ҰБТ-ға дайындау тәсілдері тренинг

Раздел Школьному психологу
Класс -
Тип Рабочие программы
Автор
Дата
Формат docx
Изображения Нет
For-Teacher.ru - все для учителя
Поделитесь с коллегами:

«Жүзағаш орта мектеп-бақшасы» КММ

11 сынып оқушыларын ҰБТ -ға дайындау мақсатында өткізілген ҰБТ-ға психологиялық дайындық тренингі

Мақсаты: Біріңғай мемлекеттік емтиханға дайындық кезеңіне қажетті оқушылардың мінез-құлық стратегиясы мен тактикасын өңдеуін, өзін-өзі реттеуін, өзін-өзі бақылау дағдысын, сенімділігін арттыру.

Әдістер: ойын әдістері, топтық пікірталас.

Міндеттер:

1. Стреске қарсы тұруын арттыру.

2. Сенімділік мінез-құлық дағдысын арттыру.

3. Эмоциялық ерік-сферасын дамыту.

4. Эмпатия сезімін дамыту, өзіне көңіл бөлу және айналадағыларға сенім білдіру.

5. Ішкі резервтерін тірек етіп, өзін-өзі бақылау дағдыларын дамыту.

Қажетті құралдар: ватман, түрлі бейнелеу құралдары, түсті қағаздар.

1. «Топтық сәлемдесу» жаттығуы.

Мақсаты: қатысушылар шеңбер болып отырады,бір-біріне допты немесе ойыншық беріп, өздерінің атын айтады және өздерінде бар қасиеттерді есімінде,тегінде және әкесінің атының бастапқы әріптерінен басталатын қасиеттерді айтады. Бұл жаттығуды «Қарлы жентек» әдісімен орындауға болады:әрбір келесі қатысушы бұған дейін айтылғандарды қайталайды және өзінің аты мен қасиетін қосады.

2. «Лимон» жаттығуы.

Мақсаты:Бұлшық еттің жиырылуын және босаңсуын басқару. Ыңғайланып отырыңдар: қолдарың тізелеріңде, алақандарың жоғарыда болсын.

Иықтарың мен бастарың төмен түскен, босаңсыған,көздерің жұмулы. Сенің қолыңда лимон жатыр деп елестет. Оны жайлап қыс, Лимонның сөлі шыққанша оны қыса түс. Қолыңды босаңсыт. Өз сезімдеріңді еске сақтаңдар. Енді лимон сенің сол қолыңда деп елестет. Жаттығуды қайтала тағы да босаңсыт та, өз сезімдеріңді есте сақта.Енді жаттығуды екі қолыңмен бірдей жаса. Босаңсыт.Тыныштықта отыру рахатын сезін.

Рефлексия. Не сезіндік?

Сауалнама: ҰБТ тапсыруға баланың психологиялық дайындығы.

Мақсаты: ҰБТ-ге дайындалудағы оқушылардың психологиялық мәселелерін анықтау.

1.Сен тестен қалай жұмыс істеу керек екенін білесің бе?

а) иә 1

б)жоқ 0

2.Қалай ойлайсың, сенде жұмыс істеу дағдылары қалыптасқан ба?

а) иә 1

б) жоқ 0

3. ҰБТ тапсыру жайлы ойлағанда сен қаншалықты дәрежеде қобалжисың?

а) қобалжымаймын 2

б) шамалы 1

в) өте қатты қобалжимын 0

4. Сені бірінші кезекте не толғандырады (қобалжытады)?

а) пәндер бойынша төмен білім 0

б) өз-өзіме сенімсіздік 1

в) таныс емес жағдай (ситуация)

г) басқа (көрсету керек)

5. ҰБТ тапсырудағы қиындықтарды айтып, сені қобалжытатың алаңдататын кімдер?

а) мұғалімдер 0

б) ата-аналар 1

в) өзім 2

г) алаңдаймын 3

6. Сенің үйіңде сабақ оқуға ыңғайлы жер бар ма?

а) иә 1

б) жоқ 0

7. Тапсырмаларды орындап жатқан кезіңде, үйдегілер сенің көңіліңді басқа жаққа аударады ма?

