Тренинг сабақ: «Өз арманыңа өзің жет»

«Өз арманыңа өзің жет» тренинг сабақ

Жас өспірімдердің тұлғалық өсуін дамыту жаттығулары

«Менің өмірімдегі жұлдызды карта» ойыны.

Мақсаты: Өзіндік «Менді» берік ұстауы, әрі қарай болашақта өзін-өзі сену, тану, психологиялық мінездемесін дамыту, талдау жасау және анықтау, сонымен қатар, өзін және қоршаған ортадағы адамдарды анықтау.

Барысы: Сіздерге бүгін бір-біріңізге айтатын маңызды ішіңізде тұрған нәрселерді сыртқа шығаруға мүмкіндігіңіз бар. Осындай жайларды, қолайлы сәттерді жоғалтып алмаңыздар, ондай сәттер сіздерде бола бермейді. Оқушыларға сурет салу қағазы немесе парақтар таратылады, сол парақтың ортасына күннің суретін салып, тура ортасына «Мен» деген сөзді жазу керек. Содан соң «Мен» деген сөздің айналасына жұлдыздарды салу керек. Сол жұлдыздардың әрқайсысының ішіне мынадай сөйлемдерді жалғастыру арқылы жауап берулері тиіс:

• Менің ең жақсы көретін жұмысым .........

• Менің ең жақсы көретін түсім ........

• Менің сүйікті жануарым .......

• Менің ең жақын досым .........

• Менің ең жақсы көретін дыбысым ..........

• Менің ең жақсы көретін иісім ..........

• Менің ең жақсы көретін ойыным ..........

• Менің ең жақсы көретін киімім .......

• Менің ең жақсы көретін әнім .........

• Менің ең жақсы көретін мезгілім ........

• Мен өмірде мынадай жұмыс істегенді ұнатамын ........

• Мен өмірде мынадай жерлерде болғым келеді ............

• Менің сүйікті әншім немесе тобым ...........

• Менің ұнататын кейіпкерлерім ...........

• Мен өзімде мынадай қабілет бар екенін сеземін .........

• Өмірде өзімнің пір тұтатын адамым мынадай ..........

• Менің істей алатын нәрселерім ........

• Мен өз-өзіме сенімдімін, өйткені .........

«Менің арманымдағы үй» ойыны

Мақсаты: Әдемі қиялдап, ұшқыр ойланып, сабырлы болуға, армандай білуге, алдарына мақсат қоя білуге үйрету.

Барысы: Әдемі әуен ырғағымен оқушыларға мынадай нұсқау беріледі:

• Иықтарыңызды босатып, қолдарыңды өздеріңе ыңғайлы етіп қойыңыздар

және көздеріңді жұмыңдар. Қазір мен баяндап берген күйге еніп, сол сәттерді бастан кешіріңдер және міндетті түрде өздеріңді сол жағдайда жүрмін деп елестетіңдер. Өздеріңді бос ұстаңдар. Жеп-жеңіл күйге еніңдер, жеңіл болғандарың соншалық, сендерді бұлттар көтеріп аспанға ұшырып алып кетіп бара жатыр. Аспанда қалықтап ұшып жүрсіңдер, ал бұлттар денелеріңе жұп-жұмсақ боп тиіп жатыр. Кенеттен ұзақ-ұзақтарға, үлкен көгілдір мұхиттың үстінде ұшып келесіңдер. Терең дем алып, деміңізді қайта шығарыңыздар, ауаны сезініңіздер. Айналаға қараңыздар сендер әлемнің сиқырлылығын көріп тұрсыңдар, осы бұлттарда шомылып, бұлттарда дем алып, аунап-қунауға болады. Міне ақырын жерге түсіп келе жатырсыңдар. Бұлттар сендерді әкеліп бір танымайтын жерге түсіріп кетті. Бұл сендердің жаңа әлемдерің. Сендердің ең сүйікті орындарың, ол қандай жер, қай жер - оны мен білмеймін, оны сендер өздерің таңдайсыңдар.Енді сендер осы жаңа әлемдеріңде өздеріңнің қиялдарыңдағы кереметтей әдемі үйлеріңді салыңдар. Үйді салу барысында, мен сіздерге сұрақтар қойып отырамын, сол сұрақтарға жауап беру арқылы үйлеріңнің айналасын шолып өтесіңдер. Сұрақтарға дауыстап жауап берудің қажеті жоқ. Тек қана әрбір қойылған сұрақтарға іштей жауап беріп, сол сәттерді есте сақтаңыздар. Ендеше мен сұрақтарды бастаймын: Міне бұл үй сендердің қиялдарыңда өмір сүріп жатқан әдемі үй. Бұл үй қандай? Бұл үйде кімдер бар? Сен бұл үйде кіммен тұрасың? Сенің үйіңнің қабырғасы қандай? Ол биік пе, әлде кішкентай ма немесе қалыңкірпіштен бе, әлде бетоннан ба? терең қоймасы бар ма? Оның ішінде не сақтайсың? Немесе ол жеңіл, жаздық мезгілге арналғанүй болар. Ол жерде суық бола ма? Ендеше қабырғаларын соғуды бастайық. Терезелері қандай? Үйдің төбесі қандай? Оның балконы бар ма? Терезеден немесе балконнан қарағанада не көріп тұрсың? Ал енді үйлеріңнің кіретін жері қандай? Оның есігі қандай? Ал сенің үйіңнің есігінде құлып бар ма? Сенің үйіңе адам көп келе ме? Үйлерің қонақжай ма? Үйлеріңе кіріп келгенде бірінші қандай бөлмеге кіруге болады? Қонақ бөлмелері қалай орналасқан? Үйлерің екі қабатты ма? Ол үйдің мүмкін көгершін ұстайтын бөлмесі бар шығар? Киім-кешектерің қайда тұрады? Жатын бөлмең қайда? Ол жатын бөлмеде інің немесе сіңліңмен бірге ұйықтайсың ба? Әлде әпкең немесе ағаңмен бірге ұйықтайсың ба? Ал енді осы өздерің қиялдаған үйдің бір сыры бар, ол сыр мынадай болмақ. Ол үйде сендердің құпия бір бөлмелерің бар. Ендеше осы бөлмені бір елестетіп көрейікші, бұл бөлме сендерге не үшін қажет? Іші қандай? Жиһаздары қалай орналасқан? Бұл бөлменің ішінде не бар? Бұл бөлменің ішінде не істейсіңдір? Бұл бөлме әдемі ме? Бұл бөлмеге сенен басқа кім кіреді? Сен бұл бөлемні ұнатасың ба? Ендеше біз осы бөлмеде біраз отырайық. Ақырын осы бөлмеден шығамыз, айналаға құлағыңды сал. Кімнің дайыстары естіледі, қандай дыбыстар естіледі? Бөлмеден шығып сен кімді көрдің? Ал үйіңнің айналасында нені көріп тұрсың? Гүлдер мен шөптер көп пе? Мүмкін жан-жануарлар бар шығар. Осыларды көргенде қандай сезімде боласың? Сенің үйің толық салынып біткен бе? Ендеше осы үйді, осы үйдің әрбір бұрышы мен бөлмесін есте сақтаңыздар. Бұл үй сендердің үйлерің. Бұл әлем сендердің әлемдерің. Мен онға дейін санап болғанға дейін осы өз үйлеріңнің сыртынан ұзақ қарап естеріңде сақтап алыңдар. Бір, екі, үш, төрт, бес, алты, жеті, сегіз, тоғыз, он. Көздеріңді ашыңдар! Енді осы болған жәйттің барлығын алдарыңда жатқан қағазға түсіріңдер. Есте сақтаған барлық сәттерді, қойылған сұрақтарға сүйене отырып баяндап беріңдер.

