- Преподавателю
- Социальному педагогу
- Сайыс, Күз-береке шуағы
Сайыс, Күз-береке шуағы
Раздел | Социальному педагогу |
Класс | - |
Тип | Другие методич. материалы |
Автор | Базарбаева А.А. |
Дата | 16.02.2016 |
Формат | docx |
Изображения | Нет |
Сайыстың тақырыбы : Күз - береке шуағы
Сайыстың мақсаты: Оқушыларды табиғатты аялауға баулу , өз бетінше еңбектенуге, күз туралы шығармаларды ізденіп оқуға , әсемдік ке тәрбиелеу.
Сайыстың көрнекілігі : Әр топтың газеттері, даналық сөздер, жеміс -жидектер, түрлі безендірулер.
1 - Жүргізуші :
Алтын күз сізбен бізге шуақ шашсын,
Көңілдің серіппелі күйін ашсын .
Бақпенен шаттық бірге қатар қонып,
Береке бірлікпенен ортақтассын.
2 - Жүргізуші:
Табиғатты бабамыз ала берген секілді,
Дархандықты қазаққа дала берген секілді,
Еркелікті , ерлікті желден алған секілді,
Мөлдірлікті көгілдір көлден алған секілді - деп Қ. Мырзалиев ағамыз жырлағандай бүгінгі сайысымызды табиғатты аялау , табиғат сұлулығын сақтау , күзгі ас мәзірін дайындау, күз шығармаларын жырлаумен ұштастырсақ қандай ғажап!
Бишілер тобы Өзбек биін орындайды
Жүргізуші : Енді бүгінгі сайысымыздың бағдарламасымен
таныстырып өтейін.
-
Әр топтың таныстыруы.
-
Таң қалмаңыз.
-
Би өнері.
-
Ақын , жазушыларымыздың күз туралы шығармаларын бейнелеу.
-
Күзгі киім үлгілері.
-
Күзгі ас мәзірі.
-
Өз өнерлерін көрсету.
2 - жүргізуші: Бәрімізге қашанда таныс ғұрып,
Сәнімен өнерімен жарып шығып.
Шығады сайыскерлер алдарыңа.
Өздерін жұртшылықпен таныстырып.
1- Жүргізуші: Сайысымыздың 1- туры бойынша ортаға сайыскерлерімізді шақырамыз.
Салқындады суытты күнде міне,
Азайды әсем құстар үндері де.
Кімдер тапқыр епті екен көрейікші,
Кезек келді таңқалдыру тұрлеріне.
2 - Жүргізуші : 2- тур бойынша сайыскерлерімізді ортаға шақырамыз.
Табиғаттың ең бір әсем кезі еді,
Алтын күз де сұлулықты сезеді.
Сайыскерлер тербеледі әуенмен,
Қалықтаған бидің келді кезегі.
дей келе, сайыскерлерімізді 2- тур бойынша сахна төріне шақырамыз.
Өздеріңді ақындарға теңермедім,
Көрейік сайыскерлер өнерлерін.
Көрсетеді бейнелеп сайыскерлер ,
Ақындардың шығарма , өлеңдерін.
Енді ақын -жазушыларымыздың күз жайындағы шығармаларын бейнелеп көрсетеді
1 - Жүргізуші:
Сеземіз табиғаттың күзгі лебін,
Көрсетіп әсемдіктің шексіз легін.
Сайыскерлер шығады алдарыңа,
Көрсетіп күзгі киім үлгілерін
Әдемі де, әсем талғаммен тігілген киім үлгілерін көрсету үшін сайыскерлерімізді ортаға шақырамыз.
/Қазақ биі -орындайтын: жас бишілер тобы./
2 - Жүргізуші: Шын талант сахнаны көркі етеді,
Халқына қадірлісін ерке етеді.
Сайыскерлер енді міне алдымызда,
Өздерінің өнерлерін көрсетеді.
Өз өнерлерін көрсетуге сайыскерлерімізді қарсы алайық!
/Ойылым ойдағы елім әні орындалады./
Бүгінгі сайысымызды қорытындылау үшін сахна төріне қазылар алқасын шақырамыз.
1 - Жүргізуші
Қашанда қуанышқа толыңыздар,
Өнерде әлі талай жолымыз бар,
Осымен сайысымыз аяқталды,
Кездескенше есен сау болыңыздар!