Өзін-өзі танудан Сен де бір кірпіш дүниеге. .. тақырыбына қысқа мерзімді жоспар (8-сынып)

Мунайтбасова Куляш Хамитовна Атырау №10 орта мектебі

8-сынып №1 - сабақ Мерзімі 07.09.2015

Сабақтың тақырыбы: Сен де бір кірпіш дүниеге....

Сабақтың мақсаты: Әр адамның өз өмірінің мәнін түсініп, белгілей білуінің маңыздылығы жөнінде ұғымдарын дамыту

Сабақтың міндеттері:

а) адам өмірінің үнемі дамып, өсіп, жетіліп отыратынын ұғындыру;

ә) оқушыларды өзін-өзі басқара алуға, өздігінен іздене білуге тәрбиелеу;

б) оқушыларға адам бойындағы өзіндік ерекшеліктерді дамыта отырып, әр адамның

ішкі мүмкіндігінің зор екендігін және оны тиімді пайдалануға үйрету.

Құндылық: Ақиқат (интеллектуальдық деңгей) , сүйіспеншілік (адамгершілік деңгей)

Қасиеттер: парасаттылық, саналылық, зерделілік, кеңпейілділік, жомарттық, адалдық, сезімталдық, сағыныш.

Ресурстар: интерактивті тақта, электрондық диск «Бала күн», «Ойлан, балам», слайдтар, А-4 қағаздар, түсті

қарандаштар, М.Мақатаевтың өлең жолдары Өміріме өзімнің таң қаламын,

Қалмаймын деп қатардан таң қаламын.

Бүгінімді өткізсем қиындықпен,

Ертеңіме үмітпен қамданамын.

Мұғалім: К.Мұңайтбасова Сынып: 7а, 7ә Оқушы саны: 7а -25 оқушы; 7ә-23 оқушы

Іс-әрекет кезеңдері

Уақыт

Мұғалімнің іс әрекеті

Оқушының іс-әрекеті

1.Ұйымдастыру кезеңі

Аутотренинг

Тыныштық сәті

Топпен ән шырқау

1 минут

1 минут

Аутотренинг арқылы жаңа сабаққа психологиялық дайындық үшін «Саусақтарыңызды түйістіріп1,2,3,4,5 деп санап, қолдарын уқалап : Жазда жақсы дем алдым, енді өзін-өзі тану пәніне кірісемін, мен қуаныштымын дей келе алақандарын уқалап. Ал, енді кірісейік! деп бастаймын

Дұрыс ыңғайланып отырыңыздар, арқаларыңызды түзу ұстайық, қолдарыңызды еркін партаға қоюға болады. Көздеріңізді жұмыңыздар. Сіздің өз ғаламшарыңыз бар. Ол жерде тек жақсы адамдар өмір сүреді. Бір-біріне көмектесетін, жүздері жайдарлы адамдар. Осындай адамдар жанымда болғанына қуаныштымын! Барлық адамзат баласына жақсы адамдар қасыңызда болуын тілеймін. Көздеріңізді ашуға болады.

«Бала күн» әнін қосылады

Оқушылар мұғалімнің айтқандарын қайталап қолды уқалау арқылы аутотренинг жасайды.

Оқушылар үнсіз тыңдауына не қосылуына да болады

2. Үй тапсырмасын тексеру

7 минут

Өткен оқу жылының соңында оқушыларға берген «Менің жазғы демалысым» тақырыбына эссе жазуға берілген. Соны тексеріп өз еріктерімен топтың ішінен 4-5 оқушының жұмысын тыңдау.

«Ойланайық, пікірлесейік» айдары бойынша төмендегідей сұрақтар қойылады: (Слайд-3)

• Жазғы демалысты қалай өткіздіңдер?

• Жазғы демалыста қандай ізгі істер жасадыңдар?

