- Преподавателю
- Школьному психологу
- Қарым - қатынас жетістікке жеткізеді тренинг
Қарым - қатынас жетістікке жеткізеді тренинг
Раздел | Школьному психологу |
Класс | - |
Тип | Презентации |
Автор | Байнешева С.К. |
Дата | 11.01.2016 |
Формат | docx |
Изображения | Есть |
Тақырыбы:«Қарым - қатынас жетістікке жеткізеді»
Мақсаты: Оқушының өзін-өзі қалыптастыру барысында айналасындағы адамдар, қоршаған ортамен қарым-қатынас маңыздылығын ұғындыру. Оқушылар арасындағы қарым- қатынас, достықтарын нығайту.
Барысы:
-Сәлеметсіздерме, балалар! Қош келдіңіздер!
Мен сіздерді көргеніме өте қуаныштымын!
Адам өмірінде қарым - қатынастың алатын орны ерекше. Қарым - қатынас жасау арқылы адамның ортадағы орны айқындалады. Адамның қарым - қатынасы оның көңіл - күйіне тікелей байланысты. Көңіл - күй адамның ішкі дүниесінің құбылысы, көңіл - күй адамның айнасы. Алдымен көңіл - күйімізді анықтайық.
«Менің көңіл - күйімнің түсі»
Оқушыларға түрлі түсті гүлдер тандап алуларын ұсыну. Оқушыларға таңдалған гүл түсіне байланысты сол кездегі көңіл күйлерін анықтап айту.
Қарым - қатынас арқылы адамдар айналадағы дүниеден мәлімет алады, жан дүниесі кеңейеді, білімі тереңдейді.Адамдармен қарым-қатынас жасау шеберлігі адамның ішкі мәдениетіне, біліміне, тәрбиесіне байланысты болады десек артық емес. Қарым -қатынас - достық ілтипат білдіру. Ол айналадағыларға көңіл бөліп қарау, адамдардың болғанына қуанып және олармен өзінде бардың бәрімен бөлісу. Біздің көңіл-күйіміз адамдармен жақсы қарым-қатынасымызға ықпалы бар.
«Комплимент»
«Жақсы сөз жан жадыратады»,демекші бір-бірімізге шеңберде оңнан солға қарай күлімсірей қарап, жылы сөз айтайық!
«Тұжырымдама»
Жақсы қарым-қатынаспен келіссеңіздер көршіңіздің қолын аласыздар, келіспесеңіздер қолдың сұқ саусағымен болмайды деген ым жасайсыздар.
1.Кай кісімен болмасын лезде тіл тауып кете алады;
2.Көп достары бар;
3.Әрдайым кикілжің тудырып отырады;
4.Жақсы мінез - құлқымен көрікті;
5.Ұрысқанды жек көреді. т.б
«Қалпақ кімде» ойыны
Қатысушылар ортаға шығады. Жай әуен ойнап тұрады.оқушылар жұптаса би билейді. Бастаушы қалпақты алып жұптың біреуіне қалпақ кигізгенде оқушылар алмасып, бір-бірімен қарым-қатынас жасайды.
Адамдармен қарым-қатынаста бет -әлпет, қас- қабақ,дауыс маңызды қызмет атқарады. «Қонаққа тамақ бермес бұрын қабағыңды бер» деген даналық осы қағидаға негізделеді. Қонақжай, кеңпейіл халқымыз әр кез осы жайды ұстанған.
«Шарды жар» /шар үріліп оның ішіне ситуциялар салынған./
Ортаға 7 оқушы берілген сұрақтарға сай әртүрлі көңіл-күйді бейнелейді.
Ситуация:
Ойланып тұрған адамның бет-әлпет кескіні.
Ренжіп тұрған адамның бет - әлпеті.
Қайғылы адамның бет-әлпеті
Ашулы адамныңбет әлпеті
Таңданған кейіп көрсету
Өкініп тұрған адамның бет әлпеті
Қуанып тұрған адамның бет - әлпеті
Адамның ары таза, көңілі ақ, ниеті түзу болса, ол ешуақытта жамандық ойламайды. Бұл ізгілікті қарым-қатынастың бірден - бір жолы.
«Ішке және сыртқа» Ұстаз бен Шәкірт аңыз әңгіме.
/оқушылар жақсы қасиеттерді ажыратып, жақсы қарым-қатынастың жетістікке жетелейтіні турасында өз ойларымен бөліседі./
Қорытынды:
«Қарым-қатынас» сөзін топтастыру.
Қарым-қатынас
-Сонымен тренингімізді ұлы Абай атамыздың «Адам өміріндегіең тамаша нәрсе - оның басқа адамдармен қарым - қатынасы» деген сөзімен аяқтай отырып, тренингке белсенді қатысып, өз ойларыңызбен бөліскеніңізге рахмет айтамыз.
Батыс Қазақстан облысы
Ақжайық ауданы
Еңбекші НЖББМ
Педагог психолог
Байнешева С.К
«Қарым-қатынас жетістікке жеткізеді» тренинг