Қуыршақ дайындау технологиясы сыныптан тыс жұмыс (9 сынып)

Раздел Технология
Класс 9 класс
Тип Конспекты
Автор
Дата
Формат docx
Изображения Есть
For-Teacher.ru - все для учителя
Поделитесь с коллегами:

Сыныптан тыс жұмыс 9 сынып

Сабақтың тақырыбы: Қуыршақ дайындау технологиясы

Сабақтың мақсаты: Оқушыларды қуыршақтың тарихы және түрлерімен

таныстыра отырып, дайындау технологиясын үйрету.

дамытушылық: Оқушылардың икемділігін арттыра отырып, сабаққа

қызығушылығын дамыту.

тәрбиелік: Қауіпсіздік ережелерін сақтап отыруға, ұқыптылыққа,

шыдамдылыққа, эстетикалық талаппен жұмыс жасауға

тәрбиелеу.

Сабақтың түрі: Сарамандық

Пәнаралық байланыс: тарих, бейнелеу өнері, математика, музыка

Көрнекі құралдар: Эскиз, ДВП, картон,калька, қайшы, қалам, өшіргіш, түрлі

түсті қағаз, маркер, қылара, сым темір, егеу, шеге.

Сабақтың жоспары: I . Ұйымдастыру кезеңі

II. Үй тапсырмасына шолу

III. Жаңа сабақ өту

IV. Сарамандық жұмыс

V . Жаңа сабақты бекіту

VI. Оқушыларды бағалау

VII. Үйге тапсырма беру

I. Оқушыларды қабылдап жұмыс орындарына орналастырып, тізім бойынша түгелдеп, назарларын сабаққа аудару.

II. Үй тапсырмасына шолу .

1. Киізден жасалған қуыршақтар қай ғасырда шыққан

2. Ғылымда мәдени тарихтың аталмыш кезеңін не деп атайды

3. Қуыршақты қандай материалдардан жасайды

4. Қуыршақ бөліктерін не үшін шаблон етіп түсіреді

5. Эскизді ДВП- ға, картонға көшіру реті қандай

6. Қыларамен аралау технологиясы қай жерлерде қолданылады

7. Қыларамен қандай материалдарды аралауға болады

8. Қылара төсемі қалай тартылуы керек және тістері қалай орналасады

III. Жаңа тақырып өту.

Көшпенділер кезеңінде қол өнері мен сән өнері аса биік деңгейге көтерілген.

Ғылымда мәдени тарихтың аталмыш кезеңін «Байырғы сақ, ғұн, үйсін өнері» деп атайды. Қоладан құйылған қошқардың, саз балшықтан жасалған аттың, адамның, кірпінің бейнелері қазба жұмыстары кезінде ежелгі қалалардың жұртынан, көнеден қалған обалардан табылған. Ал киізден жасалған аққулар V ғасырда шыққан.

Ойыншықпен ойнамайтын бала барма. Ойыншықтың біздің төл топырағымызда ғана емес дүние жүзіндегі елдердің бәрінде де болуы заңды ғой. Мысалы: Ежелгі Мысыр жерінен (Египет) ағаштан жасалған қуыршақтар мен терінің пұшпағынан тігілген ойыншықтар табылған.

Италия мен Грекия өлкесінен - антик дәуірінде шетінеген жас сәби зираттарынан мүрдемен қоса көмілген сылдырмақ пен қуыршақтар шыққан. Ежелгі грек ғалымы Плутарх: « Кілтін бұраса қозғалысқа түсетін «жанды» қуыршақтар осы кезде жасала бастады»,-деп мәлімдейді.

Қуыршақ атауының шығу төркініне назар аударайық. Атау қос сөзден тұрады. Бірінші бөлігі - қуыр, қуыру,өртеу, жағу деген ұғымды білдірсе екінші сыңары - шақ өртелген нәрсеге дәлме дәл деген мән береді.

Қуыршақтың әр-түрлі материалдардан жасалған түрлері көп. Мысалы: киізден, саздан,сабаннан, матадан,жіптен, шишадан, қағаздан, ағаштан, пластмассадан.

Осылардың ішінен біз ағаштан және қағаздан қуыршақ жасаймыз.

IV. Сарамандық жұмыс №1

Эскизден үлгі шаблондар жасап, ДВП - дан және картоннан

қуыршақтың негізін дайындау.

1. Таңдап алынған эскиз үстіне калька қағазын қойып , бөліктерді жеке жеке контур сызығы бойынша сызып шығу.

2. Калька қағазын жұқа картонға желімдеп, бөліктерді жеке жеке контур сызығы бойынша қайшымен қиып аламыз. Үлгі шаблон дайын.

3. ДВП - ға, картонға үлгі шаблонды қойып, контур сызықтарын түсіру.

4. ДВП -дағы контур сызығы бойынша қыларамен аралау, картондағы контур сызығы бойынша қайшымен қиып шығу.

5. ДВП - дан араланған негіздің шеттерін егеумен тегістеу.

Сарамандық жұмыс №2

Қуыршақтың бөліктерін жапсырмалау.

1. Негізгі бөліктердің үлгі шаблонын қажетті түстеріне қойып,контур сызықтарын сызу.

2. Түрлі түсті қағазға түскен сызықтар бойынша қайшымен қиып алу.

3. Суретке қарап отырып, қуыршақты түстеріне сәйкес етіп жапсырмалау.

4. Ішкі сызықтарды маркермен жалғастыру.

5. Сымға арналған ойықтарды шегемен, бізбен тесу.

6. Сыммен бірігетін жерлерін қосу

Қуыршақ дайындау технологиясы сыныптан тыс жұмыс (9 сынып)Қуыршақ дайындау технологиясы сыныптан тыс жұмыс (9 сынып)

Қуыршақ дайындау технологиясы сыныптан тыс жұмыс (9 сынып)Қуыршақ дайындау технологиясы сыныптан тыс жұмыс (9 сынып)

Қуыршақ дайындау технологиясы сыныптан тыс жұмыс (9 сынып)Қуыршақ дайындау технологиясы сыныптан тыс жұмыс (9 сынып)Қуыршақ дайындау технологиясы сыныптан тыс жұмыс (9 сынып)

V. Жаңа сабақты бекіту

1. Калька қағазы не үшін қажет

2. Қуыршақ атауының төркіні қандай

3. Қандай құрал - жабдықтар қолданылды

4. Қуыршақты қандай материалдардан жасайды

5.Шыққан шығын есебі

VI. Оқушыларды бағалау.

Оқушылардың үй тапсырмасына жауап беруін, сарамандық жұмысының сапасын, сабаққа атсалысып отырғандарын ескере отырып бағалаймын.

VII. Үйге тапсырма беру.

Өздері жасаған қуыршаққа іс-қағаздар жинақтау.

















© 2010-2022