Десант сабақ Кестелеу технологиясы

«Қарақұм орта мектебі» мемлекеттік мекемесі

Сабақтың тақырыбы: Кестелеу технологиясы

(Десант сабақ)

Өткізген: Оразалиева Ш

Сыныбы: 5 «А»

2015 - 2016 оқу жылы

Уақыты: 26.11.2015жыл

Сабақтың тақырыбы: Кестелеу технологиясы

Сабақтың мақсаты: көркемдік көктеу тігісінің түрлерін тігіп үйрену және оларды қолдану орнымен танысу.
А) Білімділік мақсаты: кестенің түрлерін, тұрмыста қолданылу ретін көрнекіліктер арқылы көрсету, таным деңгейін арттыру.
Ә) Дамытушылық мақсаты: көктеу тігістерін көркемдік тігістерден ажырата білу, тігісті әсем етіп орындау қажеттілігін қалыптастыру.
Б) Тәрбиелік мақсаты: кесте өнерінің ертеден келе жатқан ұлттық өнердің қастерлі бөлігі екендігін түсіндіру, қазақтың инабатты қызының рухында тәрбиелеу, әсемдікке, биязылыққа, еңбекті сүюге, үй тұрмысына бейімділікке үйрету және қызықтыру.
Сабақтың әдісі: баяндау, демонстрация, сұрақ -жауап, теориялық білім және сарамандық жұмыс.
Сабаққа қажетті құрал-жабдықтар: қайшы, түсті кесте жіптері, инелер ине қыстырғыштар, бір түсті мата, түсті бор, қалам, фломастер, сызғыш, оймақ, кестелер эскиздері, кергіш, жақтаулар

Көрнекілігі: кестелі бұйымдар, слайдтар, дайын бұйымдар.

Пәнаралық байланыс: бейнелеу өнері, тарих, математика

Сабақтың барысы
I. Ұйымдастыру кезеңі.

а) Оқушылармен амандасу;

ә) Кезекшінің есебі;

б) Оқушылардың назарын сабаққа аудару, ой қозғау, кіріспе.

II. Өткен тақырыпты пысықтау.

1. Инешаншым дегеніміз не?

2 . Тігім дегеніміз не?

3 .Қол жұмыстарын орындауға қандай талаптар қойылады?

4. Түзу ине шаншымдар не үшін қолданылады?

5. Ілмекті инешаншымдар қайда қолданылады?

6. Қол жұмыстары кезінде қандай ережелерді ескереміз?

Оқушыларға жаңа тақырыптың атын жұмбақтап жасыру арқылы табу.

Оқушыларды үш топқа бөлу. (түстер арқылы)

Зер кесте тобы, Түйіндеу кесте тобы, Ойма кесте тобы

ІІІ Жаңа сабақ:

Кесте дегеніміз өрнек құрастыру кезінде суретші нұсқаға қарап нобайлар жасайды. Қазақ сәндік бұйымдарын кестелегенде көбінесе кесте тек тұрмыстық бұйымдарды сәндейді, бірақ ол өзінше жеке мәнге ие бола алмайды. Ал, бұйым кестенің көмегімен ғана көркем де сәнді болып бағалана алады.

Кестелеу өнерінің бірнеше түрлері бүгінгі таңда кеңінен тараған

Ойма кесте Көпіртіп кестелеу Санап тігілетін кесте

Кестелердің

түрлеріТүйіндеу кесте Екі жақты түрлі түсті кесте

Зер кесте Тізбек кесте

Гобелен кесте Оюластырып кестелеу

Бір жақты тығыз кесте Айқас кесте

Адам баласы табиғаттан да, күнделікті тұрмыс-тіршілігінде де әдемілік пен жарасымдылықты таңдайды. Біздің жүрген ортамыз - үй, көше, дала, үстіміздегі киіміміз, жүріс-тұрысымыз бен қылығымыз, іс-әркеттеріміз - бәрі де әдемі болу керек. Осы әдемілікке біз де үлесімізді қоса аламыз.

ІY Сарамандық жұмыс.

Қауіпсіздік ережелерін сақтай отырып үш топ кестелеу жұмыстарын жүргізу.

Әр топ өздерінің жасаған жұмыстарын таныстыру.

Және жасаған жұмыстарын әр топ бір- бірін критериялды бағалау.

Сергіту бөлімі. Бейне баяннан үзінді.

Мақалдың жалғасын тап.
Кесте туралы
1. Кестенің сыры түрінде, Кілемнің сыры ...................
2. Кестені көңіл сызады, қол тігеді, көз .......................
3. Қыз еркем, кестесімен ...........................
4. Ұл еркем, өрнегімен ..............................
Шебер туралы
5. Шебердің қолы ................, шешеннің тілі ....................
6. Шебер қол шет ..................
7. Шеберді өнер ......................
8. Шебердің ісі ..............., шешеннің сөзі .............
9. Шеберлік шексіз .....................
Ине туралы
10. Іздей білген ирімнен де ине ...............

Қорытынды.

Біздің ата бабаларымыз сан ғасырлар бұрын осындай тұрмыс тіршілікті аңсап армандаған. Олардың заманы егіншілікпен, мал бағумен өткен. Ата бабаларымыз Білімге, ғылымға қолдары жетпесе де, сұлулықты, әсемдікті талғай білген. Сол сұлулықты өз қолдарымен жасап отырған. Ертеде адамдар әр түрлі жіптерді, инелерді түрлі өсімдіктерден алып, өздері ойлап тауып отырған. Ендеше, бізде бүгін сол бабадан атаға тарап келе жатырған төл туындымызды, қол өнерді ұмытпауымыз керек.

Кері байланыс: Не үйрендім? Нені үйренгім келеді?

Оқушыларды бағалау

Үйге тапсырма: Кесте тігу.