Технология әдістемесі пәнінен Қағазды, қатырма қағазды бүктеу әдістері, көлемді ойыншықтарды құрастыру тақырыбы бойынша сабақ жоспары

Сабақ жоспары

Оқытушы: Н.А.Хамзин

Пәні:

Технология әдістемесі

Тобы:

1КДО

Уақыты:

Сабақтың тақырыбы:

Қағазды, қатырма қағазды бүктеу әдістері, көлемді ойыншықтарды құрастыру

Құзыреттілікке жеткізетін сабақтың мақсат-міндеттері:

А) ақпараттық құзыреттілік

Оригами және осы техникада көлемді бұйымдар жасау әдіс - тәсілдері жөнінде мәлімет беру.

Ә) коммуникативтік құзыреттілік

Қағазды көркем бүктей отырып, құс, қорап бейнелерін жасау әдістерін меңгерту.

Б) проблеманы шешу құзыреттілігі

Оригами техникасында орындалған жұмыстарды балабақшада қолдана білуге баулу.

Сабақтың типі:

Жаңа іскерліктерді қалыптастыру. Білім іскерліктерді бекіту.

Сабақтың әдісі:

Көрнекілік. Практикалық

Қажетті құралдар мен материалдар

Оригами үлгілері, қағаз, қайшы, қарындаш

Сабақтың барысы:

Оқытушының қызметі

Студенттің қызметі

Күтілетін нәтиже

І. Ұйымдастыру бөлімі

Студенттермен амандасып, оқу құралдарын түгендеу, сабаққа даярлау.

Құрал -жабдықтарын дайындап, сабаққа зейіндерін аударады

Сабаққа толық дайын болады

ІІ. Жаңа материалды түсіндіру

Жаңа сабақтың тақырыбы хабарланып, оригами техникасы жөнінде түсіндіріледі. Оригами техникасында жасалатын жұмыстар: жануарлар, құстар, тұрмыстық бұйымдар, техника үлгілері, өсімдіктер т.б.

Оригами техникасында орындалатын бұйымдарды балабақшада ойын, сайыс түрінде қолдануға болады.

Студенттер жаңа материалға сәйкес мәліметтерді меңгеріп, оригами техникасы, бұйым түрлерімен түрлерімен танысады.

Оригами техникасы жөнінде түсінік алады. Техникасын меңгереді Әрқайсысын ажырата алады.

Оригами түрлерінің ерекшеліктерін, қолданылу орындарын біледі.

ІІІ. Машықтық жұмыс

Оригами техникасында құс бейнесін және қорапты орындау үйретіледі. Сонымен қатар орындалған бұйымдардың сайыс ойын түрінде қолданылу ерекшеліктері айтылады.

Құс бейнесін және қорапты жасалу кезеңдеріне сай көркем бүктей отырып орындайды.

Құс бейнесін қорапты оригами техникасында жасап үйренеді

ІV. Қорытындылау. Үйге тапсырма.

Бұйымдары тексеріліп, бағаланады. Үйге тапсырма ретінде оригами техникасында түрлі бұйымдарды жасау тапсырылады.

Орындаған жұмыстарын саралап, талдайды. Жұмыс орындарын жинастырады.