• Жақын тұтатын адамдарыңды біраз уақыт көрмесеңдер қандай күйде боласыңдар

Жазғы тапсырманы орындаған оқушылар жазған эссесін оқиды.Ең ұнаған эссені өздері бағалайды. Бағалау критерийі эссенің мазмұнына, жеткізіуі мен елең етіп қызықтырған жерлерін ескеру.

Ойланайық, пікірлесейік айдары бойынша сұрақтарды ескере отырып ойларын жеткізуге тырысу.

3.Дәйексөз

Мәнін ашу

3 минут

«Көкіректе сәулесі жоқтың көңілінде сенімі жоқ» АБАЙ

Дәйексөздің мәнін ашуға және «Менің қойын дәптерім» деген шығармашылық жұмысқа өз еріктерімен дәптер бастауды ұсынамын.

Менің қойын дәптерім деген шығармашылық жұмыс дәптерлеріне дәйексөздің мағынасын қалай түсінгендіктерін жазады.

4. Мәтінмен жұмыс

«Оқып үйренейік» айдары бойынша К.Сегізбаевтың «Өсіп-өнген ағаштар» әңгімесін оқып, талдау

15 минут

К.Сегізбаевтың «Өсіп-өнген ағаштар» әңгімесін оқып, талдаймыз. Төмендегідей өсу, даму, жетілу, қайырымды жан, асыл нәрсе, ізгі іс сөз тіркестерінің мағынасын ашу көзделеді. Оқушыларға сұрақтар:

• Адамның өсіп-жетілуінің басқа тіршілік иелерінен өзгешелігі неде?

• Адамның жан дүниесіне қандай қасиеттер сәуле береді?

• Адам руханилығына қалай қол жеткізеді деп ойлайсың?

ӨӨТ мен биологияның (өсімдіктану) байланысын ескеріп бір-біріне сұрақтар қояды:

• Ағаштардың өсіп жетілуіне қажетті жағдайларды ата;

• Гүлдердің тозаңдануы

• Гүлдердің әсемдігі, хош иісі туралы не білеміз?

Әңгімені кезектесіп оқып оқушылар талқылауды және адам өсіп дамуымен байланыстырады.

5. Шығармашылық жұмыс топтық жұмыс

10 мигут

4 топ оқушылары оқылған әңгімені постерге сурет арқылы елестетіп әңгіме мазмұны ашылатындай етіп сурет салады.

Табиғаттың әсем, ағаштардың, гүлдердің көріністерін салады жәнеәр топ бір-бірінің жұмысын бағалайды.

6. Топпен ән айту

2 минут

Барлығымыз бірге минусовканы қоса «Ойлан, балам» әнін шырқаймыз. Әннің мазмұнына көңіл бөлу ескертіледі.

Оқушылар оқулықтағы 9 беттегі әнді бірге шырқап айтады

7. Үй тапсырмасы

4 минут

Жұмыс дәптерінен тапсырма орындау

№1 тапсырма

Ой түйіні

Төмендегідей сөздердің мәнін ашу, түсіндіру:

• көкірек көзі ашық;

• көкірегі ояу:

• көкірегі жүйрік;

• көкірек көзді;

• ақ көкірек;

• көкірек сарайы кең.

Қосымша тапсырма: Абай өлеңдерінен үзінді жаттау (тақырыпты ашатын)

Оқуда үлгілі болу үшін:

• үнемі оқып іздену;

• рухани білім алуға ұмтылу;

• күн сайын жаңа нәрсе үйренуге ұмтылу;

• өз мүмкіндіктерің мен қабілеттеріңді тану;

• біліміңді іске асыру;

• тапсырманы өз бетіңше орындауға тырысу.

8. Соңғы тыныштық сәті

1 минут

Рефлексия арқылы сабақтың ұнағандығын бармақтарын жоғары көтерсе «ұнады»,

Егер төмен қаратса «ұнамады» деген белгіні білдіреді

Мұғалім көрсеткен белгі бойынша оқушылардың көңіл күйін, сабақ нәтижесі байқалады.