- Преподавателю
- Технология
- Қазақтың ұлттық тағамдары. Табақ жасау рәсімі. тақырыбындағы технология пәнінен ашық сабақ
Қазақтың ұлттық тағамдары. Табақ жасау рәсімі. тақырыбындағы технология пәнінен ашық сабақ
Раздел | Технология |
Класс | - |
Тип | Рабочие программы |
Автор | Смайыл А.Е. |
Дата | 01.11.2015 |
Формат | docx |
Изображения | Нет |
Сабақтың тақырыбы: Қазақтың ұлттық тағамдары. Табақ жасау рәсімі.
Сабақтың мақсаты: Қазақтың ұлттық тағамдарының ерекшелігі мен құндылығын, қазақ халқының қонақжай дәстүрін құрметтеу, тағамдардың жасалу жолдарына түсініктер беру.
Тәрбиелігі: Жаңашылдыққа, әдемілікке, тіл мәдениетіне жаңа заман талабына сай тәрбиелеу.
Дамытушылығы: Оқушылардың шығармашылығын, қолөнер шеберлігін, ұйымдастырушылық қабілетін дамыту.
Сабақтың түрі: аралас сабақ.
Сабақтың әдісі: ашық сұрақ, фишбоун әдісі, сәйкестендіру тесті, карвинг өнері, дұрыс-бұрыс ойыны
Сабақтың көрнекілігі: оқулықтар, суреттер, презентация, көкөністер, ыдыс-аяқ жиынтықтары.
Сабақ барысы.
1. Оқушылардың психологиялық ахуалын қалыптастыру.
2. Сыныпты тағам суреттері арқылы топтастыру.
Сабақтың кезеңдері:
1. Ғажайып асхана.
2. «Фишбоун» әдісі.
3. Сәйкестендіру тесті.
4. «Дұрыс-бұрыс» ойыны.
5. «Карвинг» өнері.
6. Артық болмас білгенің...
7. Керібайланыс.
8. Үйге тапсырма.
9. Бағалау.
Жаңа сабақ.
-
Ғажайып асхана. Оқушыларға ашық сұрақтар беріледі.
-
Су болмаса да сұйық,
Өзі бітеу тұйық. (Жұмыртқа)
-
Балық фаршынан не дайындауға болады? (Паштет, катлет)
-
Одан барлық ауру қашады. Бактерициттік қасиеттері гаймарит, тыныс жолдары ауруларына ем. (Жуа)
-
Бұл кішкентай бутерброд қалай аталады? (Тортинкалар)
-
Химиялық қопсытқыш? ( қамыр дайындау кезінде)
-
Өте ерте заманда ең оның тағамдық, емдік мақсаттарымен қатар, ыдыс-аяқ, әсемдік заттар, сазды аспаптар жасаған. (Асқабақ)
-
Бұл жемістен жеміс «Мокинтош» компьютерінің белгісіне айналды. (Алма)
-
Тамақтанғанда ашылады? (Тәбет)
-
Қамыр негізі? (Ұн)
-
Отаны Оңтүстік және Орталық Америка. Астектер оны «Үлкен жидек» деп, ал италяндар «Алтын алма» деген ат берген. (Қызанақ)
-
Шәйдің отаны? (Қытай)
-
Төменде берілгендердің ішінде қайсысы бутерброд емес?
a) Тартинка
b) Сэндвич
c) Канапе
*d) Тарталетка
Мұғалім түсіндірмесі
Мипалау - піскен малдың миын алып, оған бауыр, құйрық майын, бастың дәмді құйқасын қосып, үстіне тұздық немесе айран, қымыз қосып, немесе сорпаға салып әзірлеп, үлкендерге ұсынады.
Шұжық - малдың етін, іш майын турап, оған жуа, сарымсақ, тұз, бұрыш қосып араластырады, жылқының ішегіне салып, екі жағын байлап тобарсытады, етпен бірге асады.
Қуырдақ - соғым сойғанда етін, өкпесін, жүрегін, бүйрегін, бауырын ұсақтап турап, майға қуырып жасайды.Бауырды соңынан салады, ол көп қайнап, қатайып кетпеуге тиісті.
Кісе қуырдақ - жаңа сойылған малдың өкпе, бауыр, бүйрек, ішек, қарынын турап, майға қуырып әзірлейді. Етті аз қосып, сарымсақ, бек деп аталатын шөпті салады.
Қазы-қарта, жал-жая - құрметті қонақтарға тартылады. Етпен бірге пісіріледі.
Бұқпа - марқаның жіліктері мен омыртқа, қабырғаларын балтамен ұсақтап, қазанға салып, үстіне аздаған су құйып, бетін жауып дайындайды.
Сірне - туғанына 2-4 күн болған жас қозының етін қазанға салып, үстіне бие сүті мен сұйық қаймақ құйып әзірлейтін тағам.
Сырбаз қуырдақ - жаңа сойылған малдың етінен үстіне бие сүтін құйып, тұз салып қайнатып, жасайды. Оны «бұқпа қуырдақ» деп те атайды.
Томыртқа - қыста ыстық сорпаға бір түйір таза мұз салып, дәмін сәл өзгертіп ішеді. Мұны томыртқа деп атайды.
