«Өзіңе сен, өзіңді алып шығар, Ақылың мен білімің екі жақтап» психологиялық тренинг

Тақырыбы: «Өзіңе сен, өзіңді алып шығар, Ақылың мен білімің екі жақтап»

Психологиялық тренинг

Қатысушылар: 11-сынып оқушылары.

Мақсаты: Оқушыға өз өмірінің субьектісі екеніне көзін жеткізуге көмек көрсету.ҰБТ-ны тапсыру кезінде барынша толық өз мүмкіндігін іске асыру. ҰБТ-ға дайындық кезінде белгілі бір қиындықта, түлектерге жағымды психоэмоционалды күйіне жетуге тиімді жағдай тудыру.

І Ұйымдастыру

Топқа бөлу: (жеміс-жидектермен алма, банан, апельсин)

Қазіргі таңда баланың тамақтануына көп көңіл бөлген жөн! Әсіресе осы уақыттарда ойлану арқылы миға күш түсетіні анық, сондықтан түрлі дәрумендердің болғаны жөн.

ІІ « Бақшада» әнді терапия

Мақсаты: Тұлғаның өмірге деген құлшынысын арттыру,жігерлендіріп көңіл-күйін көтеру.

Көрнекілік:Табиғат көрністері бейнеленген сурет (картинка),жәйлі музыка әуені.

Уақыт: 5 -7 минут

Ұйымдастыру кезеңі: а) Қатысушыны жайлы отырғызып ,еркін,ыңғайлы сезінуін қадағалау;

ә) Сурет қатысушыға көрсетіледі,оған зейін салып,мұқият қарауын өтіну;

б) Әуенді қосар алдында қатысушы көзін жұму тиіс;

Кіріспе: Көз алдыңызға жаңа суретте көрген табиғатты елестетіңіз.

• Терең дем алып,әуеннің ырғағына зейін аударып,менің сөздеріме құлақ салыңыз.

• Ал,бастаймыз.(Музыка қосылды)

• Соқпақ жолмен жүріп келесіз...

• Жол ұзақ ,шаршадыңыз,шөлдедіңіз...

• Кенет алдыңыздан ғажайып бақ көрінді...

• Алма бағы...

Қып - қызыл алмалар қол созым жерде...

• Сіз үзіп алып жей бастадыңыз...

Дәмі керемет...

Жеген сайын жегің келеді...

• Қалтаңыздан дорба алып алмаларды жинай бастадыңыз....

• Күн кешкірді....Қайту керек...Бақтан шығып жолдан түстіңіз...Иығыңызда дорба....

• Жүгіңіз ауыр.Жол бітер емес. « Тастап кетсем бе екен?» деген ой келеді...

• Сіз дорбаны емес, бойыңыздағы жалқаулық, қорқыныш, сенімсіздік ойыңызды тастап кетіңіз...

• Міне,қалашыққа да жеттіңіз ... Алдыңыздан қуана секіріп балалар , достарың, ата-анаң, ұстазың шықты ...

• Оларға өзіңіз терген алмаларды үлестіре бастадыңыз...

• Алма тергеніңіз мұншама абырой болар ма ?Сізге балалар да,олардың ата-аналары да , қасыңдағы достарыңда бәрі-бәрі дән риза...

• Балалардың бақытты күлкісі ортаңыздың қуанышы сіздің де көңіліңізді көкке көтерді !

Музыка тоқтатылып, қатысушы көзін ашады.Өз әсерлерін бөліседі.

Талқылау: Қандай сезімде болдыңыздар

ІІІ «Қағаздан адам мүсінін жасау» ойыны

Нұсқау: бәріміз қолымызға ақ қағазды алып ортасынан бүктейміз. Әркім өзінше адам мүмінісін жыртып жасаймыз..Енді өзіміздің әдемі мүсінімізді ашып қараймыз.

Талдау: -Кімде бірдей,бір-бірінен аумайтын мүсін шықты? Таптыңыздар ма? Жоқ.Себебі неде деп ойлайсыздар?

-Себебі, бәріміз бірдей әрекет жасағанымен, ол бізде әр түрлі болып шықты.Өйткені біз әртүрлі адамдармыз.Қоғамдық ортамыз,қызметіміз,жан дүниеміз бәрі әр түрлі.Ал сендерге келсек,әрқайсысын бөлек тұлғасындар, көзқарастарын-бәрі әр түрлі.Бірақ,бәріміздің бірге жиналуымызда себеп бар-ол ҰБТ,одан жақсы жетістікке жету.Қоғамдағы орнымыз бен рөліміз әр түрлі болса да, бәріміздің алдымызда тұрған мақсат бір.

-Ал балалар өткен сабақта «Блоб» ағашына өздеріңді тауып белгілеген болатынсыңдар. Енді бүгінгі сабақтың соңында ағаштың қай діңгегіне шыққанымызды байқайық.

Жасалған адам мүсінін «Блоб» ағашының діңгегіне ілу.

ІV Эдвард де Бонон әдісі бойынша Ақылды қалпағын таңдайық.

Мақсаты: Мәселені барынша мұқият талқылап, баланың жалпы ойлау қызметін жетілдіру үшін ойдың сананың түрлі аспектілерін жандандыру .

Қалпақтар арқылы қайта топтастыру. (ақ, қара, жасыл)

Ақ қалпақ- фактілер. Менде қандай ақпарат бар? Маған қандай ақпарат алу қажет? нақты тармақтарын айтыңыз.

Қара қалпақ- Жағымсыз:

Жағымсыз кезеңдерін көрсетіңіз? Қандай проблемалар бар? Жағымсыз тармақтарын айтыңыз.

Жасыл қалпақ- Креатив

Менде қандай идеялар бар? Қандай баламалы түрлерді ойлап таба аламын? Барлық жаңасын және қызықтысын айтыңыз.

«Едендегі кафель» әдісі.

Мақсаты: Оқушының өзіне деген сенімділігін арттыру.

Қорытынды:
Қымбатты балалар! Бүгінгі күнімізді сүйіспеншілікпен қарсы алып сабағымызды бастаған болатынбыз. Ал, енді әдемі күлкімізбен, нық сенімділікпен мына өлең жолдарын қайталау арқылы сабағымызды аяқтайық.
Мен өзіме сенемін /қолын жүрегінің тұсына қояды/
Мен саған сенемін /қолын көрші баланың иығына қояды/
Сен де өзіңе сенесің /қолын көрші баланың иығына қояды/
Және мен де өзіме сенемін /қолын жүрегінің тұсына апарады/

«Рефлексия» «Рахмет» жаттығуы

Қатысушылар ортада шеңбер құрып тұрады. Жүргізуші ойша осы трененингке келгенге дейінгі көңіл-күйлерін, ойларын, жағдайларын, себептерін сол алақанға, ал бүгінгі сабақтан алған әсерлерін оң алақанға салуын сұрайды. Мұнан кейін барлығы бір уақытта алақандарын қатты соғып «Рахмет» деп айту керек.

«Өзіңе сен, өзіңді алып шығар,

Ақылың мен білімің екі жақтап»

Психологиялық тренинг

11 сынып

Ұйымдастырушы:

Бекжанова А

2015 жыл