Тақырыбы: Жағымды қарым-қатынас мәдениеті

Ақпарлама

15.12.2014жылы 7 «Ә» сынып оқушыларымен «Жағымды қарым-қатынас әлемінде» атты психологиялық тренинг болып өтті.

Тренингтің мақсаты: оқушылардың қарым-қатынастарын нығайтып, жақсы қасиеттерін бағалай білуге бейімдеу.

7 «Ә» сыныбында барлығы 22 оқушы. Қатысқаны: 18 оқушы. Бұл сыныпта үлгермеуші оқушы, мектепшілік есепте тұрған оқушы, тәрбиеленуі қиын оқушы да кездесетін болғандықтан тренинг кезінде оқушылар тарапынан қиындықтар болды. Олар, жүргізуші тренинерді тыңдау, тыныштық сақтау, бір-бірінің жетістіктерін, сөздерін тыңдай білу қасиеттерінің төмендігін көрсетті. Оқушылардың бір-бірін тыңдай білуге, жағымды қарым-қатынас орнатуға тырыстым. «Алақан» жаттығуы кезінде оқушылар бір-бірінің қажсы қасиеттерін жазып, соңында әр оқушы өзіне жазылған жағымды қасиеттерді оқиды. «Мен хабарландыру беремін» жаттығуында өзін-өзі жарнамалау арқылы ол оқушының кім екендігін анықтау тапсырмасы беріледі. Осы жаттығуда оқушылар сыныптастарының кім екендігін таба алмай қиналды. Бұл дегеніміз, өз сыныптастарын жақсы танымайтындығын білдіреді. Тренинг соңында оқушылар шеңберге тұрып, қол соғып, қоштасты.

Ақпарламашы: Кокебаева Н.А.