«Дәл бүгін» жаттығуы

Мақсаты:Жақсы ойлауды шынықтыру, нақты және дәл ойлауға машықтандыру.

Барысы: қазіргі жүргізетін «Дәл бүгін» деп аталатын жаттығу арқылы біз өзіміздің өз қалауымыз жайлы, өзіміз жайлы қаншалықты білетінімізді байқауға болады. Біз физикалық жаттығулар туралы көп айтамыз, ол бізге қаншалықты керек екенін де білеміз және де ол жаттығулар туралы көп айтамыз, ол жаттығулар денемізді шынықтырады, ұйқымызды ашады. Ал бұл жаттығу біздің рухани ішкі дүниемізді оятады, ақыл-оймызды шынықтырады. Бізде мынадай бірнеше жағдайды пайдалана отырып сөйлемдер берілген. Осы сөйлемдерді мен оқимын, ал сендер мені қайталайсыңдар.

1. Дәл бүгін мен бақытты боламын. Бақыт біздің ішімізде ғана, ол сыртқы жағдайлардың нәтижесі бола бермейді. Сондықтан адам бақытты болуға толық шешімі болса ғана болады.

2. Дәл бүгін мен өмірге, қоршаған ортаға қабілеттімін және өзімнің әрбір арманымды құрал етіп алмаймын. Мен өзімнің отбасым, оқуым, өмірлік жағдайларым қалай болады, солай қабылдаймын.

3. Дәл бүгін мен өзімнің ағзама қараймын. Мен дене шынықтыру жасаймын, өз денемді жақсылап күтемін, денсаулығыма қарсы жаман нәрселерді қолданбаймын және менің ағзам менің талаптарымды орындаса мен де оны орындаймын.

4. Дәл бүгін мен өзімнің ақыл-ойымның дамуын қадағалаймын. Мен керек нәрселерді оқимын. Мен ақыл-ой қарым-қатынасына жалқау болмаймын. Шыдамым жеткенше қызық нәрселерді, логикалық ойларды оқимын, ойлаймын.

5. Дәл бүгін мен пайдалы нәрселерді жасаймын. Ол үшін адамға жағымды, пайдалы жақсылықты жасаймын және істегім келмейтін 2 жұмысты орындаймын.

6. Дәл бүгін мен барлығына жақсы көңіл-күймен қараймын. Мен барлығына жақсы көзқараспен қарауға, жақсы адам болуға тырысамын.

7. Дәл бүгін мен бүгінгі күнмен өмір сүремін. Барлық өмірімдегі мәселелерді бірден шешпеймін, барлық жұмысты жеңіл істеуге тырысамын.

8. Дәл бүгін мен өмірге қуанып, бақытты боламын. Мен бәрін жақсы көріп, бәріне де сенемін және кім мені жақсы көрсе, мен де соны жақсы көретін боламын.

9. Дәл бүгін мен жарты сағат тыныштық сақтап, жалғыз өзім отырып өзімнің жақсы және жаман қасиеттерім туралы ойлаймын.