Статья на тему Ел ертеңі болашақ ұрпақта

Ел ертеңі білімді ұрпақтың қолында

Қоғам дамуының қазіргі жағдайында машина жасаудағы техникалық процестің негізгі факторлары - өндіріс технологиясын жетілдіру, сондай-ақ жаңа құрылымдық материалдарды шығару және кеңінен қолдану болып табылады. Машиналар мен құралдардың құрылымын жасау үшін, тәжірибеде олардың берілген сипаттамалары мен сенімді жұмысын, экономикалық көрсеткіштерді ескере отырып қамтамасыз ету үшін, инженер машина бөлшектерін жасау және оларды жинақтау әдістерін жақсы меңгеруі тиіс. Ол үшін терең техникалық білімді игеруі қажет.

Кез-келген машина, көптеген технологиялық жабдықтар, қондырғылар, приборлар, өңдеу және өлшеу аспаптары мен құралдары негізінен металдан жасалатыны баршаға мәлім. Сол сияқты құрылыс, көлік, ауылшаруашылығы, тау-кен, металлургия, мұнай және газ салаларында металдың көптеп тұтынатыны белгілі.

Колледжде оқытылатын «Металдар технологиясы» деп аталатын пән халық шаруашылығының көптеген салаларында жұмыс істейтін техник-механик мамандарын даярлау процесінде оқытылатын іргелі және жалпы техникалық пәндер қатарына жатады. Аталған пән қара және түсті металдар металлургиясы, ұнтақты металлургия, құю арқылы бұйымдар алу, металдарды қысыммен өңдеу, пісіру қосылыстарын пісірудің әр түрлі әдістермен алу, материалдарды металл кескіш білдіктерде кесіп өңдеу процестерін және т.б. процестерді зерттейді.

Машина бөлшектерін және дайындамаларды өңдеудің және алудың технологиясын, техникалық-экономикалық сипаттамаларын, құрал-сайман жабдықтарын, дайындама құрылымының негізгі технологиялық мәселелерін болашақ мамандарға білу қажет.

Қазақстан Республикасының Президентінің 2007 жылғы 28 ақпандағы «Жаңа әлемдегі жаңа Қазақстан» атты Жолдауында: «Білім беру реформасы табысының басты өлшемі - тиісті білім мен білік алған еліміздің кез келген азаматы әлемнің кез келген елінде қажетке жарайтын маман болатындай деңгейге көтеру болып табылады. Біз бүкіл елімізде әлемдік стандарттар деңгейінде сапалы білім беру қызметіне қол жеткізуге тиістіміз», - деп оқу орындарына үлкен талап қойып отыр.

Қазіргі таңда осы пәнді оқытуға бөлінген сағаттар санының қысқартылуына байланысты машина бөлшектерін жасау, жөндеу жұмыстары, өңдеу және пайдалану ерекшеліктері мен қасиеттерін терең білу болашақ мамандардың біліктілігі, білімі мен дағдысының дұрыс қалыптасуына кедергі жасайды.

2001-2010 жылдарға арналған тілдердің дамуы және қолдануы туралы Мемлекеттік бағдарламада көрсетілгендей қазақ тілінде оқып, білім алатын мамандықтардың саны жыл сайын көбейіп отыруы қажет делінген. Осыған орай техникалық арнайы пәндердің негізін құрайтын «Металдар технологиясы» пәні бойынша қазақ тілінде оқытудың қиыншылықтарының бірі - сол қазақ тілінде оқулық кітаптар, оқу-әдістемелік құралдарының аздығы немесе жоқтығы.

Қазақстан Республикасының Президенті Н.Ә. Назарбаевтың халыққа арнаған Жолдауында «Біздің басты мақсатымыз 2050 жылға қарай мықты мемлекеттің, дамыған экономиканың және жалпыға ортақ еңбектің негізінде берекелі қоғам құру. Бұл үшін елімізде барлық мүмкіндіктер: ресурстар, білімді адамдар, жұдырықтай ұлт бар», - деген.

Қазақстан Президенті қашанда ел ертеңі білімді ұрпақтың қолында екенін айтып, ұдайы білім беру саласын қолдап отырады. Ендігі мақсат - Мемлекет басшысы Жолдауында келтірілген, алдымызға қойылған міндеттерді басшылыққа алып, жұмыс істеуіміз керек. Жаңа бағдарламаны іске асыруда өз үлесімізді қосып, алдыңғы орында болатынымызға сенемін.