Технология сабағы тақырыбы: Сұлба бойынша бастыру технологиясы (5 сынып)

Технология 5 сынып

Сабақтың тақырыбы: Сұлба бойынша бастыру технологиясы

Сабақтың мақсаты: Оқушыларға сұлба бойынша ПВХ-ны көркемдеп бастыру әдістерін меңгерту.

Дамытушылық: Оқушылардың қол икемділігін, іскерлігін, шеберлігін қалыптастыру, ұқыптылыққа, эстетикалық талғамға сай бұйымды жасауды үйрету.

Тәрбиелік: Оқушыларды үнемділікке, тиянақтылыққа, көркемдеп бастыра білуге тәрбиелеу.

Сабақтың әдісі: түсіндіру, көрсету, практикалық жұмыс .

Сабақтың көрнекілігі: оқулық, дайын бұйымдар,пышақ түрлері, дайын тақтайшалар, нұсқалар, плакаттар, қауіпсіздік ережелері.

Қажетті құрал-жабдықтар:қарындаш, сызғыш,ПВХ материалдары, қаламсап, қағаз, қиылған шаблон үлгісі т.б.

Сабақтың барысы:

Ұйымдастыру кезеңі

а) Оқушылармен сәлемдесу

ә) Сабаққа дайындығын қадағалап, қажетті құрал - жабдықтарын тексеру.

б) Қауіпсіздік ережелерін тексеру.

Жаңа сабақты түсіндіру

Оқушылар, жер жүзіндегі барлық халықтарда ою-өрнек өнері көне замандарда қалыптасып, дамып, бүгінгі күндерге дейін өз қасиетін жоғалтпай,ірі мәдениет үлгісі ретінде жақсы сақталған.Халық арасындағы шеберлер ою арқылы сәулетті ғимараттар мен қару-жарақты, т.б. толып жатқан тұрмыста тұтынатын, бұйымдарды мәнерлеп, әшекейлеп отырған.Ою сөзі латынның ornamentum (орнамент) деген мағынаны білдіреді. Балалар, бүгінгі сабағымызда ағашты оюдың және ағаштардан жасалған бұйымдарды көркемдеп өңдеудің алуан түрлі жасалу жолдарын іс жүзінде жасауды үйренеміз.Ағаш шеберлері ағаштың ерекшеліктерін, әр ағашқа тән қасиеттерін жақсы білуі шарт.Ағаштың:қаттылығы,салмағы,тығыздығы,иілгіштігі,түсі т.б. Ою дегеніміз - бұйымға түсірілген өрнекті пышақпен кесу арқылы өңдеу немесе бұйымды шабу кезіндегі ойып өңдеу жұмыстары.

Бедерлеп ою деп тегіс тақтаның бетіне өрнек салуды, шығыңқы етіп жасауды айтады.

Жұмырлап оюда ағаштан тұтас шабылатын келі, келсап, аяқ табақ, ожау сияқты бұйымдарды жасауды айтады. Өрнекті оюдың бірнеше тәсілі бар. Соның бірі - геометриялық бейнедегі өрнек. Мұндай өрнек ағаш бетінде геометриялық сурет салу арқылы жасалады.

Геометриялық оюлар - ағаш оюдың кең тараған және ежелден келе жатқан түрі . Үшбұрыш, шаршы, дөңгелек пішінді геометриялық фигуралардан тұратын өрнектер екі, үш және төрт қырлы ойықтар түрінде орындалады .

1-сурет. Геометриялық резьбалардың базалық элементтері: а-екі қырлы; б-үш қырлы; в-төрт қырлы; г-қисық сызықты түрінде.

Геометриялық оюлардың элементтері.

Геометриялық оюлар пышақ, қиғаш жүзді және жартылай дөңгелек қашаулармен орындалатын бірнеше негізгі элементтерден құралған әр түрлі комбинациядан тұрады. Геометриялық оюлардағы ең қарапайым элементтер тереңдігі мен ені әр түрлі, түзу және қисық сызықты екі қырлы ойықтар. Геометриялық оюда пішіні, өлшемі және орындалу техникасы әр түрлі үш қырлы ойықтар ( үшбұрыш ) көбірек таралған .

