План урока Жиһаз фурнитурасын алмастыру

Сабақтың тақырыбы : Жиһаз фурнитурасын алмастыру

Сабақтың мақсаты : Жиһаздық фурнитураны алмастыру арқылы сарамандық дағдыларды қалыптастыру

Жұмысқа қажетті материалдар : Жиһаздық фурнитураның нұсқалары ( құлыптар , сұқпа , кілттер , ілмектер , ілгектер , магнитті ілгіштер т.б.), бұрандалы бекіткіштер , балға , бұрауыш , тығындар , қол бұрғысы , бұрандалар т.б.

Жұмыстың орындалу реті :

1. Босаңсыған жиһаздық фурнитураны алмастыру .

2. Магнитті ілгішектерді орнату .

3. Жиһаздық фурнитураны орнату .

Сабақ барысы :

Ұзақ уақыт пайдаланғаннан кейін жиһаздық фурнитуралардың бұрандалы бекіткіштері босаңсиды .Бұл жағдайда оларды көлемі ірілеу бұрандалы бекіткіштермен алмастырады . Егер оның жағдайы болмаса , онда тесіктерге ағаш өзекшілерін қағады , солардың әрқайсысына қолданылған бұрандалы бекіткіштермен бұрайды .

Жиһаздық түйме - тұтқалары бұрандалар арқылы бекітіледі . Керек жағдайда олардың түбіндегі тесіктерді қол бұрғысымен бұрғылайды .

Фурнитура элементтерін жаңа орынға қондырудан бұрын олардың негізгі орын дәл анықтау қажет . Бұрандалы бекіткіштердің орнын бізбен теседі . Мысалы , магниттік ілгішекті былай орнатады. Ең алдымен жапсырманың негізгі орнын анықтайды .

Бекіту орнын бізбен белгілейді . Одан соң диаметрі кіші бұрғымен бекіту орнын бұрғылайды . Мұндағы мақсат - бұранданың бұралымен жеңілдету және оны тгелімен ағашқа кіргізу . Содан соң жапсырманы бекітеді . Корпусты есікпен біріктіру үшін есікті жапқан кезде жапсырмамен түйісетіндей ету керек . Ілгешектің корпусында бұрандаға арналған сопақша тесіктер бар .

Қорытындылау кезеңі .

Сұрақтар :

1. Магнитті ілгішектің жүйелі орнатылуын айтыңдар .

2. Жиһаздық фурнитураның бекітпе элементтері босап кетсе , оны қалай бекітуге болады ?

Ескерту :

Жиһаз фурнитурасының кейбір элементтерін таңдап алып , оны қалай орнатудың жобасын қарастырыңдар .

Материалды бекіту , үйге тапсырманы беру , баға қою .