Үйірме жұмысы арқылы оқушылардың пәнге деген қызығушылықтарын арттыру семинар

ҮЙІРМЕ ЖҰМЫСЫ АРҚЫЛЫ ОҚУШЫЛАРДЫҢ ПӘНГЕ ҚЫЗЫҒУШЫЛЫҚТАРЫН АРТТЫРУ

Қазіргі уақытта білім беру қызметкерлерінің алдында тұрған басты мақсат-еліміздегі білім беруді халықаралық деңгейге көтеру және білім сапасын көтеру, жеке тұлғаны қалыптастыру, қоғам қажеттілігін өтеу, оны әлемдік білім кеңістігіне кіріктіру болмақ. Елбасымыздың өзі: «Келер ұрпақ алдында зор жауапкершілік тұр, оны арқалап жүрген - ұстаздар. Себебі еліміздің болашағы көркейіп, өркениетті елдер қатарына қосылу бүгінгі ұрпақ бейнесімен өлшенеді», деген еді. Олай болса, өркениет өзегі -білім, ғылым, тәрбие десек, бұл мәселеге өз үлесімді қосуым қажет деп ойлаймын. Мектеп табалдырығын аттаған әр бүлдіршін-ол ертеңгі қоғам мүшесі, болашақ иесі. Жас ұрпаққа саналы тәрбие, сапалы білім беру-бүгінгі күннің өзекті мәселесі екенін қоғамның қазіргі даму кезеңінде болып жатқан әлеуметтік-саяси және жаңа технологиялық өзгерістер, тәрбие мен білім беру жүйелерінің ісін жаңа сатыға көтеру үшін білім саласында жаңа, тиімді әдіс-тәсілдерді қолдану қажеттілігі туындап отыр.

Оқушыларды заманына қарай икемдеп, өз заманының озық өнегесін оның

санасына сіңіре білу, оларды шығармашылық бағытта жан-жақты дамыту-бүгінгі күннің басты талабы.

Мектептегі барлық пәндерді оқытуда, яғни оқушыларға білім беруде әр пәннің өзіндік бір ерекшелігі бар. Дүниетану пәнін оқытуда оқушы үшін сарамандық жұмыстың маңызы зор. Себебі, ғалымдардың зерттеуі бойынша оқушылардың алған ақпаратты сақтауының орташа пайызында тәжірибе кезінде ғана 75% оқушының есінде сақталады.

Олар алған мәліметтерді өмірмен байланыстыра отырып, сыни тұрғыда ойлана қарап, бір-біріне сұрақтар қойып, берілген тапсырмаларды өздері талқылайды. Оқушыларға ойланып-толғануға, ойын ашық айтып, әр түрлі идеялар мен пікірлерді қабылдап, оқу үрдісіндегі белсенділіктерін арттырады. Менімше, әрбір сабақты тиімді ұйымдастырып,оны оқушылар зерікпейтіндей етіп өткізу керек. Оқушының сол уақытта ғана пәнге деген қызығушылығы артып, тіпті нашар оқитын оқушының бойында да бір қозғалыс болатынын байқадым. Өз әдістерімде қосымша әдебиеттерді, жаңа ақпараттық технологияларды, әлем журналдарын, интернет ақпараттарын кең пайдаланамын. «Еңбектен аянбасаң, еңбегің жанады» деп ата-бабаларымыздың нақыл сөздерін жерге тастамай, бағалауға оқушылардың сезіміне сіңіру, оқушыны табысқа жеткізу мұғалімнің еңбегі.

Дүниетану пәнін оқытуда оқушы үшін сарамандық жұмыстың маңызы зор екенін байқағандықтан алдағы уақытта балалардың табиғатпен араласуы үшін мектеп қарамағында жас зоологтар үйірмесін ұйымдастыру қажет екенін білдім. Жас зоологтар үйірмесі оқушылардың қызығушылығы арқылы білім деңгейін жетілдіреді. Жас зоологтар үйірмесі бір жылда ұйымдастырылмайды. Тірі табиғат жүйесінде жеке бөлме бөлінгені дұрыс. Өйткені, онда оқушылардың бақылауы мен тәжірибелер жасауына қажетті материалдар болуы керек. Жас зоологтар үйірмесінде жануарларды қоршаған ортамен өзара қарым-қатынасына зор көңіл бөлінеді. Әрбір жануарларды зерттеу кезінде оның қандай ортада мекендейтінін, тіршілік әрекетін анықтайды. Мектепте оқылатын жануарлардың көпшілігі суда тіршілік етеді.

«Үйірме» деген сөздің өзі оқушылардың өздігінен орындайтын іс-әрекеті екенін көрсетіп тұр емес пе? Оның мақсаты-оқушылардың білімін тереңдету, қабілетін дамыту, шығармашылық қызығушылықтары мен бейімділіктерін қанағаттандыру, қоғамдық пайдалы еңбекке араластыру, демалысын осы зоологтар үйірмесінде өткізу.

Мұндағы табыстары оларға қызығушылық туғызып, біліктілікке, өз еркімен жануарларды күтуіне, өз-өзіне сенімділігін арттырады.

Қорыта келе айтарым: мұғалім жаңа технологияны тиімді меңгергенде өзінің интеллектуалдық, кәсіби, адами, рухани дамуына көз жеткізеді. Ал оқу үдерісінде жаңа технологияларды қолдану заман талабы. Биология пәнін оқытуды инновациялық технологиялар арқылы тиімді ұйымдастыру-білім сапасын арттыруға, оқушының қызығушылық, ізденушілік, зерттеушілік, ойлау қабілеттерін жетілдіре түсуіне жақсы әсерін тигізеді. Қай жұмыстың да өз қиыншылығы кездесіп жатады. Бүгінде сол қиыншылықтардың шешімін тауып, шәкірттің толық білім алуына барынша мүмкіндіктер жасалып жатыр. Барлық ұстаз мақсаты бір - ол әр мақсатына жеткен сабағы. Сол мақсатқа жету үшін де ұстаз көп дайындалып, көп біліп, көп ізденуіне тура келеді. «Алдыңа ұлы мақсат қойсаң ұлылыққа жетесің» деп данышпан ақындарымыз айтпақшы, барлығымыз бірге күш жұмсап, елертеңіне сеніммен қарасақ ғана алдымызда тұрған көптеген қиыншылықтардан қиналмай өтеміз деген ойдамын.