а) жоқ 1

б) иә 0

8. Ата-анам көбінесе:

а) мені мазақ қылады 0

б) мені қолдайды 2

в) оларға бәрі-бір 1

9. Бір іс-шараға дайындалып жатқанда, мен ойша:

а) жеңіске, табысқа жеткендей боламын 2

б) жағымсыз әсер етеді 0

в) ештеңе туралы ойламауға тырысамын 1

10. Сенде қол сағат бар ма?

а) иә 1

б) жоқ 0

11. Сен мамандық таңдадың ба? Қандай мамандық?

а) иә 1

б) жоқ 0

12. Қандай оқу орнына түсетін болып шештің?

а) иә 1

б) жоқ 0

Қорытынды:

0-7 ұпай - төмен деңгей; 8-13 ұпай -орташа деңгей; 14-19 ұпай - жоғары деңгей.

Барлығымызға белгілі адамның алдына мақсат қоярда не болады? Түрткі - қажеттілік - мақсат - міндеттер - әрекеттер - мақсатқа жету.

Ендеше қазір біз де «Ағаш мақсатымызды» салайық. Ол үшін барлығымыз өз мақсат ағаштарымызды салайық. Осы ағаштың түбірі-мақсаттарың, ал бұтақтары міндеттерің. Бастайық. Салдық па? Кім өзінің мақсат ағаш суретімен таныстырады?

Рахмет! Демек, біз өз мақсаттарымызды қойып, оның міндеттерін де айқындап алдық. Шаршадыңдар ма? Ал ендеше дем алайық.

Теңіз жағасындағы дауыстар жазылған үнтаспа қойылады, балалар жайланып отырады.

Релаксацияға арналған жаттығу «Теңіз жағасында».

Ыңғайланып отыр да көзіңді жұм. Үш рет терең дем ал. Өзіміздің ішкі тыныштық нүктеңді тап - ондай орын сенің Жан дүниен, сен онда тыныш та жайбарақат күйге енесің. Егер сен жақсылап құлақ салсаң, онда толқындар жағаға жайлап ығысқанын, су гүрілін естисің. Біраздан кейін толқындардың жағаға ығысқанын естисің. Теңіз толқын ырғағы бірқалыпты. Толқындар теңіз жағасындағы құмды тегістегендей,біздің ақыл-ойымызды тыныштандырады және айқындайды.

Сен теңіз жағасында отырғаныңды елестет. Отырған жеріміздің құмы құрғақ, сен жағада жалғыз екеніңді байқадың. Күн ұясына батып барады да аспан сары, қызыл, қызғылт түстерге боялды. Кеудеңе көбірек ауа толтырып, теңіздің тұзды исін сезін. Теңіз ауасы таза және дымқыл. Сен шағаланың дауысын естисің.

Өзіңе маңызды сұрақ қою үшін сен теңіздің тыныштығын пайдаланасың.Қазір мен өзіңді жайбарақат сезінесің. Өз сұрағыңа қарапайым да,түсінікті сөздер тап. Сен өз сұрағыңды жайлап айтып жатқанда теңізге қара, теңіздің саған жауап беруіне дайын бол. Мүмкін сен толқынның жағаға ұрғанын естірсің ... Мүмкін теңіз саған бір сурет немесе бейне көрсетер. Мүмкін сен дұрыс жауапты табуға көмектесетін өзіңнен бір күшті сезімді сезінерсің... Өз сұрағыңды анық та, түсінікті етіп құруыңа теңіз,көмектесер.

Енді сен түкпіріндегі тыныш та, жайбарақат, кез-келген уақытта, маңызды мәселелерді ойларда сен осы орынға келе аласың. Қазір сен осы орынмен қоштасып, бөлмеге жайлап келесің. Қолыңды соз, терең дем ал, көзіңді аш та, жақсы қуанышпен осында қайт.

Рефлексия. Рахмет! Сендерге ұнады ма?

3. «Бір-біріңе жақында» жаттығуы.

Мақсаты: тактильді қабылдауды дамыту, бір-бірімен мейірімділік және қамқорлық қатынасты қалыптастыру.

Нұсқау:Сіздер бөлмеде еркін жүресіздер де, менің айтқанымды орындайсыңдар. Мен «бір-біріңе» деп айтқанда, сіздер өздеріңе жұп тауып алуларың керек. Жұбыңды тапқаннан кейін мен сіздерге жаңа тапсырмалар беремін. Бастаймыз: «Бір-біріңе!». Енді бір-біріңе қол беріп, бір-біріңнің аяғыңа аяғыңды, мұрынды мұрынға, құлақты құлаққа, бетті бетке және т.б. дене мүшелеріңді тигізіңдер. Осыдан кейін қайтадан өздеріңе басқа жұп тауып, жаңа ғана жасаған әрекеттерді қайталаңыздар.

