6 сынып өзін-өзі тану

Өзін-өзі тану сабағының жоспары

Тақырыбы: Өмірің өз қолыңда

Құндылық : Риясыз сүйіспеншілік

Қасиеттер : адамгершілік, мейірімділік, қайырымдылық, сыйластық.

Пән мұғалімі: К. Айжарикова.

Сынып: 6 ^{«а, ә»}

Оқушы саны:37

Сабақтың мақсаты: оқушыларға өмір, оның мәні туралы түсінік беріп, адамның өмірі өз қолында екендігін түсіндіру.

Міндеттері:

- Оқушыларға адам өмірінің маңыздылығы туралы түсінік беру;
- Оқушалрдың адамгершілік қасиеттерін дамытуға ықпал ету;
- Еліне, халқына абыройлы қызмет етіге тәрбиелеу;

Сабақ барысы

Ұйымдастыру бөлімі.

Тыныштық сәті. Нұрға бөлену.

Үй тапсырмасын тексеру. Сұрақтар бойынша жауап беру.

-Адам өмірі мәнді болу үшін не істеу керек?
-Адам өмірінің маңыздылығына рухани байлық қалай әсер етеді?

-Еліңе, халқыңа абыройлы қызмет ету дегенді қалай түсінесіңдер?

Дәйексөз.

«Адамның жақсы өмір сүруіне үш сапа негіз бола алады, олар барлығынан басым болатын - адал еңбек, мінсіз ақыл, таза жүрек»

Ш.Құдайбердиев

Мұғалім сыйы: Қ.Әлімбек

Жаңа - жаңа мен ұғына бастадым,

Өмір деген қымбат екен,достарым.

Өмір - менің жарқылдайтын аспаным,

Өмір - менің сарқылмайтын дастаным.

Мен - өмірді жас зерттеуші, жас ғалым,

Енді оянып, енді зерттей бастадым.

Өмір - кітап, түсінуі тым қиын,

Әрбір күнім - әрбір бетін ашқаным.

Жағылды ма жүрегімде жаңа шам,

Ойлаумен өтеді ылғи оңашам.

Армандаймын: ұлы еліме сүйікті,

Жақсылықтар жасасам деп орасан.

Маржан іздеп терең теңіз түбінен,

Күн батарда атар таңға үңілем.

Өмірімнен, өз ортамнан үйреніп,

Жақсы адамға айналармын түбі мен!

Тапсырма: Абайдың «Он жетінші» қарасөзін оқу арқылы оқушылар қайрат, ақыл, жүрек ушеуінің айтысын талдау.

-Автор қайрат, ақыл, жүректің ерекшеліктерін қалай жеткізген?

-Ғылымның «жүрекке билет» дегеннің мағынасын қалай түсіндіресіңдер?

-Абай қандай адамды «қасиетті адам» дейді? Неліктен?

-Тағы қандай қасиеттерді «жүрекке билетуге» болады деп ойлайсыңдар?

Шығармашылық жұмыс

Әр топ "Өмір" сөзіне ассоциациялар құру.

"Күн шуағы", "Кеме", "Жүрекше".

Топпен ән айту.

«Өмір-өмір» әні.

Сөзі: Л. Ошаниндікі

Әні: С.Бәйтереков

Үй тапсырмасы.

Зиянды әдеттердің салдарын тізбелеп жазыңдар. Оларды болдырмаудың жолдарын ұсыныңдар. Ұсыныстарыңды кесте түрінде беріңдер.

Соңғы тыныштық сәті.