Төстік - қойдың төсіндегі етін терісімен кесіп алып, үйітіп, тұздап жейді. Ауыл жігіттері қой сойып жатқанда оны әзірлей қояды.
Ақсорпа - ертеде соғымның етін пісіргенде қалған сүйектерін жинап қойып, кейін жуып, қазанға қайнатып, майлы сорпасын ішкен. Оны ақсорпа дейді.
Салма - етті турап пісіріп, нан кеспесін салып жасап, ішеді. Негізінен, қой, сиыр етінен әзірлейді. Сорпасы дәмді.
Тұздық - сорпаға жуа, тұз қосып қайнатып, табақтағы туралған еттің үстіне салып, оның дәмін келтіреді. Кейде оған азырақ ұсақ туралған сәбізді де қосады.
Шыж-мыж - соғым сойылып жатқанда малдың бүйрегі мен шарбы майын отқа қақтап, шала пісіріп, шыж-мыж жейді.
Қара ала шыжық - ұсақталып туралған етті мал майын қосып табаға қуырып әзірлейтін тағам.
Жаубүйрек - аңшылар аулап алған арқар, киік, таутеке тәрізді аңдарының майлы бүйрегі мен бауырын істікпен отқа қақтап жейді. Қой, ешкі сойғанда да сондай тағам әзірлеп жеуге болады.
Қойды үйітіп сою - қойды бауыздап алғаннан кейін отқа үйітіп алып терісімен бірге сояды. Үйітудің әртүрлі әдісі бар.
Ет ыстау - қайың қабығын жағып, оның түтінінің үстіне еттерді іліп қояды. Ысталған ет әрі дәмді, әрі ұзақ сақталады.
Бүрме - күзде жаңадан сойылған малды жас күйінде сақтау үшін терісіне салып, бүріп тастайды. Бұл шөпті үнемдеуге, малды арытып алмай етін тамаққа пайдалану үшін өте пайдалы.
Әсіп - ет, өкпе, бауыр мен бүйрек, құйрық майды өте ұсақтап турап, күріш, ұсақ туралған пияз, тұз, бұрыш қосып, жаңа сойылған малдың ішегіне салып пісіріп, әзірлейді.
Түймеш - малдың сұрпы етін ағаш балғамен ағаш жаңғырық үстінде ұрып, жаныштап, жұқалап алып тұздап, сақталған ет. Ол тез піседі, әрі жұмсақ болады.
Тоң май - малдың құйрық, шарбы, іш майларын қазанға шыжғырып алынған май. Оған бауырсақ тәрізді ұн тағамдарын пісіреді. Тоң май бұзылмай, ұзақ сақталады.
-
«Фишбоун» әдісі.
Басы: Проблемалық
Қабырғалары: Шығу жолдары
Құйрығы: Қорытынды
І-топтың тапсырмасы: Қазақ ұлттық асханаға зәру
ІІ-топтың тапсырмасы: Ұлттық тағамдардың ерекшелігі
Б.Момышұлының немересі мен ұлына жасырған жұмбағы беріледі.
(З.Ахметова "Шуақты күндер" кітабы, 65-бет)
Жұмбақ: Он екі бием бар еді, алтауы буаз, екеуі неғайбыл, екеуі тесік өкпе, екеуі күн қақты.
Қосымша көмек: Тағам, қонаққа ұсынады, төрт түлік малға қатысты
Жауабы: Малда 12 мүше бар.
6 буаз бие деген ішінде майы бар 6 жілік - 2 асықты, 2 тобықты, 2 ортан жілік.
Неғайбыл деген болар болмас майы бар кәрі жіліктер.
Тесік өкпе - екі жамбас.
Күн қақты - екі жауырын.
-
Сәйкестендіру тесті
Топтарға сәйкестендіру тесті беріледі.
-
«Дұрыс-бұрыс» ойыны
Берілген суреттер бойынша тапсырмаларды орындайды. Топтар бірін-бірі бармақ арқылы бағалайды.
-
Карвинг өнері. Нұсқаулық бойынша жұмыс жасайды.
-
Артық болмас білгенің...
-
Қонақта дастарханда отырып, үзіліс жасағыңыз келсе, тәрелке үстіне айқастырып шанышқыны тісін төмен қаратып, пышақты оның астына қояды.
-
Ал, егер тағам ұнамаса,алып кетуін қаласаңыз,асхана жабдықтарын айқастырып қоясыз.Шанышқы тісін жоғары қаратып,ал пышақты шанышқының астына қояды.
-
Сізге тағам өте ұнады,тағы ішкіңіз келді-онда пышақ пен шанышқыны айқастырып:шанышқы жүзін жоғарты қаратып,пышақты шанышқы астына қоясыз.
-
Егер тағамды жеп болғаныңызды білдіргіңіз келсе,шанышқы мен пышақты бір-біріне қарама-қарсы қоясыз. Тәрелкеде құралдар сағат тілімен көрсетсек 5-6 ортасында тұру керек.
-
Керібайланыс.
Балалар бүгінгі сабақтан алған әсерлерін дастархан жабдықтары арқылы білдіреді.
-
Үйге тапсырма: Ұлттық тағамдарға байланысты интернеттен қосымша материалдар жинау.
-
Бағалау. Сабаққа белсене араласып отырған оқушыларды мақтап, марапаттау.