Ашық сабақ Шебер қолдар Жалпы еңбекке дайындық

Сабақтың тақырыбы:Шебер қолдар

Сабақтың мақсаты: Қолөнер ерекшеліктері туралы оқушыларға түсінік беріп, іскерлік пен шеберлікке баулу.

Түзеу әрекеті: Өнер туралы сөздік қорын байыту, мақал-мәтелдерді жатқа айту.

Сабақтың түрі: сайыс сабақ

Көрнекілік: слайд

Құрал- жабдықтар: шеге, балға, рейка,ара, сызғыш, карандаш, бұрыштама

Сабақтың барысы:

1. Мұғалімнің кіріспе сөзі

«Өнер таусылмас азық,байлық» дейді ғой халық даналығы.Қазақтың қолөнері шын мәнінде халқымыздың ғасырлар талғамынан өткен асыл қазынасы. Бүгін біз «Шебер қолдар»атты ашық сабағымызды ұсынғалы отырмыз. Бұл сайыс 7 сыныптар арасында өтеді. Әр топта 3 оқушыдан, әр сынып бір музыкалық номер дайындайды.

2. Таныстыру

Әр топ өздерін тақпақпен таныстырады. (девиз, команда аты, эмблема)

3. Викториналық сұрақтар

Еңбек сабағынан сұрақтар қойылады.

1- сұрақ Оқушының жұмыс орны

2- сұрақ Өңдеу жұмысына қатысты өлшеуіш құралдар

3- сұрақ. Ағаш өңдеуге арналған құралдар

4- сұрақ. Тескіш аспаптарының түрлері

5- сұрақ. Металдар қандай топтарға бөлінеді

6- сұрақ. Металдардың қасиетін ата

7- сұрақ. Ағаш желімдерінің түрлері

8- сұрақ. Электр зақымдалудан сақтану

9- сұрақ. Өрт қауіпсіздігіне арналған құрал -саймандар

10- сұрақ. Ағаш діңінен алынатын материалдар

4. Практикалық жұмыс

Шеге қағу

1 минут аралығында шегені берілген түзу сызық бойымен қағу. Бұл сайыста әр топқа белгіленген сызығы бар рейка беріледі. Оқушылар сол сызық бойымен әрбіреуі бір шегеден майыстырмай сызық бойымен қағып рейканың астындағы сызықтан түзу шығару керек.

Әр топ оқушылары бұл сайыста өздерінің шеберліктерін көрсетіп, сайыс ережесін дұрыс орындап шықты.

5. Мен кім боламын?

Оқушы бір мамандықты таңдап, оны қорғап шығуы керек. Бұл сайыста әр топтан бір оқушы шығып өзінің қандай мамандықты сүйетінін және ол мамандықты не үшін жақсы көретінін, ол біздің қоғамға қандай пайда келтіретінін айтып, қорғап шықты.

6. Кроссворд шешу

Кроссворд слайд арқылы көрсетіледі.

Еңбек сабағында пайдаланылатын құрал- саймандарға байланысты құрастырылған кроссвордты шешу. Бұл сайыста әр топқа шешуі бірдей кроссворд беріледі. Әр топ өздерінің сабақтан алған білімдерін қолдана отырып, осы кроссвордты толық шешіп шықты.

7. Өнер туралы мақал- мәтелдер.

Мұғалім: ал, енді балалар мақал- мәтелдер жарысын ұйымдастырайық.

1. Ақыл көпке жеткізер

Өнер көкке жеткізер

2. Өнерлі өрге жүзеді

3. Өнерлінің қолы алтын

Өлеңшінің сөзі алтын

4.Жігіттің түсін айтпа, ісін айт

5.Өнерлінің өзегі талмас

6. Кедеймін деп қысылма,

Өнерің болса қолыңда

Өнерлінің ырысы -

Жарқырап жатыр жолында

Мұғалім: Балалар өнер туралы мақал- мәтелдер көп біледі екенсіңдер. Өнерді қастерлеп, өзіміз үйреніп, әрі дамыту біздің міндетіміз.

8. Еңбек сабағында халықтық мұраларды пайдалану

Балалар, қазір біз ата-бабаларымыз пайдаланған ыдыс атауларын еске түсірейік.Әр топқа жеке тапсырма беріледі:

І топ. Ағаштан жасалған ыдыс атаулары

ІІ топ. Металдан жасалған ыдыс атаулары

ІІІ топ. Теріден жасалған ыдыс атаулары

9. Шебер қолдар (ағаш кесу)

Ағашты берілген өлшемі бойынша кесу.Бұл сайыста әр топқа белгіленген өлшемі бар рейкалар беріліп, оны жылдам және өлшемі бойынша кесу керек. Әр топ өздерінің ұқыпты, жақсы жұмыс істей алатынын көрсетті.

10. Қорытынды

Балалар, сабақты тиянақтай келе біз бүгін сендердің шебер, өнер сүйгіш, жұмысты тиянақты істей алатындарыңды көрдік. Өнерді қастерлеп, өздерің үйреніп, әрі дамыту біздің міндетіміз.

Арқалық түзеу мектебі КММ

Тақырыбы: «Шебер қолдар».

Өткізген:Ерназарова М.С.

Сыныбы:7 «А»

2014-2015 оқу жылы.