Киім және оған қойылатын талаптар

Сабақтың тақырыбы: Киім және оған қойылатын талаптар.

Сабақтың мақсаты:

• Мақсатты пайдаланылуына қарай киім түрлерін айыра білуге, оларға қойылатын талаптарды білуге үйрету;

• Ойлау, есте сақтау қабілеттерін дамыту;

• Ұқыптылыққа, тазалыққа тәрбиелеу.

Сабақтың түрі: жаңа сабақ, түсіндірме.

Сабақ барысы:

І. Ұйымдастыру.

Оқушылардың сабаққа дайындықтарын тексеру, назарларын сабаққа аудару.

ІІ. Жаңа сабақ.

Киім адамды ауа райының қолайсыз жағдайларынан қорғайды. Киім денеге қонымды және әдемі болуы керек. Сонымен қатар адам өзін сенімді және ыңғайлы сезінуі керек. Мұның бәрі киім жобалауда ескеріледі.

Жобалау - бұл бұйымның жаңа үлгісін жасау. әртүрлі жағдайларға арналған киімдерді жобалауда эстетикалық, гигиеналық, эксплуатациялық (белгілі мақсатта пайдалану) талаптар қойылады.

Киімді мақсатты пайдалануына қарай тұрмыстық (күнделікті, салтанатты, үйде киетін, спорттық, ұлттық) және өндірістік (арнайы, санитарлық, нысанды киім) деп бөлінеді.

Өндірістік киімдерді жобалауға дәрігерлер, гигиенистер, физиологтар, суретші - модельер, дизайнерлер, конструкторлар, ғалымдар, тоқыма және тігін өнеркәсібі технологтары қатысады.

Сипатына қарай өндірістік киімдер мынадай болуы мүмкін:

• Арнайы - адамды қоршаған ортаның қолайсыз жағдайларынан қорғауға арналған;

• Жалпы - әртүрлі лас заттардан адамның денесін қорғауға арналған;

• Санитарлық - шикізат, өнім, азық - түлік, керек - жарақтарды тұрмыстық заттардан, адам денесінен оқшаулау.

Тігін киімдерін конструкциялау дегеніміз - бұл киім бөлшектерінің сызба құрылымын жасау.

Конструкциялық жұмыстарды орындау үшін масштабтық сызғыш (М1:4), 30-40 см-лік сызғыш, қалам, сызба тікбұрыштары, т.б. болуы керек.

ІІІ. Сарамандық жұмыс.

Оқушыларға әртүрлі мақсатта қолданылатын киім үлгілерінің суреттері беріледі. Оларды қай түрге жататынын анықтау керек.

ІҮ. Ойын - жаттығу.

Топтастыру.

Күнделікті

Салтанатты

Үйде киетін

Спорттық

Ұлттық

Арнайы

Санитарлық

Орамал

Алжапқыш

Трико

Халат

Футболка

Сәукеле

Кешкі көйлек

Ү. Қорытынды.

Оқушылардың жұмыстарын тексеру, бағалау.

Жұмыс орнын жинастыру.