Мен ж2не менин отбасым тренинг

Мен және менің отбасым

Сабақтың мақсаты: оқушыларды өздерінің отбасы туралы жан - жақты ойлануға жағдай жасау;

Білімділік: оқушылардың отбасы туралы ой пікірін айтқыза отырып, сыныпта жағымды эмоцияның атмосферасын қалыптастыру;

Дамытушылық: оқушылардың тіл байлығың өз ойларын еркін жеткізе білу қабілеттерін дамыту;

Тәрбиелік: оқушыларды отбасы мүшелерімен дұрыс қарым - қатынас жасауға, әдептілікке, мейірімділікке тәрбиелеу.

Көрнекіліктер: отбасы суреттері, тақырыпқа байланысты суреттер, қанатты сөздер, бүктеме,тірек сызба.

Ұйымдастыру кезеңі: Балалар, бүгінгі біздің сабағымыздың тақырыбы «Мен және менің отбасым».

Сұрақтар:

1.Отбасы дегенді қалай түсінесіңдер?

2.Отбасының басшысы кім?

3.Отбасы қандай болуы керек?

4.Өзіңнің отбасың туралы әңгімелеп берші?

5.Барлық отбасы бірдей деп ойлайсың ба?

Отбасы туралы біледі екенсіңдер.

Отбасы бірдей болмайды. Кейбір жанұяда ішімдікке салынған, нашақор ата - аналар бар. Олардың үйінде тыныштық болмайды. Сондықтан бала жасық, ұмытшақ,қорқақ, өз ойын жеткізе алмайтын, ашуланшақ ақыл - есі кем болып келеді. Отбасы деген әр адамға жылы ұядай қажет. Ондағы әр адам бір - біріне көмек береді, сыйласымды, құрметтей білетін, бір - біріне қамқор болады. Сонда отбасында татулық, бірлік болады. Отбасы - ұлттық құндылықтарымызды, тіліміз бен дінімізді көздің қарашығындай сақтап ұрпақтан - ұрпаққа жалғастырушы. Отбасы - адам үшін ең жақын әлеуметтік орта.

Оқушылар өз еркімен отбасы суреттерін сала отырып, өз ойларын жеткізу.

Шеше

Әке

Бауыр

Аға

Қарындас Әпке

Мен

Тағам

Түс

Гүлдер

Телекөрсетілім

Неге қызығады

Оқушылардың салған суреттеріне қарап, психологиялық тұрғыда қорыту.

Отбасы нені жақсы көреді?

Балаларға сауалнама тарқатылып беріледі. Оқушылар алдарындағы сауалнамаға назар аударады. Сауалнаманы қалай толтыру қажеттілігі түсіндіріледі.

Оқушылардың салған суреттеріне байланысты.Ұқсас тамақ түрлерін, ұқсас гүл түрлерді салыстырайық.

Бұнда оқушылардың әке - шешелеріне ұқсастығын байқау.

Ойын Үйден үйге көшу

Ойынның шартымен таныстыру. Суретте көне үйдің және жаңа үйдің суреті салынған.

Салынған көне үйдің астына үйдегі отбасы адамдарының есімдерін жаз. Енді жаңа салынған үйге кімдерді бірінші көшіргілерің келеді немесе кімді көшіргің келмейді. Есімдерін жаңа үйдің астына жаз.

Ойынды қорыту:

Жаңа үйге кімдерді көшірдіңдер? Кімді бірінші көшірдің? Не себепті оны бірінші көшірдің? Кімдер көне үйде қалды? Не үшін көне үйге қалдырып кеттің?

• Оқушылар, тақтатағы үлкен ағаштың суретіне қараңдар. Бұл ағашты отбасына теңестіреміз. Ағашта ең негізгі тіршілік көзі не деп ойлайсыңдар? - Тамыр.

• Неге тамыр керек деп ойлайсыңдар?

Тамыр ағашқа жан береді, одан діңі пайда болады, одан кейін сабағы, жапырағы пайда болады.

Мына сызбаға қарайық. Жеті атасын білмейтін қазақ жоқ.

Ендеше, қазір тақтаға шығып кім өзінің жеті атасын атап береді?

Оқушыларға тапсырма қағаздары таратылады. Оқушылар сол тапсырманы орындайды.Соңынан талданады.

Ойын «Отбасында кім үлкен».

Балаларға ойын шартын түсіндіру.

Соңынан қорытындылау.