Тік белдемше 6-сынып

Тік белдемшесін пішу және тігу

Оқушыларды еңбекке даярлау - күрджелі де кешенді мәселе. Ол жүйелік деңгейі жағынан мынадай салаларға бөлінеді:еңбекпен тәрбиелеу, оқыту, қоғамдық пайдалы еңбек, кәсіби бағдар беру, технологиялық және кәсіьи даярлық. Аталған бөліктер мектептегі оқу-тәрбие процесінің құрамдас бөлігін құрайды.

Жаңа ұрпақты еңбекке даярлау, оның ішінде есту қабілеті бұзылған балаларға кәсіби біліктілікті берумен қатар оларды әлеуметтік өмірге бейімдеу мәселелері өзекті болып отыр.

Ұсынып отырған төмендегі сабағымның мазмұнын құрғанда, ең бірінші арнаулы мектептің спецификалық әдіс-тәсілін басшылыққа алдым. Оқушылардың қабылдау деңгейі мен білім деңгейі ескерілді. Сабақ дидактикалық мақсат қойылуымен және нәтижеге жетуімен ерекшеленеді. Сонымен бірге өткен сабақтағы материалды қайталау және пайдалану арқылы жаңа сабақты меңгереді. Сабақ құрылысындағы әр бөлім арасында «жеңілден-күрделіге» логикалық байланыс алынды.

Сабақтағы оқу сарамандық мақсат белгілі зат көлемінде іс-әрекет етуге, үйрету, анализ жасау, өз әрекетін бақылау, әр баланы бірге жұмыс істеуге үйрету, бейімдеу.

Сабақтың мақсаты: оқушыларға тік белдемшенің бөліктерін өңдеу технологиясы арқылы білімдерін бекіту, пішу, тігу және өңдеу технологиясының тәсілдерін үйрету.

Дамыиушылық мақсаты: оқушылардың логиалық ойлау қабілетін дамыта отырып, оны қайта жаңғыртуға үйрету.

Тәрбиелік мақсаты: білімдері тереңдету, теориялық алған білімдерін сарамандық жұмыспен дамыту, ұқыптылыққа, тиянақтылыққа, шеберлікке, жұмысты өз бетінше орындауға тәрбиелеу.

Корекциялық мақсаты: коррекциялық түзету жұмысын жүргізу

Көрнекілік: тік белдемше үлгілері, мата түрлері, қайшы, бор, ине, жіп, өлшем лентасы.

Сабақтың түрі: телриялық және сарамандық.

Сабақтың барысы:

1. Ұйымдастыру

2. Сөйлеу тілін жаттықтыру

• Бүгін сабақта не істейміз?

• Бізге сабаққа не қажет?

• Сен қандай тік белдемшесін таңдадың?

3. Өткен сабақты қайталау

• Не себепті тік белдемше белдік бұйымдарға жатады?

• Қандай белдік бұйымдарды білесіңдер?

• Тік белдемшесі қандай бөліктерден тұрады?

• Тік және кең етекті белдемшенің бөліктерін қалай атайды?

4. Жаңа сабақ. Матаны пішуге дайындау.

1. Талшық құрамы бойынша матаны анықтау.

2. Енін және ұзындығын өлшеу

3. Оң және теріс бетін анықтау

4. Тік белдемше бөліктерін жаю барысында мата суретінің бағытын және оның сипатын анықтау.

5. Матаның ақауларын тексеру, оларды белгілеу.

Матаға тік белдемшенің пішім бөліктерін жаю және пішу.

Бөлік пішімдерін жаю кезінде матаның ұзындығын және енін есептеу қажет.

Сурет бағыттарын есепке ала отырып, алдымен үлкен бөліктерді, содан кейін ұсақ бөліктерді жаю керек.

1. Матаны бүктеп, көлденең көлденең кесінділерін тегістейді.

2. Көлденең кесіндіден 5-7 см юбканың төменгі кесіндісін өңдеуге қалдырып, тік сызық жүргіземіз.

3. Суретте көрсетілгендей бөлік пішімдерін жайып, түйрейміз. Қарама-қарсы бүрмелердің әдіптері 8-10см тең.

4. Алдымен бөлік пішімдерін нұсқа бойынша айналдыра сызып, сондан кейін кесіндіні өңдеу үшін әдіп шамасын қалдырамыз. Және әдіп есебімен жаңа нұсқаны айналдыра сызамыз.

Тік белдемше бөліктерінің пішімдерін өңдеуге дайындау.

1. Бүрме сызығына, бел сызығына, етек, бүйір жоғарғы кесіндінің сызықтары бойынша көшірме тігістерді салу.

2. Алдыңғы және артқы ен орасына тексеру тігісін салу.

3. Тік белдемшесін бірінші өлшеуге дайындау.

5.Сарамандық жұмыс

Оқушылар өз бетінше нұсқау картасы бйоынша жұмыс істейді.

1. Үлгіні матаға орналастыру, пішу

2. Пішім бөліктерін біріктіріп қосу, көктеу.

3. Қауіпсіздік ережесін сақтау., еске түсіру.

6.Бекіту

- Бүгін біз қандай жұмыс істедік?

- Тік белдемешсін өқандай матадан тігеміз?

- Пішер алдында не себепті матаны тексереді?

- Сен өзіңе қандай тік белдемшесін таңдадың?

7. Бағалау. Үйге тапсырма.