Сабақ жіппен бейнелеу 5-сынып

«Жіппен бейнелеу»

Сабақтың типі: аралас сабақ.

Білімділік мақсаты: жіппен бейнелеу туралы түсінік беру.Жіппен бейнелеуді үйрету. Затына, өлшеміне қарай жіп түрлерін сәйкес ажыратып, таңдай білуге үйрету.

Дамытушылық мақсаты: өнер туындыларын эстетикалық талғаммен қабылдау қабілеттілігін дамыту. Оқушылардың ойлау қабілеттерін және шебер шеберліктерін дамыту.

Тәрбиелік мақсаты: шеберліктерін шыңдау, төзімділікке тәрбиелеу.

Көрнекіліктер: 1. Панно- жіппен бейнелеу. 2.Жіппен бейнеленген әр-түрлі суреттер.

Сабақтың құрылымы:

1.Ұйымдастыру.

2.Үй тапсырмасын тексеру.

3.Жаңа сабаққа дайындық.

4. Жаңа сабақ.

1.Ұйымдастыру.

Сабаққа керекті құрал-жабдықтарды түгендеу.

2.Үй тапсырмасын тексеру.

Мұғалім: - Үйге тапсырма берілді.

Оқушы: - Жіппен торлау және оны әртүрлі пішінге келтіріп келу. Осы жасаған бұйымдарына ертегі, әңгіме құру.

Кезекші оқушы ойыншықтарды жинап тақтаға іледі.

Ойыншықтың әрқайсысына жеке-жеке тоқталып, салыстыру арқылы, оқушылардың өздеріне бағалату.

3. Жаңа сабаққа дайындық.

Сөзжұмбақ шешу.Жіппен бейнелеу деген сөз шықты. Ендеше, жаңа сабағымыздың тақырыбы: жіппен бейнелеу.

Бүгін инемен жұмыс істейміз, сондықтан инемен жұмыс кезіндегі қауіпсіздік ережесін еске түсіру.

Сұрақтар қою:

1.Тұрмысымызда жіп не үшін керек?

2. Жіптің түрлерін ата?

Қазір қолдарындағы дөңгелектің ішін жіппен толтырып бейнелейміз. Оқушылардың назарын тақтаға аудару.

Жіппен өрнектелген панноны көрсету. Осы бейнелеу қалай жасалатынын қарастыру. Тігіп көрсету.

Оқушыларға түсіндіре отырып, проблемалық ой туғызу. Дөңгелектің үстіндегі жіп айқасып түседі, ал асты айқаса ма?

Егер жіпті түзу түсірсек, онда ортасындағы ашық жер қандай болады? Оқушылардың жауабы: -Егер жіпті түзу түсірсек, дөңгелектің ортасы жабылып қалады.

Мұғалім: -Сондықтан, жіпті қиғаш түсіреміз.Тігіп көрсету.

Бекіту: Сарамандық жұмыс жүргізу. Жеке оқушыларға көмек көрсету, қателерін түзету. Жұптық жұмыс жүргізу.

Қорытындылау: -Бүгін сабақта не үйрендік. Жіппен бейнелеу немесе торлау.

Мұғалім: -Жақсы. Ендеше, бүгін сабақта не үйрендік.

Оқушы: -Жіппен дөңгелектің ішін торлап, бейнелеп үйрендік.

Мұғалім: -Егер тігісті немесе жіпті ұзын алсақ, ортасындағы ашық жер қандай болады?

Оқушы: -Ортасындағы ашық жер болмайды.

Мұғалім: -Ал, жіпті қиғаш түсірсек ше?

Оқушы: -Жіпті қиғаш түсірсек, ортасындағы ашық жер үлкен, әдемі болады.

Сондықтан, тігісті қиғаш түсіріп тігеміз.

7.Бағалау. Жасалған паннондарды, кезекшілер жинап әкеледі, тақтаға іледі. Оқушылар салыстыра отырып, өздері бағалайды.

8.Үйге тапсырма. Екі дөңгелекті біріктіріп, сегіз цифрын бейнелеп келесіңдер.