Статья по психологий на тему «Балаларды психологиялық қолдау»

Балаларды психологиялық қолдау- қоғам міндеті.

"Жас жеткіншектеріңізді көрсетіңіз, мен

сіздердің болашақтарыңызды айтып берейін"

Әл-Фараби

"Жас бала-жаңа өркен жайған жасыл ағаш тәрізді"дейді халқымыз. Жерге отырғызған жас көшет те қашан тамыры тереңдеп, жапырағы жайқалып, саялы ағаш болып үлкейгенше мәпелеп күтіп, үзбей тәрбиелеуді керек етеді.

Тәрбие кездейсоқ оқиға емес, ол қоғамның пайда болуына тән қасиет.

Қазіргі кезде біздің қоғамда өркениеттілікке бағытталған"Білім беру"заңы бар. Онда азаматтық қоғам орнатуда өскелең ұрпақтың оқу және тәрбие мәселелерінің сұрыпталған, қатаң ғылыми негіздерінің тың жүйесі қалыптасқан.

Тәрбие- қоғамдық құбылыс. Әрине, адам жеке тұлға болғанымен, қоғамнан тыс өмір сүрмейді.

Ал,қоғам дегеніміз- егемен елдің жастарының ойы еркін, рухани парасаттылығы толысып жетілген, адамгершілік, ізгілік қасиеттері мол азамат етіп тәрбиелеу.

Қазақстан Республикасы Ата Заңының 27-бап,2-тармағында"Балаларына қамқорлық жасау және оларды тәрбиелеу ата-ананың табиғи құқығы, әрі парызы " делінген.

Бала бойына сүйіспеншілікті, жылықты ұялату, адал да парасатты ұл мен қыз болуға тәрбиелеу, келешектен үміт күтуді, армандай білуді, алдына мақсат қоюды үйрету, алғырлық қасиеттерін дамыта отырып қалыптастыру.

Елбасы Н.Ә.Назарбаев өзінің "Еліміздің болашақта гүлденуі бүгіннен басталады "деген баяндамасында "Отбасының беріктігі жұбайлардың бір-бірінің ең бастысы, балаларының алдындағы жауапкершілігіне де көп нәрсе байланысты. Ата-аналар балаларына, ал балалары қартайған ата-аналарына қамқор болуға тиіс" деген болатын.

Отбасы- адам баласының өсіп-өнер алтын ұясы. Адам өміріндегі ең қуанышты сәттер осы отбасында өтеді .

Отбасы тәрбиесінде қоғам ата-аналарға үлкен жауапкершілік жүктейді. Бала жақсы адам болып өсуі үшін ол отбасы мүшелері арасындағы жарасымды, әділетті қарым -қатынастардың өзіне қандай қамқоршы, сүйеніш екенін сезінуі керек.

Осы орайда Елбасы Н.Ә.Назарбаевтың "ХХІ ғасырда отбасы тату. өнерлі болуы тиіс"деген даналық сөзі бар.

Қазіргі уақытта балалардың жан-жақты тәрбие мен білім алуына қамқорлық жасалып отырған кезде отбасы мен мектептің ықпалы өте зор.

Бала тәрбиелеу-елеулі, қуанышты, сонымен бірге қиын, жауапты іс. Тәрбие баланың дене және ақыл-ой қабілетін дамытады, оны алдағы еңбекке даярлайды, қоғамдық дамудың болашақ белсенді қайраткерлеріне керекті адамгершілік сапаларын қалыптастырады.

Әрбір бала-өзінше бір әлем,әрқайсысы әртүрлі мінез қасиеттерінің,қабілеттерінің,жан дүниесінің,адами құндылықтарының алуан түрлілігімен дараланады.Әрбір бала-біртұтас адамзат қоғамын құратын, ерекше қасиетке ие, қайталанбас жеке тұлға.Бала-табиғатынан өте құмарпаз, әуесқой және тынымсыз айнала зерттеушісі. Әр бала басынан сипағанды, ойын ойнағанды ұнатады.Бала тәрбиесінде қолданылатын басты әдістер, бұл-үлгі-өнеге, бірлікті еңбек, әнгіме-сұхбат, баланы қолдау мен қуаттау және қорғау.

Ұстаз еңбегінің нәтижелі болуы тек жекелеген пәнді терең меңгерту ғана емес, сонымен қатар педагогикалық-психологиялық негізін терең білумен де тығыз байланысты.

Балаларды психологиялық қолдаудың негізгі функциясы-баланың мінез-құлқының жағымды жақтарына сүйене отырып жұмыс жүргізу.

Өйткені жеткіншектердің таным үрдісін: қабылдауы мен қиялын, ойлауы мен есіне сақтауын, ерік-жігерін т.б білмей тұрып сапалы білім, саналы тәрбие беру мүмкін емес.

Сабақты психологиялық тұрғыдан дұрыс ұйымдастыру дегеніміз-оқушының ішкі жан дүниесіне терең үңілу, ойына ой қосу, қиялына қанат бітіру, білім алуға деген құлшынысын, қызығушылығын ояту.

Елбасымыз Н.Ә.Назарбаев халқымыздың болашағы туралы тереңнен толғай отырып,"Мемлекетіміздің ең басты байлығы-жасөспірім ұрпақ, өйткені олар-біздің ұрпақтарымыздың болашақ айнасы"дегені мәлім.

Ұлы Абай атамыз "Адамзаттың бәрін сүй-бауырым деп"дегендей, жалпы адамзаттың құндылықтарын ұрпақ бойына дарытып өмірге, ата-анаға, достарына деген ізгілік қасиеттерге тәрбиелеу-баршамыздың міндетіміз . .

Ең бастысы ел сенімін ақтап, ата даңқын шығарар, тәуелсіз еліміздің болашағын алға апарар, білімді, парасатты ұрпақ тәрбиелеу-қоғам міндеті.

Елек орта мектебінің психологы: Г.Уралбаева