Киізден бойтұмар сувенирін жасау жолдары

Тақырыбы: Киізден бойтұмар сувенирін жасау жолдары.

Сабақтың мақсаты:

Білімділік: Киізден бойтұмар сувенирін жасау жолдарымен таныстыру, үлгі жасау әдістерін меңгерту.Өмірде қажеттілігін түсіндіру, мағлұмат беру.

Дамытушылық: оқушының шеберлігін, ой-қиялын дамыту.

Тәрбиелік: өнерге деген сүйіспеншілігін ояту, өз бетімен жұмыс істеуге қабілетін арттыру.

Сабақтың түрі: панорамалық сабақ

Сабақтың әдісі: СТО технологиялары, аралас, сарамандық.

Пәнаралық байланыс: бейнелеу, сызу, тарих, география.

Көрнекті құралдар: дайын бұйымдар, суреттер, бойтұмар сувенирін үлгілеудің нұсқау картасы.

Құрал-жабдықтар: түрлі-түсті киіз қиындылары, кесте жіптері, қайшы,ине, қарындаш,бор, сабын.

Сабақтың барысы:

1. Қызығушылықты ояту кезеңі (3-5 мин) «Ассоциация» әдісі мен оқушылардың бұрынғы білетін мен жаңа білімді ұштастыру.

Мұғалім:

Оқушылар, «бойтұмар» дегенде қандай ой туады,не білесіңдер? Соның барлығын сол сөздің жанжағына жазыңдар.

Оқушылар жинақтаған ассоциацияларын топта талқылайды, түсіндіреді.

2. Мағынаны тану кезеңі (5-10мин) «Түртіп алып оқыту» әдісімен жаңа тақырыпты түсіндіру.

Мұғалім оқушыларға «Бойтұмар» атты мақаланы таратады. Мұғалім: «Мақаланы оқып болған соң мына төмендегі тапсырманы жасаңыздар»-деп түсіндіреді:

-не туралы оқығаныңызды бір сәт ойлап елестетіңіз.

-ойлап болған соң тізімін жасап,жазыңыз. Мақаланы оқығанда мынандай белгілер қойып оқыңыз және кестені толтырыңыз:

v-ойлағанымды растайды (қолдайды)

+-жаңа ақпарат

• - менің ойлағаныма кері.

?-маған жұмбақ дүние.

Бойтұмар.

Халық тұжырымында «көз тию», яғни «кінәрат» деген түсінік кең таралған және халық оған сенеді. Жақсы атқа да, жас балаға да, сүтті сиырға да көз тиеді деп ойлайды. Сондықтан да әр түрлі жын, шайтан және көз тиюден сақтану үшін тұмар тағады.Тұмар негізінен теріден не матадан істеліп,арсына Құран сүресінен аяттар жазылған.Кейде зергерлер әшекейлеп темірден, күмістен құты жасаған.Исламға дейін тұмардың ішіне тұз, пияз,жыланның терісі,иттің, аюдың т.б. жүнін салған. Үкінің қауырсыны да тұмардың рөлін ойнаған.үйге кірерде көз тимесін деп, көз түсетін жерге айна қойған.Сондай-ақ, пышақ, мылтық,орақ, қайшы, т.б. тұмарды алмастырған.

Тілден, көзден әр түрлі бәлекеттерден сақтайтын тұмардың түрі көп болып, бірі ауруға тағылса, бірі әйелдерге, бірі қыздарға, енді бірі жас балаларға тағылған, сол секілді тұмар мал-жануарларға да тағылған.

Қазіргі кезде де тұмар өз міндетін жоғалтпай ұлттық сыйлықтық, сувенир, декорация қатарына енеді. Пайдаланылатын шикізатына байланысты және көркем шығармашылық жағынан неше түрлі болып келеді.

Н.Өсеров.

V

+

-

?

Көз тимесін деп тағады

Пышақ, мылтық,орақ, қайшы

Әр түрлі жын, шайтаннан сақтану үшін тұмар тағады

Үйге кірерде көз тимесін деп, көз түсетін жерге айна қойған.

Оқушылар жазған ойлар төңірегінде жалпы топпен ой қозғау салып талқылайды. Келіскен жерлерін анықтайды, келіспейтін мәселелерді талқылайды және және осы мақалаға осы шешім жеткілікті екендігін немесе басқа ақпараттар қажеттілігін белгілеп сұрауға әзірленеді.

Практикалық жұмыс.

«Раунд-Робин» әдісімен қауіпсіздік ережені еске түсіру.

Айгүл:

Қайшы үшкір ұшымен жолдасына бермейді.

Құралай:

Инені киімге қыстыруға болмайды.

Асел:

Инені тістеп ауызға салуға болмайды.т.б.

Киізден бойтұмар жасау жолдары

Мұғалім:

Бүгінгі сабақта киізден бойтұмар жасау әдісімен танысамыз. Бойтұмарды тігуге кіріспес бұрын, біріншіден, оның көркем жобасын немесе эскизін жасау керек. Бұл кезең (5-8 мин) «Еркін жазу» әдісімен оқушылар жаңа тақырып жайлы, одан алған әсерін, не үйренгенін, нені әлі білу керек екенін т.б. жайлы өз пікірін қағаз бетіне түсіреді. Жазғандарын топ мүшелеріне таныстырады.

Киізден бойтұмар үлгілеудің нұсқау картасы.

р/с

Жұмыстың тәртібі

Сызбасы

Құрал-жабдықтар

1

Қағаз бетіне бойтұмардың жалпы суретін (эскизін) салу

Қарындаш, фломастер, альбом,

сызғыш,

өшіргіш

2

Бойтұмардың бөлшектерін қағаз бетіне түсіріп лекало дайындау. Оларды киіз бетіне орналастырып қиып алу

қағаз,

қарындаш,

қайшы,

киіз,

бор

3

Бөлшектерді безендіру; ою-өрнекті, жазуды кестелеп тігу, моншақты қадау жұмыстарын орындау

Түрлі-түсті мулине жіптер, моншақ, киіз, ине, қайшы

4

Бөлшектерді біріктіру.

Тігін жіптер, ине, қайшы