22-сурет.Геометриялық оюлардың техникалық орындалуы.

2Екінші тәсіл - өрнекті салғанда, оның ізін пышақпен тіліп, өрнектің жиектерін көлбеулей жұқалап жонып алады.

Өрнекті тақтай бетіне көшірудің әдістері:

• Өрнекті тақтай бетінің бір шетінен бастап салу әдісі ;

• Өрнекті тақтай бетіне ортасынан бастап салу әдісі ;

• Тақтайдың бетіне өрнекті тізбектей салу әдісі .

Геометриялық үш қырлы ойық өрнекті орындау технологиясы :

• а)Тең бүйірлі үшбұрыштардан құралған өрнектің төбесін ойықтың түбіне қарата ою ;

• б)Шаршы ішіндегі тең қабырғалы үшбұрыштардың төбелерін ойықтың ортасына қарай тереңдете ою ;

• в)Тең қабырғалы үшбұрыштардың табандарын батыра ою .

ПВХ-ны ою арқылы бұйым жасау үшін :

1. Ең алдымен ою үлгісін қағазға салып алып қияды ;

2. Үлгіні ПВХ-ның бетіне көшіреді ;

3. Тақтаға қарындаштың ізін қуалап , пышақтың жүзімен өрнекті түсіру үшін ішке қарай нығырлап тартып оюды ;

4. Екінші көмекші қолың пышақ жүзінің кері бағытында болады ;

5. Дайын өрнекті , бұйымды тазалау, әрлеу .

Оқушылар ақ қағазға геометриялық ою-өрнектердің түрлі үлгілерін сызып, қию әдістерін орындайды.

Оқушы ПВХ-ға қарындашпен белгі түсіріліп, ойылатын жердің бойымен сызықтар жүргізіліп, ою пышағымен кертіп ойылады, әрлеу жұмыстарын жүргізіледі.Жұмыс орындау кезінде қауіпсіздік ережелері қатаң сақталуы қажет.

1. ПВХ-ны қолмен өңдеу кезіндегі қауіпсіздік ережелері

Жұмыс кезінде

1. Дайындаманы жұмысқа әзірлеу.

2. Әр амалды өзіне тиісті сайманмен атқар. Саймандарың қайралған, әрі тұтқасы жарылмаған болсын.

3. Нұсқау карта бойынша әр амалдарды (кесу, жону, тесу, біріктіру т. б.) өзіне тиісті құралдарды пайдаланып атқар.

4. Жұмыс орныңды әрдайым тазалап отыр.

5. Жұмыс кезінде алаңдама.

6. Құрал - сайманың бүлінсе міндетті түрде ауыстырып ал.

Жұмыстан кейін

1. Жасап жатқан бұйымыңды, материалдарды кезекшіге немесе мұғалімге тапсыр.

2. Жұмыс орныңды ретке келтір. Қолмен сыпыруға, ауызбен үрлеуге болмайды.

3. Өзіңді ретке келтір.

4. Шеберханадан мұғалімнің рұқсатымен шық.

Машықтық жұмыс. Сұрақ - жауап алу

• Бүгін қыс мезгілінің соңғы күні. Ертең өлкемізде көктем мезгілі басталады. Олай болса, көктемнің алғашқы айы наурыз айында қандай мерекелерді атай аласыңдар?

• 1 наурыз Алғыс айту күні, 8 наурыз Халықаралық аналар күні, 14 наурыз Көріс күні, 22 наурыз Ұлыстың ұлы күні. ( оқушылар жауабы)

Олай болса, 8 наурыз аналар күніне арнап аналарымызға сыйлық дайындайық.

Мұғалім түсіндірмесі.

1. ПВХ-ны өлшем бойынша кесіп алу керек.

2. Өлшем бойынша кесілген дайындаманы қаптау.

3. Суретті бастыру.

1. 1. Әшекейлеу.

2. Желімді пайдалану арқылы дайын жұмысты құрастыру.

Жұмыстарын бағалау.