады. Лиондағы жақсы дәстүрге және қолайлы климаттық жағдай Европаның оңтүстігінде бағалы жібек жіпті өндіру тез дамыды. Папаның тігіншісінің Авиньонға көшуінен бастап, француз корольның қол астындағы белгілі мырзалар шығу тегі мен шеніне қарай алтын каймалы немесе парча лентамен әрленген үлде мен бүлдеге оранды.

(Слайдпен жұмыс)

• Жұмыс кезінде қандай қауіпсіздік техникалық ережелерді сақтауыиыз керек? ҚТЕ ережесін қайталап еске түсіру.

ІІІ. Машықтық жұмыс Оқушыларға әр қайсысының алдына жұмыстың ордалу жолы бар техникалық карта үйлестіремін. Орындалу әдісін түсіндіру

І. Керілген мата алмыз

ІІ. Гүлдерді бүктеу әдісі

ІІІ. Таспадан құмыра жасау ІҮ. Матаға гүлдерді , құмыраны ораластырамыз

Басқа да үлгілер

Қажетті материалдармен, құралдармен қалай жұмыс істеу керектін түсіндіру

• Барлығы түсінікті болса, енді өзіміз орындаймыз. Жақсы шыққан жұмысты талдау, дұрыс ордалмаған жұмыс болса қателігін айтып, түзеу.

• Қыздар барлығымыз таспадан роза гүлін жасап үйренсек енді оны өз қиялымызбен керілген мата бетіне гүлдерден панно жасап орналастырамыз.

• Орластыруына, түстерінек, көлеміне ерекше мән береміз.

ІҮ. Бекіту сұрақтары

1. Қай ғасырда, қай елде отырғыштардың арқалықтарын әсемдеп, қыстың күндері суықтан қорғайтын қалың маталы терезе жапқыштарды байлаған? (орта ғасыр, Италияда)

2. 14 ғасырда қандай таспалар пайдаланды? (жібек таспалар)

3. Қандай қауіпсіздік техникалық ережелерін біз бүгін қолдандық? Т.б

Гүл туралы қандай мақал - мәтел білесіздер?

ГҮЛ ЖЕРДІҢ КӨРКІ

Әр атаның өз ұлы бар,
Әр бұтаның өз гүлі бар.

Әр гүлдің исі басқа,
Әр жердің жынысы басқа.

Бір гүл толып ашылады,
Бір гүл солып ашылады.

Гүл ашылмай бұлбұл сайрамас.

Гүлді гүл деме егер сабағы болмаса.

Гүлдің тоны қырық жамау, бірақ исі бар.

Гүл қайда болса көбелек сонда.

Гүл өмір қызығы.

Гүл өссе жердің көркі,
Қыз өссе елдің көркі.

Гүл сабағымен қадірлі,
Ас табағымен қадірлі.

Гүлсіз болса жер мұнды,
Күлкісіз болса ел мұңды.

Гүлсіз бұлбұл үнсіз.

Гүлсіз жапырақ тұл,
Көксіз топырақ тұл.

Гүл табылады, мал сатылады.
Гүлші бір гүл өсіргенше жүз тікеннің уын жұтады.
Дала көркі - гүл,
Ана көркі - ұл.
Дала гүлімен қадірлі,
Әйел ұлымен қадірлі.

Көбелек гүлді сағынар.

Қыз халықтың гүлі,
Өлең сауықтың гүлі.
Сұлу гүлдің сарғайып солар кезі болады,
Сұлу қыздың әр тайып оңар кезі болады.
Тікен кірсе жаныңа
тілмен сылап аларсың.
Тікенектің зардабын гүлмен бұлап жазарсың.
Тікеннен - гүл, заһардан - бал.
Үкісіз қыз болмас,
Тікенсіз гүл болмас.

Ү. Оқушылардың жұмысын бағалау, сабақты қорытындылау

ҮІ. Үй жұмысы панноны аяқтау.

ҮІІ. Жұмыс орнын жинау

Орындалу әдісін түсіндіру

І. Керілген мата алмыз

ІІ. Гүлдерді бүктеу әдісі

ІІІ. Таспадан құмыра жасау ІҮ. Матаға гүлдерді , құмыраны ораластырамыз

Басқа да үлгілер