Талдау: Өздеріңнің көңіл күйлеріңмен бөлісіңдер?

4. «Стресті жеңу үшін не істеу қажет» мини дәріс.

Біріншіден: стресс кезінде ағзада витаминдер қоры бітеді, әсіресе, В витамині жетіспейді. Витаминдерді шамадан тыс пайдаланбаған жөн.

Екіншіден:денені шынықтыру қажет. Спортзалға жиі барып дене шынықтыру жаттығуларын жасаңдар, билеңдер, ән айтыңдар, бассейнге барып жүзіңдер, далада көп серуендеңдер.

Үшіншіден:психикалық және физикалық демалу үшін релаксация қажет. Келесі әдістерді қолданып көріңіздер: баяу музыканы тыңдап, түнгі аспанға қарап армандаңдар.

Төртіншіден:үйлесімді өмір сүру үшін ең алдымен отбасыңның, жолдастарыңның, жақын-туыстардың көмегі қажет. Психологиялық тренингтерге барып, жанұядағы салтанатты мәжілістерге, қызықты жаңа адамдармен танысуды ұмытпаңдар. Ата-аналарыңа, өздеріңнің әжелері мен аталарыңа, ағайларың мен апайларыңа және басқа жақын-туыстарыңа барып, амандығын білуге тырысыңдар.

5. «Біздің топтың жүрегі».

Мақсаты: жанашырлық сезімін, сенімділігін дамыту, топ ынтымақтастығын жетілдіру.

Нұсқау:Ватман қағазынан үлкен жүректі қайшымен қиып, қабырғаға жабыстырыңыз. Осыдан кейін әрбіреуіңіз түсті қағаздан кішкентай жүректі қиып, оған топқа арналған тілегін жазады. Осы қабырғаға жапсырылған ақ жүректе өмір жоқ, бірақ қазір әрбіреуің бұл жүрекке өздеріңнің жылы лебіздерің жазылған кішкентай жүректі жапсырып, үлкен жүрекке өмір беріп, тірілтеміз. Бұл топтың жүрегі болады.

Сергіту сәтінде оқушылардың көңіл-күйін және есте сақтауын дамытуға арналған психологиялық жаттығулар

1.«Жунглидағы жаңбыр»

Нұсқау; -Бір-біріңіздің соңынан шеңбер жасап тұрыңыздар. Жунглида жүрміз деп елестетіңіздер. Ауа райы өте тамаша, күн жарқырап, ыстық және қапырық болып тұр. Бір уақытта самал жел соқты, (алдыңызда тұрған адамның арқасына жұғысып жеңіл қимылдар жасаңыз).

Жел көтеріліп желкіді ( арқаны қаттырақ басамыз) .

Қатты дауыл соқты (қимылдарыңыз күшейіп шеңбер бойында жүргізіледі)

Ұсақ жаңбыр сіркіреді (серіктесіңіздің арқасын саусағыңызбен басасыз)

Кенет нөсер жауын құйды (алақандарыңызбен жоғарыдан төмен қимылдар жасаңыздар).

Бұршақ жауды (арқаны қаттырақ соғамыз).

Тағы да нөсер жауын жауды.

Ұсақ жаңбыр сіркіреді.

Дауыл соқты.

5. «Біздің топтың жүрегі».

Мақсаты: жанашырлық сезімін, сенімділігін дамыту, топ ынтымақтастығын жетілдіру.

Нұсқау:Ватман қағазынан үлкен жүректі қайшымен қиып, қабырғаға жабыстырыңыз. Осыдан кейін әрбіреуіңіз түсті қағаздан кішкентай жүректі қиып, оған топқа арналған тілегін жазады. Осы қабырғаға жапсырылған ақ жүректе өмір жоқ, бірақ қазір әрбіреуің бұл жүрекке өздеріңнің жылы лебіздерің жазылған кішкентай жүректі жапсырып, үлкен жүрекке өмір беріп, тірілтеміз. Бұл топтың жүрегі болады.

Қорытынды.

Оқушылар тренингтен алған әсерлерімен бөліседі.

Психолог: Абдуллина Н.Р









© 2010-2022