Тренинг на тему: Өз балаңды жақсы тани білесің бе?

Раздел Школьному психологу
Класс -
Тип Другие методич. материалы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:


«Өз балаңды жақсы тани білесің бе?» тренингі

Мақсаты: Балалармен бірге мейірімділікке, ұстамдылыққа тәрбиелеудің жолдарын көрсету бала тәрбиелеу сапасының аз да болса жоғарлауына ықпал ету.

Тренингтің міндеттері:
1) баламен өзара қатынасты жақсы түсіну;
2) баламен өзара әрекеттің жаңа дағдыларын меңгеру;

3) өз баласын түсіну мүмкіндіктерін кеңейту;


Қажетті құрал- жабдықтар: үлестірмелі қағаздар, А4 формат, қалам, гүл және мақал -мәтелдер жазылған плакат,т.б.
Әдістері: пікір алмасу, сұрақ-жауап, тест, психологиялық жаттығулар.

Жоспар:
1. «Танысу» ойыны.
2. «Бақыт деген не өзі»
3. «Сиқырлы қоржын» ойыны
4. Сергіту би

5. Аяқталмаған сөйлем

6. «Ата-ана тілегі». сабақ аяғындағы көңіл - күйді көрсету.

Барысы: Тренингке қатысушыларды шеңбер жасап отырғызу, сәлемдесу рәсімдерін жүргізу, тренинг тақырыбымен таныстыру.

Ата - аналар шеңбер жасай тұрады.

1. Бүгінгі біздің «Өз балаңды жақсы тани білесің бе?»атты тренинг - сабағымызға қош келдіңіздер! Ата-ананың тілегі -баласының жақсы адам болуы, еңбексүйгіштігі, оқу мен еңбектегі табыстары.
Баланы бастан бақпасаң,
Жамандықтан қақпасаң,
Қадірден жұрдай қасқа боп,
Кешкенің өмір босқа тек, -

дегендей, баланың ыстық-суығына күймейтін,жақсылығына сүйінбейтін ата -ана жоқ шығар. Бүгінгі ұл -ертеңгі әке, ол әкеге қарап өседі. Бүгінгі қыз -ертеңгі ана,ол шешеге қарап өсіп, бой түзейді. Балаға білім, тәрбие беруде басты тұлға ұстаз болса, оны жалғастырушы, демеуші -ата -ана.

1. «Танысу» ойыны.

Әрбір қатысушы өз отбасын гүл бейнесінде салып таныстырып өтеді.


2. Келесі жаттығуымыз «Бақыт деген не өзі» деп аталады.
Кез келген адамнан өмірдегі ең қалаулы нәрсесі не екенін сұраңызшы. « Мен тек бақытты болғым келеді» Біз бәріміз де сол үшін өмірге келгенбіз. Бірақ бақыт деген не?
Ата - аналар, қатысушылар өз ойларымен бөліседі.
Ортаға ата-ана шақырылып тапсырма беріледі; бүгінгі қатысушылардың ішінен ең бақытты деген кісілерді орын - орнымен тұрғызу.
Әрине «Қанағат қарын тойғызады», ендеше қанағат болған жерде бақыт та болады. Басқаларға қуаныш, бақыт сыйласаң, өзіңде бақытқа кенелесің. Өмірдің қызығы да осында!

3. «Сиқырлы қоржын»

Ойлауға арналған сұрақтар. Әр адам қоржыннан аяқталмаған сөйлемі бар үлестірмелер алады да өз сөздерімен сөйлемді аяқтайды.

1. Ең үлкен қорқыныш бұл - ....

2. Мен мынадай адамдарға сенбеймін.....

3. Мен ренжимін, егер....

4. Мен қуаныштымын, себебі.....

5. Баланы үнемі қолдап отырса.....

6. Мен үшін бақыт деген.....

7. Отбасының қорғаны кім?

8. Балаңыз сізге қасқыр мен түлкі туралы ертегі айтып беруін өтінді, сіздің әрекетіңіз.

9. Мақалды жалғастыр. Бала жас шыбық... (қалай исең, солай иіледі)

10. Ана бауырындағы бұлақ.... (бала жағасындағы құрақ)

11. Балаңыздың қандай да бір іске өнері, қызығушылығы байқалсы не істер едіңіз?

12. Сіздің балаңыз сізге түн неге қараңғы? Күн қайда кетті ? деген сұрақтар қойса, қалай жауап берер едіңіз

13. Балаңызды еркелеткенде қандай сөздер айтасыз?

14. Балаңыз сізді ренжітті, сіздің іс - әрекетіңіз.


4. «Аяқталмаған сөйлем»
4 - 5 ата-ана үлестірмелі қағаз таңдап алады. Берілген сөйлемді аяқтау қажет.
Әйел бақыты, ол -
Ер - азамат бақты, ол -

Сәби бақыты, ол -
Ата - ана бақыты, ол -
Ұстаз бақыты, ол -
Барлықтарыңыздың пікірлеріңізге көп - көп рахмет.
5. «Ата-ана тілегі».
Мақсаты: тренинг туралы пікірлерін ортаға салу.
«Міне, қоштасатын да сәт жетті. Біз сіздермен жанұядағы ата-ана мен балалар арасындағы қарым-қатынастың түрлі жақтарын тануға, жан-жақты талқылауға тырыстық. Отбасы, ұшқан ұя - жылылықтың, жылулықтың мекені. «Отбасы» атауының мәніне терең үңілер болсақ, оттың да үлкен маңызы бар екенін сеземіз. Сондықтан оттың басы, ошағымыздың түтіні түзу болуы үшін «Ата-ана тілегі» жаттығуын бір-бірімізге тілек айта отырып жүргізейік. Бір-бірімізге мына ошақты бере отырып бүгінгі кездесуден алған әсерлеріңізбен бөлісіп, тренинг барысында айта алмай қалған ойларыңыз болса барлығыңыз да осы жерде айтуларыңызды сұраймын.
Ата- аналардың, қатысушылардың тілектерімен бүгінгі жұмысты қорыту.

© 2010-2022