Жалынды жастық шақ 10 сынып

Бекітемін:

ДОІЖО: Жалмуханбетова Ж.С

Өзiн-өзi тану сабағының жоспары

Мектеп:БОЖББМ мерзімі:27.01.2016ж

Тақырып:Жалынды жастық шақ. № 19

Құндылық: дұрыс әрекет

Қасиеттер:өз өміріне,ойы мен сөзіне,ісі мен әрекетіне жауапкершілікпен қарауға тәрбиелеу;

Мұғалiм -Адильгереева Г.С. Сынып - 10 Оқушылар саны -17

Сабақ мақсаты:жастық шақтың адам өміріндегі шешу кезең екендігін сезіндіру.

Міндеттері:

-жастық жігерді білім алуға жұмсаудың маңыздылығы туралы ұғындыру;

-өздерінің табиғи икемділіктерін ескере отырып маман

дық таңдауға бағыттау;

-өз жолын дұрыс таңдаған адамның болашағы жарқын,мақсаты айқын болатындығын ұғындыру;

-ісі мен әрекетіне жауапкершілікпен қарауға тәрбиелеу;

Ресурстар:(құралдар, мәлiметтер)

Оқулық,жұмыс дәптері.

Сабақ барысы:

Ұйымдастыру кезеңi. «Өзін - өзі тану» сабағының ережесін «5Т» ұстанамыз.

1.Тыныштық сәтi.(баяу әуен) «Теңіз түбіне саяхат»

Көзіңізді жұмыңыз және бірнеше рет терең тыныстаңыз; денеңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

• Қандай әсер алдыныз?

• Көз алдарыңа қандай бейнелер елестеді?

1. Үй тапсырмасын тексеру.

«Өтірікшіге сылтау көп»шағын қойылым.

Сабақ барысын талқылау:

Сауалнама құрастыру.

2. Дәйексөз. «Жастық шағың-жарқын жаздың бейнесі,құтты жаздың ала алсаң жоқ бермесі»

С.Мұқанов.

-Жастық шақтың құлпырған жаз секілді әдемілігін,көздеген мақсатқа жету үшін әр нәрсені өз уақытында қажет екенін ұғындыру.

Талдау,түсіндіру.

3. Әңгiмелеу (сұхбат).

1.І.Омаров. «Жастарға хат»

-Күнделікті өмірде өзіңізге талап қоя білесіз бе?

-Мәтіндегі ойлармен келісесіз бе?

2. «Назар аударыңдар!» М.Дулатов.

Аңыз әңгіме: Бір жылдың ішінде бір ақ жаз болады. Ағаш, шөптер, гүлдер,жапырақтар бір-ақ рет жасарады. Осы секілді, адамның басына жастық екі келмейді.Жастық біздің өміріміздің жазы. Жаздан кейін күз келеді. Сол секілді жастықтан соң кәрілік жетеді. Шаруасына жинақы кісілер жаздың күні қыстың азық-түлігін дайындап қояды.Адамда жасында -білім, жақсы мінездерді бойына жинауға тиіс. Мұнсыз ол қартайған шағында рахат тіршілік ете алмайды.

Мазмұнын тыңдау,талдау,

Сұрақ-жауап.

Түсініп оқу,талдау.

4. Шығармашылық жұмыс, топтық жұмыс.

І-топ: ІІ-топ:

Дәптердегі нақыл сөздерді оқып,түсіну:

«Жастық шақ»

Жастықтың оты жалындап,

Жас жүректе жанған шақ,

Талаптың аты арындап,

Әр қиынға салған шақ.

Топқа бөлініп нақыл сөздерді талдау.

5. Топпен ән айту.

«Шақырады көктем» ән

Тыңдау,қосылып айту.

6. Үй тапсырмасы.

Жастық шақ туралы дәйексөздер

құрастыру

7. Соңғы тыныштық сәтi.

Баяу әуен қойылады.

Көзімізді жұмып, еркінжайғасайық. Енді, бүгінгі өткен сабағымыздан нені түсіндік, қандай жақсы нәрселерді үйрендік, өзімізге нені алдық сол жөнінде ойланайық. Осының барлығын жүрегімізге салып, көкейімізге түйіп алайық. Жайлап, көздеріңізді ашуға болады. Бүгінгі керемет сабақ үшін сіздерге көп рахмет!

Муз.әуенмен аяқтау.

Шақырады көктем.

Сөзін жазған Т.Молдағалиев

Әнін жазған Ә Бейсеуовтікі

Елестеттің көктемді гүл ашқан,

Көздеріңе ғашықпын нұр шашқан

Алыстарға жетеле ,еремін,

Сені ғана бақыт деп сенемін.

Қайырмасы:

Арманымдай алдағы,

Ақ шуақтай таңдағы

Аялай бер, арманым,аялай бер.

Сандуғаштар жырлаған,

Көктемдерге бір барам,

Шақырады біздерді көкорай бел.

Қолыңды бер, жатсынба, арманым,

Сәуледей боп аяла таңдағы.

Шақырады жас көктем гүлімен,

Шақырады жасыл бақ жырымен.

Тәртіп

Талап

Тазалық

Татулық

Тыныштық