Открытый урок на тему: Шим андазасини моделлаштириш ва андаза тайёрлаш

Мавзу: Шим андазасини моделлаштириш ва андаза тайёрлаш

Дарснинг мақсади:

1. Шимни моделлаштириш усуллари билан таништириш танланган фасон асосида моделлаштиририш ўргатиш.

2. Ўқувчиларни моделлаштириш иши бўйича олган билимларини текшириш, танланган фасон асосида қоғозга чизишни ўргатиш, андаза тайёрлашни ўргатиш.

3. Ўқувчиларга иш тартибини сақлашга, меҳнатни қадрлашга , меҳнат ва турмуш гигиенаси қоидаларини сақлай билишга ўргатиб, ақлий ва эстетикалик тарбияни ривожлантириш.

Дарс тури: аралаш

Дарс типи: янги билимлар бериш

Дарс услуби: схемали ва белгили, ўқув материаллари асосида ўқитишни жадаллаштириш технологияси.

Фанлар аро боғланиш: тарих, математика, расм

Дарс жиҳози:

Дарс бориши:

1. Ташкилий қисм.

2. Янги дарс баёни.

Кийим одам маданиятининг тикланишининг бир бўлаги. Кийимнинг чиқиш тарихи қаттиқ қаҳратон совуқлардан, жазирама иссиқлардан ва бошқа об-ҳаволарни ўзгариши таъсиридан сақланиш керак бўлганлигидан пайдо бўлган.

Буюк француз модельери Коко Шанель айтганларидек, "Мода -капризна и изменчива". Мода -бу шакл ўзгартириш демакдир. Ҳар бир инсоннинг ўз кийиниш услуби бўлади. Биз инсонлар ўз кийимимизни кундаликда кийиб юришни одат тусига киритганмиз ,лекин ойлар, йиллар, замон ўзгариши билан биргаликда бизнинг ёшимиз ҳам ўзгариб боради. Бунинг билан айтмоқчиманки, замон билан биргаликда мода ҳам ўзгариб бормоқда ва шу билан биргаликда биз инсонларнинг, ёшлар аёллар, эркаклар, қариларнинг ҳам кийиниш услуби ўзгариб боради.

Мода яратиш учун моделлаштиришни билишимиз керак. Моделлаштириш ишини эса модельерлар яратади яъни у янги кийим намуналарини тайёрлайди. Модельер одамнинг қадди -қоматини унинг пропорцияларини, бичим чизиқларини, безак беришни, андаза тайёрлаш, тикиш ишининг технологияларини билиши керак.

Демак, қизлар бугунги дарсда биз моделлаштиришимизни ўрганамиз.

Қандай кийим турини моделлаштирамиз.

1. Шим қачон ва нечанчи асрдан бошлаб аёллар гардеробида пайдо бўлган деб ўйлайсиз?

Ўқувчилар фикрини тинглаш.

Шим сўзининг маъносини тушунтириш. Шим рус тилида "брюк", қозоқ тилида "шалбар" дейилади. "Брюк" сўзи аслини олганда Голландия шаҳарларидан бири "БРЮГЕ" сўзидан келиб чиққан. XV асрлардаёқ аёллар гардеробида бундай кийим тури пайдо бўлган. Бу пайтда шим кийишган, лекин кийган шимларини узун кўйлак тагига яшириб кийилган.

ХХ асрга келиб шим яъни бундай кийим тури аёллар модасига тўла-тўкис кириб бўлди.

Францияда биринчи бўлиб шим кийганлар тарихчиларнинг айтишича Джанна д Арк бўлган. У жангда ўзини қурбон қилган яъни жанговар аёл бўлган.

Қадимги Европада шимни фақат отлик аскарлар кийишган. Яъни германияликлар кийишган. Уларнинг кийимларини Римда варварлар кийими деб аташган экан ва бундай кийимни кийганларни жазолаган. Аслини олганда шим юбкадан келиб чиққан.

2. Шим тикиш учун авваламбор шимни турли хил фасонларини чизиб олишимиз керак.

• Фасон деганимиз ўзи нима?

• Шим учун фасон танлашда сиз нимага эътибор беришингиз керак?

Шим учун фасон танлашда ўзингизга мос эстетик жиҳатдан талабга жавоб бера оладиган, гавдага мос шим фасонларини танлайсиз. Бунинг учун сиз танлаётган шим қаерга кийилиши, шароитга мос бўлиши, фаслларга қараб танланиши керак. Агар сиз ўзингиз фасон танлашга бироз қийналсангиз мода журналларига ва модаларга эътиборингизни қаратингиз ва шулар орасида дидингизга мос фасонни танланг.

3. Танланган шим ранги қандай рангдаги елкали кийимларга мос келади? Бунда кийилган костюмлар, нимча, ва кофталар шимнинг рангига мос келиши ёки бош кийимларга, оёқ кийимларга, тақиладиган тақинчоқларга, шарф ва рўмолларга ранглари билан бир-бирига мос келиши керак.

4. Шимлар фасонига қараб ҳар хил газламадан тикилади. Ёшга қараб, фаслларга қараб турли табиий ва химиявий толалардан тикилган газламалардан тикилади.

• Масалан шундай газламаларга мисол келтиринг.

• Газлама танлашда нимага эътибор берилади?

Шим учун газлама танлаш қайси мавсумда кийилишига, қаерга кийилишига, қандай шароитда кийилишига қараб танланади.

5. Шимлар кийиш услубига қараб турли хил стилларда бўлади.

• Классик стилидаги шимлар

• Ретро стилидаги шимлар (клеш шим клип)

• Джинси стилидаги шимлар

• Фолклор стилидаги шимлар

• Ёшларга хос бўлган шимлар

• Спортга хос бўлган шимлар

6. Шимни констукциялаш деганимиз нима?

• Шим учун қандай ўлчовлар олинади?

• Моделлаштириш нима?

Бугун дарсда мана шу асосий шим андазасидан сиз ўзингиз мустақил танлаган фасон ва модаларингиз бўйича модел чизиқларини киритасиз. Ана энди шимдан шортик, калта шим ҳосил қилишингиз мумкинми? ("Бриллант қўл" кинофильмидан лавҳа).

7. Шимни тайёрлашда қандай асбоб ва мосламалардан фойдаланамиз.

Амалий иш. Ўқувчиларга шим чизмасини таратиш ва мустақил моделлаштириш.

Асбоб мосламалар: смли лента, чизғич, қоғоз, қалам, қайчи, нина, ип, тикув машинаси, дазмол.

8. Шим турлари. Моделлаштириб бўлгандан сўнг ҳозирги замондаги шим турлари билан танишиб ўтамиз. Ҳозирги даврда шимнинг турли хил турлари мавжуд. Айниқса қиз болалар киядиган шимларнинг "Плаццио"-шим юбка, "Гольф", "Банан", "Капри", "Бермуд", "Бриджи" каби турлари бор.

Чин дилдан ақл билан ишга кириш,

Бу учун сенда бўлсин доим ҳохиш

Ишингга зўр қизиқиш билан кириш

Ҳар доим натижаси бўлсин беш.

Баҳолаш. Янги дарс давомида фаол иштирок этган ўқувчилар ишларини баҳолаш.

Дарс мустаҳкамлаш. Ўтилган мавзу юзасидан ўқувчи фикрини тинглаш. Тарқатма материаллар ёрдамида ўқувчилар билимларини аниқлаш.

Уйга вазифа: Шим андазасини тайёрлаш.