Жақсылық жерде қалмайды Баяндама

«Жақсылық жерде қалмайды».

Жақынды, досты, аяла,

Қанатың сонда талмайды.

Барыңды жұрттан аяма

Жақсылық жерде қалмайды.

Жайдары жүзбен жарқыра,

Қатыгез болсаң сол қайғы.

Қайырымды бол халқыңа

Жақсылық жерде қалмайды.

Адамзат баласының өзіне және өзгелерге жасаған жақсылығынан кейінгі ұрпқа өнеге-үлгі, ғибрат алады. Қоршаған ортаға, айналаңдағы адамдарға мейірімділікпен қарап, қолыңнан келгенше көмек көрсете алу адамшылықтың белгісі. Жүзінде нұр ойнаған, пейілі кең, жылы жүректі адам әрқашан жақсылыққа жол таба біледі. Кешірімділік, сыпайылық, сезімталдық жақсы адамға ғана жолдас болады. Ізеттілік пен инабаттылық та жақсы адамға тән қасиет. Жақсы ниетпен айтылған бір ауыз сөз жүрегіңді тебірентіп, жаныңды жадыратады. «Жақсының жақсылығын айт, нұры тасысын» деген даналық сөздің мәні де осында. Жасампаздық жарасымы да осындай ізгі істерден туындайды.

Әр адам А.Шамкенов.

Әр адамға барлау жасап күнімен,

Ой шарлайды, ой мен бірге жүгірем.

Әр адамның өмірі бір хикая,

Әр адамның жүрегіне үңілем.

Бар мейірін бүкпей тура қараған,

Маған түрлі ой салады әр адам.

Гүл тәрізді күнге бойлап өсетін,

Әр адамның көзінен нұр, нәр алам.

Әр адамнан байқаймын мен бір ізді,

Қай із болсын, өзінші ол маңызды

Жақсы-үлгі, жаманы сақ жүргізер,

Әр адам маған бір-бір мектеп тәрізді.

ізгілік, мейірімділік,

сыпайылық, көпшілдік

Жақсылық жылы лебіз, ізгі ниет,

ізгілік әдеттері

адал ниет, игі іс.

Адам өмірі жақсылық нұрын сезіп, ғибратты ғұмыр кешуге бағытталады. Әр адамның өмірлік мақсат-тілегі болады. Аңсаған арманына, көздеген мақсатына қол жеткізу жолында адамдар ізгілік пен адалдықты, ізденіс пен еңбекқорлықты арқау етеді.

Адам баласы өз мақсатына жету үшін осы қасиеттерден басқа қайырымдылық жасай білу керек. Қайырымдылық жасау жомарт адамдардың қолынан келеді.